ສານປະຊາຊົນສູງສຸດຈັດກອງປະຊຸມຄົບຄະນະບໍລິຫານງານພັກ ຄັ້ງທີ 5 ສະໄໝທີ III

  ສານປະຊາຊົນສູງສຸດຈັດກອງປະຊຸມຄົບຄະນະບໍລິຫານງານພັກຄັ້ງທີ 5 ສະໄໝທີ III ໃນຕອນເຊົ້າວັນທີ່ 4-6 ກຸມພາ 2019 ທີ່ສານປະ ຊາຊົນສູງສຸດໂດຍການເປັນປະທານຂອງ ທ່ານ ຄຳພັນ ສິດທິດຳພາ ກຳມະການສູນກາງພັກປະທານສານປະຊາຊົນສູງສຸດເຊີ່ງມີຫົວໜ້າກົມ, ຄະນະສານ ແລະ ພະນັກງານອ້ອມຂ້າງເຂົ້າຮ່ວມ.

  ໃນກອງປະຊຸມປະສານປະຊາຊົນສູງສຸດຈັດກອງປະຊຸມຄົບຄະນະບໍລິຫານງານພັກ ຄັ້ງທີ 5 ສະໄໝທີ III ຂອງອົງຄະນະພັກສານປະຊາຊົນສູງສຸດຄັ້ງນີ້ມີຄວາມສຳຄັນຢ່າງຢີ່ງທີ່ຈະໄດ້ຮັບຟັງ ແລະ ຄົ້ນຄົ້ວປະກອບຄຳຄິດຄຳເຫັນຕໍ່ບົດສະຫຼູບຕີລາຄາສະພາບການເຄື່ອນໄຫວຊີ້ນຳ-ນຳພາ ຈັດຕັ້ງປະຕິບັດມັດຕິກອງປະຊຸມຄົລຄະນະບໍລິຫານງານພັກ ຄັ້ງທີ່ 04 ສະໄໝທີ III ຂອງອົງຄະນະພັກສານປະຊາຊົນສູງສຸດ ແລະ ທິດທາງການສູ້ຊົນເພື່ອຈະໄດ້ພ້ອມກັນຈັດຕັ້ງປະຕິບັດພາຍໃນ 03ເດືອນຕໍ່ໜ້າ, ໃນກອງປະຊຸມຍັງຈະໄດ້ພ້ອມກັນຮັບຟັງ ແລະ ເຊື່ອມຊືມມະຕິ 07 ສະໄໝທີ X ຂອງຄະນະບໍລິຫານງານສູນກາງພັກ, ເຊື່ອມຊືມມະຕິສະບັບເລກທີ 057/ຄບສພ, ລົງວັນທີ 19 ທັນວາ 2018 ຂອງຄະນະບໍລິຫານງານສູນກາງພັກ ວ່າດ້ວຍ ການເພີ້ມທະວີການນຳພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນ ແລະ ສ້າງເຂັ້ມແຂງການຄຸ້ມຄອງມະຫາພາກ, ເຊື່ອມຊືມມະຕິສະບັບເລກທີ 056/ຄບສພ, ລົງວັນທີ 19 ທັນວາ 2018 ຂອງຄະນະບໍລິຫານງານສູນກາງພັກ ວ່າດ້ວຍ ການປັບປຸງຮາກຖານການເມືອງ ຂອງລະບອບປະຊາທິປະໄຕປະຊາຊົນ ໃຫ້ເຂັ້ມແແຂງ ແລະ ໜັກແໜ້ນ, ເພື່ອໃຫ້ຄະນະບໍລິຫານງານພັກນຳໄປເຜີຍແຜ່ໃຫ້ບັນດາສະຫາຍສະມາຊິກພັກ-ພະນັກງານ ຮັບຮູ້ເຂົ້າໃຈ ແລະ ພ້ອມກັນຈັດຕັ້ງຜັນຂະຫຍາຍເຂົ້າສູ່ຊີວິດຕົວຈິງເປັນຮູບປະທຳ.

แชร์