ໜ່ວຍພັກຫ້ອງການພະແນກສຶກສາ ຊຽງຂວາງ ສໍາເລັດກອງປະຊຸມໃຫຍ່

  ກອງປະຊຸມໃຫຍ່ຄັ້ງທີ IX ຂອງໜ່ວຍພັກຫ້ອງການພະແນກສຶກສາທິການ ແລະກີລາແຂວງ (ສກຂ) ຊຽງຂວາງ ເປີດຂຶ້ນເມື່ອບໍ່ດົນມານີ້ທີ່ຫ້ອງປະຊຸມພະແນກ ສກຂ ພາຍໃຕ້ການເປັນປະທານ ຂອງສະຫາຍ ທອງສີ ພັນທະວົງ ຮອງເລຂາໜ່ວຍພັກຫ້ອງການພະແນກ ສກຂ, ໂດຍໃຫ້ກຽດເຂົ້າຮ່ວມຂອງສະຫາຍ ບົວລີ ພັນນາວົງ ເລຂາຄະນະພັກຮາກຖານຫົວໜ້າ ພະແນກ ສກຂ, ມີສະຫາຍຄະນະໜ່ວຍພັກ, ເລຂາໜ່ວຍພັກອ້ອມ ຂ້າງທີ່ຂຶ້ນກັບຮາກຖານ ແລະບັນດາເພື່ອນສະມາຊິກພັກສົມບູນພາຍ ໃນໜ່ວຍເຂົ້າຮ່ວມ.

 ໂອກາດນີ້ສະຫາຍ ສີພັນ ພັດທະນາຄະນະໜ່ວຍພັກຫ້ອງການພະແນກ ສກຂ ໄດ້ຂຶ້ນຜ່ານບົດສະຫຼຸບເພື່ອຕີລາຄາຄືນຜົນການເຄື່ອນ ໄຫວວຽກງານໃນໄລຍະຜ່ານມາສະຫາຍໄດ້ຍົກໃຫ້ເຫັນເຖິງກົງຈັກການຈັດຕັ້ງຂອງໜ່ວຍພັກຫ້ອງການພະແນກ ສກຂ ປະຈຸບັນມີຄະນະໜ່ວຍພັກທັງໝົດ 5 ສະຫາຍ, ມີສະມາຊິກພັກທັງໝົດ 56 ສະຫາຍ, ຍິງ 16 ສະຫາຍ,ແບ່ງເປັນ 5 ຈຸພັກເພື່ອສະດວກໃນການດໍາເນີນຊີວິດການເມືອງ, ໃນໄລຍະ 3 ປີຜ່ານມາ(2017-2019) ຄະນະໜ່ວຍພັກຫ້ອງການພະແນກ ສກຂ ໄດ້ສຸມໃສ່ຈັດຕັ້ງປະຕິບັດຊີ້ນໍາ-ນໍາພາຕາມສິດໜ້າທີ່ຂອບເຂດຄວາມຮັບຜິດຊອບເປັນຕົ້ນດ້ານການເມືອງ-ແນວຄິດ ໄດ້ສຶກສາອົບຮົມການເມືອງແນວຄິດໃຫ້ສະມາຊິກ ເປັນປົກກະຕິ, ເຂົ້າຮ່ວມຮັບຟັງປາຖະກະຖາປະຫວັດມູນເຊື້ອວັນສ້າງຕັ້ງພັກປະຊາຊົນປະຕິວັດລາວ, ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ແລະວັນສໍາຄັນອື່ນໆຕາມການມອບໝາຍຂອງຂັ້ນເທິງ, ເຜີຍແຜ່ກົດລະບຽບຂອງພັກ, ເອກະສານຝຶກຝົນຄຸນທາດການເມືອງ ແລະຄຸນສົມບັດສິນທໍາປະຕິວັດໃຫ້ສະມາ ຊິກພັກພາຍໃນໜ່ວຍ.

   ວຽກງານວິຊາສະເພາະໄດ້ຂະຫຍາຍຕາໜ່າງການສຶກສາໄປສູ່ທ້ອງຖິ່ນ, ໂດຍສະເພາະຂະຫຍາຍໂຮງຮຽນອະນຸບານຕື່ມ 5 ແຫ່ງ, ຂະຫຍາຍໂຮງຮຽນມັດທະຍົມສຶກ ສາຕອນຕົ້ນເປັນມັດທະຍົມສຶກສາສົມສູນ 2 ແຫ່ງ, ສ້າງໂຮງຮຽນຕົວແບບໃຫ້ກາຍເປັນໂຮງຮຽນ ຄຸນນະພາບຊັ້ນປະຖົມ 36 ແຫ່ງ ແລະໂຮງຮຽນອະນຸບານເມືອງລະ 1 ແຫ່ງ, ອັດຕາເຂົ້າຮຽນສຸດທິຂອງເດັກໃນຊັ້ນປະຖົມ (6-10 ປີ) ບັນລຸ 99,5%, ອັດຕາເຂົ້າຮຽນລວມຊັ້ນມັດທະຍົມສຶກສາຕອນຕົ້ນບັນລຸ 97,9%, ອັດຕາເຂົ້າຮຽນລວມຊັ້ນມັດທະຍົມສຶກສາຕອນປາຍບັນລຸ 68,7%, ຊີ້ນໍາການສ້າງຄູປະສົບການ, ປະເມີນຄູ ສອນ, ສ້າງ ແລະບໍາລຸງນັກຮຽນ ເກັ່ງແຕ່ລະຊັ້ນແຕ່ລະວິຊາທັງຂັ້ນ ເມືອງຂັ້ນແຂວງພ້ອມທັງນໍາພາເຂົ້າສອບເສັງນັກຮຽນເກັ່ງລະດັບຊາດສາມາດຍາດໄດ້ລາງວັນຊະນະເລີດ,ຮອງຊະນະເລີດບາງວິຊາ 3ປີ ຊ້ອນໃນໄລຍະ 3 ປີ,ສ້າງຄວາມເຂັ້ມແຂງໃຫ້ແກ່ອໍານວຍການໂຮງຮຽນໃນການບໍລິຫານຄຸ້ມຄອງ ແລະໄປຍົກລະດັບວິຊາສະ ເພາະຕໍ່ຕາມເງື່ອນໄຂຄວາມເປັນ ຈິງ, ພົວພັນຮ່ວມມືກັບປະເທດເພື່ອນບ້ານ ແລະອົງການຈັດຕັ້ງສາກົນເພື່ອພັດທະນາວຽກງານການສຶກສາ-ກີລາຂອງແຂວງໃຫ້ມີຄຸນນະພາບ,ກໍ່ສ້າງມະຫາຊົນໃຫ້ມີຄວາມຕື່ນຕົວສະໝັກເຂົ້າພັກໄດ້ 2 ສະຫາຍ, ຍິງ 1 ສະຫາຍ, ເລື່ອນສະມາຊິກພັກສໍາຮອງຂຶ້ນສົມບູນໄດ້ 2 ສະຫາຍ, ຍິງ 1 ສະຫາຍ, ສາມາດປະເມີນ ແລະຈັດແບ່ງປະເພດສະມາຊິກພັກຢູ່ລະດັບແຂງທັງໝົດ, ນອກນັ້ນຍັງມີຜົນງານອີກຫຼາຍໆດ້ານທີ່ໜ່ວຍພັກຫ້ອງການພະແນກຍາດມາໄດ້ໃນໄລຍະຜ່ານມາອັນໄດ້ສ້າງຜົນປະໂຫຍດຢ່າງໃຫຍຫຼວງໃຫ້ແກ່ສັງຄົມ ແລະປະເທດ ຊາດ,

ພ້ອມດຽວກັນນັ້ນທີ່ປະຊຸມຍັງໄດ້ປ່ອນບັດຄັດເລືອກເອົາຄະນະໜ່ວຍພັກຫ້ອງການພະແນກ ສກຂ ຊຸດໃໝ່ໃນນັ້ນໄດ້ເລືອກເອົາສະຫາຍ ວົງສາ ລໍ່ເຢຍ ເປັນເລຂາໜ່ວຍ, ສະຫາຍ ພຸດທະວັນ ມະນີວົງ ແລະສະຫາຍ ນາງ ດາວອນ ເດດວົງສອນ ເປັນຮອງເລຂາໜ່ວຍເພື່ອສືບຕໍ່ຊີ້ນໍາ-ນໍາພາວຽກງານໜ່ວຍພັກຂອງພະແນກໃຫ້ເຕີບໃຫຍ່ເຂັ້ມແຂງຂຶ້ນໄປເລື້ອຍໆ.

 

แชร์