ວັນທີ 12 ມີນາຜ່ານມາ ອິນເດຍປະກາດປິດປະເທດຢຸດອອກວີຊ່າທ່ອງທ່ຽວທັງໝົດພາຍຫຼັງຍອດຜູ້ຕິດເຊື້ອໂຄວິດ-19 ພາຍ ໃນປະເທດເພີ່ມເປັນ 60 ຄົນ.

 ຕາມຂ່າວຕ່າງປະເທດລາຍງານວ່າລັດຖະບານອິນເດຍຢຸດອອກໜັງສືຜ່ານແດນ (ວີຊ່າ) ທ່ອງທ່ຽວໃຫ້ກັບຊາວຕ່າງປະເທດທັງໝົດຈົນເຖິງວັນທີ 15 ເມສາ ປີນີ້ພາຍ ຫຼັງຍອດຜູ້ຕິດເຊື້ອພາຍໃນປະເທດເພີ່ມເປັນ 60 ຄົນ ແລະອົງການອະນາໄມໂລກປະກາດໃຫ້ຍົກລະດັບການແຜ່ລະບາດຂອງພະຍາດໂຄວິດ-19 ເປັນການແຜ່ລະບາດລະດັບໂລກນອກຈາກນີ້ອິນເດຍຍັງຍົກລະດັບການກັກຕົວເພື່ອປ້ອງກັນເຊື້ອພະຍາດໂຄໂຣນາສາຍພັນໃໝ່ ຫຼື ໂຄວິດ-19 ແຕ່ຍົກເວັ້ນສະເພາະການອອກວີຊ່າໃຫ້ກັບນັກການທູດ, ເຈົ້າໜ້າທີ່ອົງການຈັດຕັ້ງສາກົນແລະພົນລະເມືອງຕ່າງປະເທດທີ່ມີໃບອະນຸຍາດເຮັດວຽກ ຫຼືເປັນຕົວແທນບໍລິສັດໂຄງການຄູ່ສັນຍາກັບລັດຖະບານເທົ່ານັ້ນ.

 ການປະກາດດັ່ງກ່າວອອກມາຫຼັງຈາກລັດຖະບານອິນເດຍຈັດກອງປະຊຸມເລັ່ງດ່ວນໃນທ້າຍອາທິດທີ່ຜ່ານມາເພື່ອຊອກຫາມາດຕະການໃນການປ້ອງກັນເຊື້ອພະຍາດໂຄວິດ-19 ຮ່ວມກັນ.

แชร์