ຕົວເລກນັກທ່ອງທ່ຽວທີ່ເຂົ້າມາລາວປີ 2018 ມີ 4,18 ລ້ານກວ່າຄົນ

   ຂປລ ຕາມການລາຍງານຂອງຂະແໜງການກ່ຽວຂ້ອງຕົວເລກນັກທ່ອງທ່ຽວຕ່າງປະເທດທີ່ເຂົ້າມາທ່ອງທ່ຽວໃນ ສປປ ລາວ ໃນຮອບໜຶ່ງປີຜ່ານມາ (ມັງກອນ-ທັນວາ 2018) ມີຈຳນວນທັງໝົດ 4.186.000 ກວ່າຄົນເພີ່ມຂຶ້ນ 8,2 ສ່ວນຮ້ອຍເມື່ອທຽບກັບປີ 2017.

  ໃນຈຳນວນດັ່ງກ່າວນີ້ນັກທ່ອງທ່ຽວທີ່ຫຼາຍກວ່າໝູ່ແມ່ນມາຈາກພາກພື້ນອາຊີ-ປາຊີຟິກ ມີ 3.942.000 ກວ່າຄົນເພີ່ມຂຶ້ນ 8 ສ່ວນຮ້ອຍ ໂດຍທີ່ຈາກຣາຊະອານາຈັກໄທແມ່ນຫຼາຍກວ່າໝູ່ມີ 1.929.000 ກວ່າຄົນເພີ່ມຂຶ້ນ 7 ສ່ວນຮ້ອຍ.

   ຕາມດ້ວຍ ສສ ຫວຽດນາມ 867.000 ກວ່າຄົນຫຼຸດລົງ 3 ສ່ວນຮ້ອຍ ແລະ ສປ.ຈີນ 805.000 ກວ່າຄົນ ເພີ່ມຂຶ້ນ 26 ສ່ວນຮ້ອຍ. ສ່ວນ ເກົາຫຼີໃຕ້ ມີຈຳນວນນັກທ່ອງທ່ຽວທີ່ມາທ່ຽວລາວຫຼາຍເປັນອັນດັບສີ່ ມີ 174.000 ກວ່າຄົນ ເພີ່ມຂຶ້ນ 2 ສ່ວນຮ້ອຍ.

   ສ່ວນ ປີ 2019 ນີ້ລັດຖະບານຄາດໝາຍດຶງດູດນັກທ່ອງທ່ຽວຕ່າງປະເທດໃຫ້ໄດ້4,5ລ້ານເທື່ອຄົນ.

แชร์