ສະຫຼຸບວຽກກະສິກຳ ແລະພັດທະນາຊົນນະບົດ

 ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານກະສິກໍາ, ປ່າໄມ້ ແລະພັດທະນາຊົນນະບົດປະຈໍາປີ 2019 ໄດ້ຈັດຂຶ້ນໃນວັນທີ 12 ມີນາ 2020 ນີ້ຢູ່ທີ່ຫ້ອງປະຊຸມພະແນກກະສິກໍາ ແລະ ປ່າໄມ້ແຂວງໄຊຍະບູລີ, ໂດຍເປັນກຽດເຂົ້າຮ່ວມຂອງ ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ, ທ່ານ ກິແກ້ວ ສິງນາວົງ ຫົວໜ້າຫ້ອງການກະຊວງກະສິກໍາ ແລະປ່າໄມ້, ມີຄະນະພະແນກ, ສະມາຊິກສະພາປະຊາຊົນແຂວງ, ຫົວໜ້າພະແນກການ, ກົມກອງ ອ້ອມຂ້າງແຂວງ, ຮອງເຈົ້າເມືອງ, ຫົວໜ້າຫ້ອງການກະສິກໍາຈາກ 11 ເມືອງ, ກຸ່ມຊາວກະສິກອນ, ຂະແໜງການ, ກອງ, ສູນອ້ອມຂ້າງ ພະແນກ ຕະຫຼອດຮອດນັກທຸລະກິດຜູ້ປະກອບການ ພ້ອມດ້ວຍພະນັກງານຫຼັກແຫຼ່ງພາຍໃນພະແນກເຂົ້າຮ່ວມ.

 ທ່ານ ສົມຫວັງ ແກ້ວວິໄລສັກ ຫົວໜ້າພະແນກກະສິກໍາ ແລະປ່າໄມ້ແຂວງ ໄດ້ກ່າວວ່າ: ກອງປະຊຸມ ປີນີ້ໄດ້ເປີດຂຶ້ນຢູ່ຈຸດເວລາທີ່ພວມ ຢູ່ໃນຂະບວນການ ແລະທ່ວງທ່າ ອັນດີໃນການຕໍ່ສູ້ ແລະຜ່ານພົ້ນວິ ກິດຂອງການລະບາດສັດຕູພືດ ຊຶ່ງໄດ້ສ້າງຜົນເສຍຫາຍໃຫ້ແກ່ ເນື້ອທີ່ການຜະລິດ ແລະເປັນສິ່ງ ທ້າທາຍຕໍ່ການຜະລິດ, ຄວາມໝັ້ນຄົງດ້ານສະບຽງອາຫານ, ເປັນປີທີ່ ຂະແໜງກະສິກໍາ, ປ່າໄມ້ ແລະພັດທະນາຊົນນະບົດໃນທົ່ວແຂວງ ຕ້ອງສ້າງບາດລ້ຽວໃໝ່ທີ່ສໍາຄັນ ເຂົ້າໃນການແກ້ໄຂຄວາມຫຍຸ້ງ ຍາກດ້ານເສດຖະກິດການເງິນ ແລະສ້າງຄວາມເຂັ້ມແຂງໃຫ້ແກ່ ເສດຖະກິດມະຫາພາກດ້ວຍການ ຄົ້ນຄວ້າປັບປຸງແຜນຍຸດທະສາດພັດທະນາຂະແໜງການໃຫ້ສອດ ຄ່ອງ ແລະກົມກຽວຕາມທິດພັດທະນາຂົງເຂດກະສິກໍາໃຫ້ທັນສະໄໝ ໂດຍນໍາໃຊ້ວິທະຍາສາດ ແລະເຕັກ ໂນໂລຊີໃໝ່ທີ່ເປັນມິດກັບສິ່ງແວດລ້ອມ, ແນໃສ່ສ້າງວັດຖຸດິບໃຫ້ ພຽງພໍ ແລະມີຄຸນນະພາບສູງ ເພື່ອຮັບໃຊ້ໃຫ້ແກ່ການປຸງແຕ່ງ ເນັ້ນໃສ່ຜະລິດຕະພັນສົດ, ສະອາດ ແລະປອດສານເຄມີ ດ້ວຍຫຼາຍ ຜະລິດຕະພັນ, ປັບປຸງ ແລະຂະຫຍາຍພື້ນຖານໂຄງລ່າງກະສິກໍາຢູ່ຊົນນະບົດໃຫ້ມີຄວາມເຂັ້ມແຂງ; ພ້ອມດຽວກັນນັ້ນ ກໍຕ້ອງໄດ້ສືບຕໍ່ຫັນລົງຮາກຖານຢ່າງແຂງແຮງ ເພື່ອຊ່ວຍທ້ອງຖິ່ນ ແລະຮາກຖານ ເພື່ອນໍາເອົາເນື້ອໃນພັດທະນາຊົນນະບົດໄລຍະໃໝ່ ຕາມທິດພົ້ນທຸກ ແລະພັດທະນາຂອງດໍາລັດ 348/ລບ, ເພື່ອບັນລຸ ແລະສອດຫ້ອຍ ເຂົ້າໃນຂະບວນການດໍາເນີນກອງ ປະຊຸມໃຫຍ່ 3 ຂັ້ນໃນທົ່ວແຂວງ ຢ່າງທົ່ວເຖິງ.

 ໃນກອງປະຊຸມຜູ້ເຂົ້າຮ່ວມຍັງໄດ້ຮັບຟັງຜ່ານບົດສະຫຼຸບຕີລາຄາ ການຈັດຕັ້ງປະຕິບັດວຽກງານກະສິກໍາ, ປ່າໄມ້ ແລະພັດທະນາຊົນນະບົດປະຈໍາປີ 2019 ແລະທິດ ທາງແຜນການປີ 2020, ເຜີຍ ແຜ່ຄໍາສັ່ງເລກທີ 097/ກມສພ ວ່າດ້ວຍການເພີ່ມທະວີການນໍາ ພາຊີ້ນໍາຕໍ່ວຽກງານພັດທະນາຊົນນະບົດ ແລະລຶບລ້າງຄວາມທຸກຍາກຂອງປະຊາຊົນ, ຜ່ານຄໍາແນະ ນໍາເລກທີ 264/ຈຂ.ຊຍ, ລົງວັນທີ 21 ພະຈິກ 2019 ວ່າດ້ວຍການ ເພີ່ມທະວີຄວາມເຂັ້ມງວດໃນການຄຸ້ມຄອງປົກປັກຮັກສາປ່າ ໄມ້ກອງປະຊຸມໄດ້ດໍາເນີນເປັນເວລາ 1 ວັນເຄິ່ງຈຶ່ງສໍາເລັດ.

-------

ໂດຍ: ມະໄລວັນ

แชร์