ຮອດປີ 2024 ເມືອງຫີນບູນ ຈະສູ້ຊົນປະຕິບັດລາຍຮັບໃຫ້ໄດ້ 904 ຕື້ກີບ

 ສະຫາຍ ຄຳສິງ ອໍລະວັນ ເຈົ້າເມືອງຫີນບູນໄດ້ກ່າວກ່ຽວກັບ ທິດທາງແຜນການແຕ່ນີ້ຮອດປີ 2024 ຈະສ້າງເມືອງຫີນບູນໃຫ້ມີ ສະຖຽນລະພາບທາງດ້ານການ ເມືອງໜັກແໜ້ນເຂັ້ມແຂງ ຕິດພັນກັບການຫັນພະນັກງານລົງກໍ່ສ້າງ ຮາກຖານການເມືອງພັດທະນາຊົນນະບົດຮອບດ້ານ ຮັບປະກັນທາງດ້ານເສດຖະກິດໃຫ້ມີການຂະຫຍາຍຕົວຕໍ່ເນື່ອງ, ລວມຍອດລາຍຮັບໃຫ້ໄດ້ 904 ຕື້ກີບ, ສະເລ່ຍ ລາຍຮັບ 16,04 ລ້ານກີບຕໍ່ຄົນຕໍ່ປີ ຜົນການຜະລິດເຂົ້ານາປີ-ນາແຊງ ໃຫ້ບັນລຸ 41.304 ໂຕນ.

  ກອງປະຊຸມກອງປະຊຸມໃຫຍ່ຄັ້ງທີXIIຂອງອົງຄະນະພັກເມືອງ ຫີນບູນ ແຂວງຄໍາມ່ວນໄດ້ສໍາເລັດ ພາຍຫຼັງດໍາເນີນມາເປັນເວລາ 2 ວັນ (ວັນທີ 12 - 13 ມີນາ 2020) ທີ່ສະໂມສອນເມືອງ ໂດຍການເປັນ ປະທານຂອງສະຫາຍ ຄຳສິງ ອໍລະວັນຮັກສາການເລຂາພັກເມືອງ, ເຈົ້າເມືອງຫີນບູນ, ເປັນກຽດເຂົ້າຮ່ວມຄັ້ງນີ້ໂດຍສະຫາຍ ບຸນມີ ພິມມະສອນ ຮອງເລຂາພັກແຂວງ, ຮອງເຈົ້າແຂວງຄໍາມ່ວນ, ມີບັນດາ ສະຫາຍໃນຄະນະປະທານກອງປະຊຸມ,ຕາງໜ້າເລຂາພັກເມືອງ ອ້ອມຂ້າງ, ຕະຫຼອດພະນັກງານອາວຸໂສບຳນານ, ແຂກຖືກເຊີນ ແລະ ຜູ້ແທນສົມບູນຈຳນວນ 209 ສະຫາຍ, ຍິງ 17 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທັງໝົດ 1.679 ສະຫາຍໃນທົ່ວເມືອງ.

 ຕະຫຼອດໄລຍະຂອງການດຳ ເນີນກອງປະຊຸມແມ່ນເຕັມໄປດ້ວຍ ຄວາມໝາຍສຳຄັນ ສະຫາຍ ຄຳສິງ ອໍລະວັນ ໄດ້ເປັນກຽດກ່າວໄຂກອງປະຊຸມພ້ອມທັງຜ່ານຮ່າງລາຍງານ ການເມືອງຕີລາຄາຜົນຂອງການ ຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະ 5 ປີຜ່ານມາໂດຍ ພາຍໃຕ້ການຊີ້ນໍາໆພາຂອງຄະນະ ບໍລິຫານງານພັກເມືອງຫີນບູນ ສາມາດປະຕິບັດໄດ້ຜົນສຳເລັດໃນ ຫຼາຍດ້ານເປັນຕົ້ນ: ຂົງເຂດວຽກ ງານປ້ອງກັນຊາດ-ປ້ອງກັນ ຄວາມສະຫງົບໄດ້ເອົາໃຈໃສ່ເຄື່ອນ ໄຫວສະກັດກັ້ນ ແລະແກ້ໄຂປະກົດ ການຫຍໍ້ທໍ່ຕ່າງໆເຮັດໃຫ້ສັງຄົມມີ ຄວາມສະຫງົບໂດຍພື້ນຖານ, ການພັດທະນາດ້ານເສດຖະກິດ ການລົງທຶນໄດ້ຈັດຕັ້ງປະຕິບັດ 105 ໂຄງການ ມູນຄ່າ 140,93 ຕື້ກີບ, ເທົ່າກັບ 15,57 % ເຮັດໃຫ້ ເສດຖະກິດຂອງເມືອງຂະຫຍາຍ ຕົວຢ່າງຕໍ່ເນື່ອງໃນລະດັບສະເລ່ຍ 6,5 % ລວມຍອດຜະລິດຕະພັນ ພາຍໃນບັນລຸ 638 ຕື້ກີບ, ລາຍຮັບສະເລ່ຍຕໍ່ຫົວຄົນເພີ່ມຂຶ້ນຈາກ 895 ໂດລາສະຫະລັດຕໍ່ຄົນຕໍ່ປີ ມາເປັນ 1.427 ໂດລາສະຫະລັດຕໍ່ຄົນຕໍ່ປີ, ຜົນຜະລິດເຂົ້າປະຕິບັດໄດ້ 36.856 ໂຕນ ທຽບໃສ່ 5 ປີຜ່ານມາເພີ່ມຂຶ້ນ 8.406 ໂຕນ, ແກ້ໄຂ ຄອບຄົວທຸກຍາກຈາກ 34 ຄອບຄົວຍັງເຫຼືອ 4 ຄອບຄົວ, ການເກັບກໍາຂໍ້ມູນມາດຖານເງື່ອນໄຂພົ້ນທຸກສໍາເລັດ 100 ບ້ານ ມີຄອບຄົວຄົບມາດຖານ 90,98% ຂອງຄອບຄົວທົ່ວເມືອງ,ໄປຄຽງຄູ່ກັນນັ້ນຂົງເຂດວຽກງານອື່ນໆ ກໍ່ໄດ້ຮັບຄວາມເອົາໃຈໃສ່ເຄື່ອນໄຫວຢ່າງເປັນລະບົບຕໍ່ເນື່ອງ ແລະມີຜົນສໍາເລັດທີ່ດີ,ປະຈຸບັນທົ່ວເມືອງມີ 12 ຮາກຖານພັກ, ມີໜ່ວຍພັກທັງໝົດ 147 ໜ່ວຍພັກ,ທຽບໃສ່ 5 ປີເພີ່ມຂຶ້ນ 4,9 %, ມີສະມາຊິກພັກທັງໝົດ 1.679 ສະຫາຍ,ເພີ່ມຂຶ້ນ 23,40%. ໃນໂອກາດດຽວກັນ ບັນດາສະຫາຍຜູ້ແທນທີ່ເຂົ້າຮ່ວມ ຍັງໄດ້ຮັບຟັງການປະກອບຄຳຄິດ ເຫັນຈາກບັນດາຂົງເຂດທີ່ເຂົ້າຮ່ວມ, ພ້ອມນັ້ນກໍ່ດໍາເນີນການປ່ອນ ບັດເລືອກເອົາຄະນະບໍລິຫານງານ ພັກເມືອງຊຸດໃໝ່, ກອງປະຊຸມຄັ້ງ ປະຖົມມະລຶກໄດ້ເປັນເອກະພາບກັນ ເລືອກເອົາສະຫາຍ ຄຳສິງ ອໍລະວັນ ເປັນເລຂາພັກເມືອງ, ສະຫາຍ ເທວາ ສີໂສພາ ເປັນຮອງເລຂາ, ສະຫາຍ ສະຫວັດ ໄຟມະສານ ເປັນຮອງ ເລຂາ, ທັງເປັນປະທານກວດກາ.

-----

ໂດຍ: ມະນີວັນ

แชร์