BLACKPINK” ມີແວວຈະໄດ້ຮ່ວມງານ ກັບ ເລດີ້ ກາກ້າ

  ບໍ່ທັນກັບຄືນເວທີແຕ່ ຢ່າງ 4 ສາວ BLACKPINK” ກໍຖືກສື່ອັງກິດເມົ້າມາວ່າພວກເຈົ້າ ກຽມຮ່ວມງານກັບມິວສິກໄອຄອນ ເລດີ້ ກາກ້າ “Lady Gaga” ໃນອະລາບ້ໍາໃໝ່ໄປສະແລ້ວ, ຊຶ່ງງານ ນີ້ເອົາແຟນຄັບຕື່ນເຕັ້ນກັນບໍ່ຢຸດ ເພາະຫຼັງມີຂ່າວລືວ່າ BLACK PINK ເປັນໜຶ່ງໃນສິລະປິນທີ່ມີ ລາຍຊື່ຮ່ວມເຮັດວຽກເພງໃນອະລາ ບໍາໃໝ່ຂອງ “Lady Gaga” ຊຶ່ງ ຈະວາງຈໍາໜ່າຍໃນເດືອນເມສານີ້ ງານນີ້ຕົ້ນສັງກັດຢ່າງ YG Enter tainment ກໍຮີບອອກມາຊີ້ແຈ້ງ ຂ່າວດັ່ງກ່າວວ່າ: BLACKPINK ກໍາລັງຢູ່ໃນລະຫວ່າງການເຮັດ ວຽກໃນຫຼາຍໂຄງການ ຊຶ່ງໃນຂະນະນີ້ທາງບໍລິສັດຍັງບໍສາມາດຢືນຢັນຂໍ້ມູນໃດໆໄດ້ ແລະຂໍໃຫ້ແຟນໆ ໄດ້ຕິດຕາມການຢືນຢັນຂ່າວຕ່າງໆ ຜ່ານປະກາດຢ່າງເປັນທາງການ ຂອງບໍລິສັດ.

  BLAKPINK ຫ່າງຫາຍຈາກ ການເຮັດເພງໃໝ່ໄປເກືອບ 1 ປີນັບຕັ້ງແຕ່ຜົນງານຫຼ້າສຸດ KILL THIS LOVE ເມືອເດືອນເມສາ 2019 ຈາກນັ້ນພວກເຂົາກໍໄດ້ປະສົບຜົນ ສໍາເລັດຢ່າງຫຼວງຫຼາຍກັບການທົວຄອນເສີດ “In Your Area” ຈົນມີຂ່າວວ່າໃນປີນີ້ພວກເຂົາຈະກັບມາພ້ອມເພງໃໝ່ຢ່າງແນ່ນອນ.

-------

ຮຽບຮຽງໂດຍ: ຟ້າ

แชร์