ລາວໂຈະການໂຮມຊຸມນຸມ ສະເຫຼີມສະຫຼອງຫຼາຍວັນສຳຄັນຂອງຊາດ

 ຂປລ. ໃນວັນທີ 12 ມີນາ 2020 ຢູ່ຫ້ອງວ່າການສູນກາງພັກ, ສະຫາຍ ພັນຄໍາ ວິພາວັນ ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ໄດ້ຖະແຫຼງຢ່າງເປັນທາງການວ່າ: ນັບແຕ່ເກີດການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ COVID-19 ໃນທ້າຍປີ 2019 ເປັນຕົ້ນມາແມ່ນໄດ້ເພີ່ມທະວີຄວາມຮຸນແຮງຂອງການລະບາດ ແລະໄດ້ສ້າງຄວາມເສຍຫາຍຕໍ່ຊີວິດຂອງຄົນ ແລະກະທົບ

   ຕໍ່ເສດຖະກິດ, ການທ່ອງທ່ຽວຢ່າງໃຫຍ່ຫຼວງໃນຫຼາຍປະເທດ, ຂະນະທີ່ອົງການອະນາໄມໂລກກໍໄດ້ແຈ້ງເຕືອນໄພອັນຕະລາຍຂອງພະຍາດດັ່ງກ່າວຂັ້ນສູງສຸດ ແລະ ຮຽກຮ້ອງໃຫ້ທຸກປະເທດມີມາດຕາການປ້ອງກັນສະກັດກັ້ນຢ່າງເຂັ້ມງວດ, ໂດຍໃຫ້ຈໍາກັດການເຕົ້າໂຮມຄົນເປັນຈຳນວນຫຼາຍຄຽງຄູ່ກັບການໃຊ້ມາດຕະການອື່ນໆ ທີ່ຈຳເປັນເພື່ອປ້ອງກັນການລະບາດຂອງພະຍາດນີ້ ແລະມາຮອດປະຈຸບັນເຖິງວ່າ ສປປ ລາວ ເຮົາຍັງບໍ່ທັນມີກໍລະນີຜູ້ຕິດເຊື້ອພະຍາດດັ່ງກ່າວກໍຕາມແຕ່ກໍມີຄວາມສ່ຽງສູງທີ່ອາດເກີດການລະບາດ, ຍ້ອນຫລາຍປະເທດອ້ອມຂ້າງພວກເຮົາໄດ້ມີການລະບາດຂອງພະຍາດດັ່ງກ່າວແລ້ວ.

  ໃນນາມຕາງໜ້າໃຫ້ຄະນະຊີ້ນຳລະດັບຊາດກ່ຽວກັບການສະເຫຼີມສະຫຼອງວັນສຳຄັນຂອງພັກ-ຂອງຊາດປະຈຳປີ 2020 ຄື: ວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນວັນເກີດປະທານ ໄກສອນ ພົມວິຫານ ຄົບຮອບ 100 ປີ, ວັນສ້າງຕັ້ງສູນກາງແນວລາວສ້າງຊາດຄົບຮອບ 70 ປີ,ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ແລະວັນສໍາຄັນອື່ນໆ ຈຶ່ງຂໍປະກາດຍົກເລີກແຜນການຈັດໂຮມຊຸມນຸມໃຫຍ່ຢູ່ນະຄອນຫຼວງວຽງຈັນ, ພ້ອມທັງໃຫ້ຄະນະພັກ, ອຳນາດການປົກຄອງຂັ້ນຕ່າງໆນັບແຕ່ ສູນກາງ ແລະທ້ອງຖິ່ນ ຍົກເລີກທຸກແຜນ ການ ທີ່ພົວພັນເຖິງການຈັດກິດຈະກຳທີ່ ມີການເຕົ້າໂຮມຄົນຈຳນວນຫຼາຍສ່ວນການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວຄົບຮອບ 65 ປີນັ້ນ ແມ່ນສະຫາຍເລຂາທິການໃຫຍ່ ປະທານປະເທດແຫ່ງ ສປປ ລາວ ຈະໄດ້ກ່າວຄຳປາໄສຜ່ານໂທລະພາບ,ວິທະຍຸ ແລະ ໜັງສືພິມ ທີ່ເປັນທາງການ ຄຽງຄູ່ກັນນັ້ນ, ກໍໃຫ້ມີການໂຄສະນາ, ປຸກລະດົມ ແລະຍູ້ຂະບວນການວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີຜ່ານສື່ ມວນຊົນຕ່າງໆ ໃຫ້ເປັນຂະບວນຟົດຟື້ນດ້ວຍຫລາຍຮູບການເຊັ່ນ: ມີບົດຄວາມ, ບົດຂ່າວ, ສາລະຄະດີ, ບົດເພງ, ບົດສຳພາດ, ບົດເລົ່າມູນເຊື້ອ, ບົດວຽກດີຄົນເດັ່ນຕ່າງໆຢ່າງຕໍ່ເນື່ອງນອກນັ້ນ, ກໍໃຫ້ມີກອງປະຊຸມສໍາມະນາວິທະຍາສາດໃນຫຼາຍຫົວຂໍ້ກ່ຽວກັບການນຳພາຂອງພັກຢ່າງເໝາະສົມຕາມເງື່ອນໄຂຕົວຈິງຢູ່ແຕ່ລະບ່ອນ, ແຕ່ຕ້ອງເພີ່ມທະວີມາດຕະການກັ່ນກອງຜູ້ເຂົ້າຮ່ວມ, ໂດຍໃຫ້ມີເຄື່ອງມື ແລະ ອຸປະກອນຮັບໃຊ້ທີ່ຈຳເປັນເຊັ່ນ: ນໍ້າຢາລ້າງມື, ນໍ້າຢາຂ້າເຊື້ອ, ເຄື່ອງວັດອຸນຫະພູມໃຫ້ມີການດຳ ເນີນຊີວິດການເມືອງພາຍໃນແຕ່ລະຮາກຖານ, ໂດຍເລັ່ງໃສ່ບັນຫາສຳຄັນເຊັ່ນ: ຄົ້ນຄວ້າຮໍ່າຮຽນມູນເຊື້ອ, ພາລະກຳປະຫວັດສາດຂອງພັກ, ໄພອັນຕະລາຍທີ່ພັກພວມປະເຊີນໜ້າ ແລະການເລັ່ງທວງໃນສະພາບການໃໝ່, ການແກ້ໄຂບັນຫາຫຍໍ້ທໍ້, ການຝຶກຝົນຫຼໍ່ຫຼອມ, ຄວາມເປັນເຈົ້າການ, ຄວາມເປັນແບບຢ່າງນຳໜ້າຂອງສະມາ ຊິກພັກ-ພະນັກງານ ທາງດ້ານມານະຈິດປະຕິວັດ, ຄຸນທາດການເມືອງ, ຄຸນສົມບັດສິນທຳ ປະຕິວັດ, ການທຸ້ມເທກຳລັງ, ສະຕິປັນ ຍາ ເພື່ອພາລະກິດປະຕິວັດ ແລະຄວາມ ຢູ່ດີກິນດີຂອງປະຊາຊົນ ກໍຄືຄວາມເຂັ້ມ ແຂງຂອງປະເທດຊາດ, ເຮັດໃຫ້ພັກເຮົາ ມີຄວາມປອດໃສ, ເຂັ້ມແຂງ, ໜັກແໜ້ນ, ເດັດດ່ຽວນຳພາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມໃຫ້ສືບຕໍ່ປັບປຸງຖະໜົນຫົນທາງ, ຮັກສາຄວາມສະອາດ, ປະດັບປະດາທຸງພັກ, ທຸງຊາດ, ທຸງທິວຕາມຕົວເມືອງ, ສຳນັກງານອົງການ, ບ້ານ ເຮືອນປະຊາຊົນ ແລະຕິດຄຳຂວັນປຸກລະດົມຕ່າງໆໃຫ້ເປັນຂະບວນຟົດຟື້ນພາຍໃຕ້ຄໍາຂວັນຄື: ສາທາລະນະລັດ ປະຊາທິປະໄຕ ປະຊາຊົນລາວໝັ້ນຍືນ!, ພັກປະຊາຊົນປະຕິວັດລາວທີ່ມີກຽດສະ ຫງ່າໝັ້ນຍືນ, ຊົມເຊີຍວັນສ້າງຕັ້ງພັກປະ ຊາຊົນປະຕິວັດລາວຄົບຮອບ 65 ປີ ຢ່າງສຸດໃຈ, ສູ້ຊົນນຳພາຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກໃຫ້ປະ ກົດຜົນເປັນຈິງ!, ສູ້ຊົນກໍ່ສ້າງພັກປອດໃສ, ເຂັ້ມແຂງ ແລະໜັກແໜ້ນ!, ຫັນປ່ຽນ ແບບແຜນນຳພາຂອງພັກຢ່າງແຂງແຮງ ແລະເລິກເຊິ່ງ!, ເພີ່ມທະວີມະຫາສາມັກຄີທົ່ວປວງຊົນທັງຊາດພາຍໃຕ້ການນຳພາຂອງພັກ!, ເສີມຂະຫຍາຍມູນເຊື້ອສະຫງ່າອົງອາດຂອງພັກປະຊາຊົນປະຕິວັດລາວ! ແລະ ໃຫ້ມີການວາງກະຕ່າດອກໄມ້ ແລະວາງພວງມາລາຢູ່ສະຖານທີ່ສຳຄັນຂອງຊາດ ແລະຂອງທ້ອງຖິ່ນພ້ອມນັ້ນ, ກໍໃຫ້ສືບຕໍ່ເພີ່ມທະວີການຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ, ຈັດກຳລັງເຂົ້າປະຈຳການຕາມສໍານັກງານ-ອົງການຕ່າງໆ ເພື່ອໃຫ້ຮັບປະກັນຄວາມສະຫງົບປອດໄພໃນສັງຄົມ.

ສະໜັບສະໜູນໂດຍ: HONDA

  ໂອກາດນີ້, ຂ້າພະເຈົ້າຕາງໜ້າພັກ ແລະລັດຖະບານຂໍຮຽກຮ້ອງມາຍັງປະຊາຊົນບັນດາເຜົ່າຈົ່ງມີສະຕິລະມັດລະວັງ, ເປັນເຈົ້າຕົນເອງປ້ອງກັນຕໍ່ການແຜ່ລະບາດຂອງພະຍາດນີ້, ໂດຍການເອົາໃຈໃສ່ຕິດຕາມ ແລະປະຕິບັດຕາມວິທີການ, ມາດຕະການທີ່ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ COVID-19 ໄດ້ປະກາດອອກເປັນແຕ່ລະໄລຍະ, ທຸກອົງການຈັດຕັ້ງ ແລະ ອົງການປົກຄອງທ້ອງຖິ່ນຕະຫຼອດຮອດປະ ຊາຊົນທົ່ວໄປໃຫ້ເປັນເຈົ້າການພິຈາລະນາໃນການຈັດງານຕ່າງໆວ່າຄວນຍົກເລີກ, ການໂຈະ, ເລື່ອນການຈັດງານ ຫຼືຈະຈັດໃນລະດັບໃດເພື່ອໃຫ້ຮັບປະກັນຄວາມປອດໄພຈາກເຊື່ອພະຍາດນີ້.

 

แชร์