5 ບ້ານຖືກໂຄງການສ້າງເຂື່ອນເຊກອງຕອນລຸ່ມ A

  ກອງປະຊຸມປຶກສາຫາລືກ່ຽວກັບການທົດແທນຜົນກະທົບຈາກໂຄງການສ້າງເຂື່ອນໄຟຟ້າເຊກອງຕອນລຸ່ມ A ໄດ້ຈັດຂຶ້ນໃນວັນທີ 12 ມີນາ 2020 ທີ່ຫ້ອງວ່າການປົກຄອງແຂວງໂດຍການເປັນປະທານຂອງ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດຕະປື, ມີທ່ານເຈົ້າເມືອງສະໝາມໄຊ, ຄະນະກຳມະທິການເສດຖະກິດສະພາປະ ຊາຊົນ, ຫົວໜ້າພະແນກການອ້ອມຂ້າງແຂວງ ແລະຜູ້ຕ່າງໜ້າຈາກ 5 ບ້ານ ທີ່ຖືກຜົນກະທົບເຂົ້າຮ່ວມ.

   ໂຄງການກໍ່ສ້າງເຂື່ອນໄຟຟ້າເຊກອງຕອນລຸ່ມ A ເມືອງສະໜາມໄຊແມ່ນໂຄງການໜຶ່ງທີ່ນອນໃນແຜນນະໂຍບາຍຂອງພັກ-ລັດ ແລະ ເປັນທ່າເເຮງສຳຄັນໃນການສະ ໜອງພະລັງງານໄຟຟ້າໃນເຂດພາກໃຕ້ຂອງ ສປປ ລາວ ກໍຄືແຂວງອັດຕະປືໂດຍມີການເຊື່ອມຕໍ່ເຂົ້າກັບລະບົບຕາຂ່າຍຂອງລັດວິສາຫະກິດໄຟຟ້າລາວຊຶ່ງອົງການປົກຄອງແຂວງໄດ້ອອກຂໍຕົກລົງແຕ່ງຕັ້ງຄະນະກຳມາທິການຮັບຜິດຊອບການທົດແທນຄ່າເສຍຫາຍຂອງປະຊາຊົນນັບແຕ່ວັນທີ 23 ມີນາ 2019 ເປັນຕົ້້ນມາຕາມລະບຽບການຈາກນັນຈຶ່ງໄດ້ມີການພ້ອມກັນລົງສຳຫຼວດພື້ນທີ່ພັດທະນາຕົວຈິງຊຶ່ງມີເນື້ອທີ່ທັງໝົດ 3,34 ພັນເຮັກຕາ, ໃນນີ້ເນື້ອທີ່ອ່າງເກັບນໍ້າ 3,2 ພັນເຮັກຕາ, ເນື້ອທີ່ເຂດສັນເຂື່ອນ, ເຮືອນຈັກ, ເສັ້ນທາງ ແລະອື່ນໆ ຈະໄດ້ນຳໃຊ້ເນື້ອທີ່ດິນຊົ່ວຄາວໃນກຊ້ວງການກໍ່ສ້າງ 54,7 ເຮັກຕາ, ມີຈຳນວນບ້ານທີ່ຖືກຜົນກະທົບທັງໝົດຢູ່ 5 ບ້ານເຊັ່ນ: ບ້ານຄັນໝາກນາວ,  ຫາດຊາຍສູງ,  ນໍ້າກົງ, ຫາດຍາວ ແລະບ້ານມິດສຳພັນ.

  ກອງປະຊຸມເທື່ອນີ້ບັນດາຜູ້ເຂົ້າຮ່ວມກໍໄດ້ພ້ອມກັນປືກສາຫາລື, ປະກອບຄຳຄິດຄຳເຫັນໃນທາງຄວາມເປັນໄປໄດ້ຕາມທີ່ຜູ້ພັດທານາໂຄງການຈະໄດ້ທົດແທນຜົນເສຍ ຫາຍລວມທັງຊົ່ວຄາວ ແລະຖາວອນໃຫ້ເປັນ

  ເອກະພາບທາງດ້ານຂໍ້ມູນຢ່າງຊັດເຈນເພື່ອພ້ອມກັນສືບຕໍ່ແກ້ໄຂບັນຫາທີ່ເກີດຂຶ້ນນັ້ນໃຫ້ຖືກຕ້ອງຕາມນິຕິກຳກ່ອນຈະໄດ້ມີການດຳເນີນໂຄງການກໍ່ສ້າງເນື່ອງຈາກວ່າ ແຂວງອັດຕະປື ມີຫຼາຍໂຄງການໃນໄລຍະຜ່ານມາປະຊາຊົນໄດ້ຖືກຜົນກະທົບໄດ້ຮັບຄ່າຊົດເຊີຍອັນບໍ່ສົມເຫດສົມຜົນ.

ສະໜັບສະໜູນໂດຍ: HONDA

ໃນກອງປະຊຸມປຶກສາຫາລື ທ່ານ ອຸນຫຼ້າ ໄຊຍະສິດ ຮອງເຈົ້າແຂວງອັດຕະປື ໃຫ້ຮູ້ວ່າ: ການພັດທະນາໂຄງການກໍ່ສ້າງເຂື່ອນໄຟຟ້າເຊກອງຕອນລຸ່ມ A ເມືອງສະໝາມໄຊ ຂໍໃຫ້ຫຼີກລ່ຽງຄວາມສ່ຽງດ້ານຜົນກະທົບທີ່ອາດຈະເກີດຂຶ້ນຕໍ່ປະຊາຊົນທຸກຂໍ້ມູນຢ່າງລະອຽດແມ່ນໃຫ້ໄດ້ຮັບການຢັ້ງຢືນຄຸນນະພາບຈາກພະແນກຊັບພະຍາກອນທຳມະຊາດ ແລະສິ່ງເເວດລ້ອມ, ພະແນກກະສິກຳ-ປ່າໄມ້, ພະແນກພະລັງງານ ແລະບ່ໍແຮ່ ແລະພະແນກການກ່ຽວຂ້ອງອື່ນໆຢ່າງລະອຽດເພື່ອຈະໄດ້ມີການວິເຄາະບັນຫາຄວາມສ່ຽງທີ່ຈະເກີດໄວ້ກ່ອນລ່ວງໜ້າຢ່າງທັນກັບສະພາບການ.

  ໂຄງການກໍ່ສ້າງເຂື່ອນໄຟຟ້າເຊກອງຕອນລຸ່ມ A ເມືອງສະໜາມໄຊເປັນເຂື່ອນຝານນໍ້າລົ້ນທີ່ມີລະດັບນໍ້າຖ້ວມ 83 ເເມັດ(ທຽບໃສລະດັບນໍ້າທະເລ) ມີກຳລັງຕິດຕັ້ງ 86 ເມກາວັດ, ສາມາດຜະລິດກະແສໄຟຟ້າໄດ້ 380,4 ກິໂລວັດໂມງຕໍ່ປີຊຶ່ງລາຍລະອຽດການຊົດເຊີຍຕໍ່ປະຊາຊົນທີ່ຖືກຜົນກະທົບນັ້ນຈະໄດ້ຖືກພິຈາລະນາປັບປຸງ ແລະຮັບຮອງຈາກສະພາປະຊາຊົນ ຫຼືທ່ານເຈົ້າແຂວງຕາມລະບຽບການໃນທຸກຂັ້ນຕອນ.

แชร์