ຄົນອາຊີແຕກຕື່ນ ແຫ່ຊື້ສິນຄ້າມາໄວ້ ຊ່ວງໂຄວິດ-19 ລະບາດ

  ການແຫ່ກັກຕຸນສິນຄ້ານັບຕັ້ງແຕ່ຍີ່ປຸ່ນໄທໄປຈົນເຖິງອິນເດຍສະທ້ອນສະພາບຄວາມຢ້ານກົວ ແລະຕື່ນຕົກໃຈຂອງຜູ້ຄົນທີ່ວ່າຈະເກີດການຂາດແຄນສິ່ງຂອງອຸປະໂພກບໍລິໂພກທ່າມການສະຖານະການການແຜ່ລະບາດຂອງເຊື້ອໄວຣັດໂຄໂຣນາສາຍພັນໃໝ່ 2019 (ໂຄວິດ-19).

  ສິ່ງທີ່ຜູ້ບໍລິໂພກໃນປະເທດຕ່າງໆທົ່ວອາຊີພາກັນຫາຊື້ເພື່ອກັກຕຸນມີຕັ້ງແຕ່ໜ້າກາກອະນາໄມອາຫານກະປ້ອງ ແລະເຈ້ຍອະນາໄມຈົນສິນຄ້າເຫຼົ່ານີ້ໝົດກ້ຽງຈາກຊັ້ນວາງຂາຍສິນຄ້າເຮັດໃຫ້ລັດຖະບານໃນຖານະຜູ້ກຳນົດນະໂຍບາຍ ແລະກຸ່ມທຸລະກິດຊັ້ນນຳຂອງແຕ່ລະປະເທດພະຍາຍາມຫາທາງບັນເທົາສະຖານະການທີ່ເກີດຂຶ້ນເລີ່ມຈາກຍີ່ປຸ່ນໃນທຸກໆເຊົ້າຈະເຫັນພາບຊາວຍີ່ປຸ່ນເຂົ້າແຖວໜ້າຮ້ານຊູເປີມາກເກັດ ແລະຮ້ານຂາຍຢາເມື່ອປະຕູຮ້ານເປີດທຸກຄົນຈະຍ່າງໄປທີ່ຊັ້ນວາງຂາຍໜ້າກາກອະນາໄມ ແລະ ເຈ້ຍອະນາໄມເພື່ອກວ້າດຊື້ສິນຄ້າຈົນບໍ່ເຫຼືອຫຼັງຈາກມີຂ່າວລືໃນໂລກໂຊຊຽວວ່າຍີ່ປຸ່ນຈະນຳເຂົ້າເຈ້ຍອະນາໄມຈາກ ສປ ຈີນ ສ.ເກົາຫຼີ ຊຶ່ງໄດ້ຮັບຜົນກະທົບຈາກໄວຣັດໂຄໂຣນາ ແລະປະເຊີນກັບພາວະຂາດແຄນໜ້າກາກອະນາໄມເໝືອນກັນເມື່ອວັນຈັນທີ່ຜ່ານມາປະທານາທິບໍດີມູນ ແຈອິນ ປະກາດໃຫ້ປະຊາຊົນສາມາດຊື້ໜ້າກາກອະນາໄມໄດ້ຄົນລະ 2 ແຜ່ນຕໍ່ອາທິດທີ່ຮ້ານຂາຍຢາສະຫະກອນການກະເສດ ແລະທີ່ທຳການໄປສະນີຈາກກ່ອນໜ້ານີ້ທີ່ໃຫ້ຊື້ໄດ້ບໍ່ເກີນຄົນລະ 5 ແຜ່ນ.

  ໄຕ້ຫວັນ ສປ ຈີນ ກໍເປັນຜູ້ລະງັບການສົ່ງອອກໜ້າກາກອະນາໄມເພື່ອໃຫ້ປະຊາຊົນພາຍໃນໄດ້ໃຊ້ຢ່າງທົ່ວເຖິງນັບຕັ້ງແຕ່ພົບຜູ້ຕິດເຊື້ອໄວຣັດໂຄໂຣນາສາຍພັນໃໝ່ເມື່ອວັນທີ 24 ມັງກອນ ທີ່ຜ່ານມາ.

แชร์