ກູເກິລເວັບໄຊສືບຄົ້ນຂໍ້ມູນຍອດນິຍົມຂອງໂລກອອກຄຳແນະນຳໃຫ້ພະນັກງານໃນອາເມລິກາເໜືອທັງໝົດຊຶ່ງມີຢູ່ຫຼາຍກວ່າ 1 ແສນຄົນ ເຮັດວຽກຢູ່ເຮືອນໄປຈົນເຖິງວັນທີ 10 ເມສານີ້.

   ກ່ອນໜ້ານີ້ກູເກິລໃຫ້ພະນັກງານໃນເຂດເບ ແອເຣຍ ຊຶ່ງມີຢູ່ປະມານ 45 ພັນຄົນ ເຮັດວຽກຢູ່ເຮືອນ ແລະຂະຫຍາຍມາເປັນພະນັກງານໃນອາເມລິກາເໜືອທັງໝົດ ນອກຈາກນີ້ກູເກິລຍັງປະກາດນະໂຍບາຍເລື່ອງການຂໍລາພັກເຈັບຖ້າພະນັກງານຈຳເປັນຕ້ອງລາພັກຍ້ອນອາການເຈັບປ່ວຍທີ່ໃກ້ຄຽງກັບໂລກໂຄວິດ-19 ຫຼື ບໍ່ສາມາດມາເຮັດວຽກໄດ້ເພາະຖືກກັກຕົວວ່າຕ້ອງສົງໄສວ່າຕິດເຊື້ອໄວຣັດໂຄໂຣນາສາຍພັນໃໝ່ຍັງສາມາດໄດ້ຮັບເງິນຄ່າຈ້າງໄດ້ຕໍ່ໄປ.

  ນະໂຍບາຍນີ້ບໍ່ຈຳກັດສະເພາະພະນັກງານທີ່ເຮັດວຽກເຕັມເວລາແຕ່ຍັງລວມທັງພະນັກງານສັນຍາຈ້າງຜ່ານບໍລິສັດທີ່ເຊັນສັນຍາຈັດຫາຄົນໃຫ້ກູເກິລເຊັ່ນ: ຄົນຂັບລົດ ຫຼືພະນັກງານໃນຮ້ານອາຫານ ແລະໃຫ້ມີຜົນບັງຄັບໃຊ້ກັບສຳນັກງານທົ່ວໂລກຂອງບໍລິສັດອີກດ້ວຍ.

แชร์