ການຈະນາ ວິລະກຸນ ຈະສ້າງສັກກະຍາພາບໃນເວທີ ນາງສາວນະຄອນຫຼວງ

 ນາງສາວ ການຈະນາ ວິລະກຸນ ຜູ້ເຂົ້າຮອບ 20 ຄົນສຸດທ້າຍໃນກອງປະກວດນາງສາວນະຄອນຫຼວງວຽງຈັນ 2020 ໂດຍໄດ້ມີການກຽມຄວາມພ້ອມມາຢ່າງດີເພື່ອເຂົ້າມາປະກວດໃນເວທີນີ້ທັງເປັນການສ້າງສັກກະຍາພາບໃຫ້ແກ່ຕົນເອງ ແລະຄວາມຫວັງຄືໄດ້ປະສົບການໃໝ່ໆ.

  ນາງ ການຈະນາ ວິລະກຸນ  MVT06 ຫຼືອຸ້ມ ອາຍຸ 18 ປີ ໃຫ້ສໍາພາດວ່າ: ປະຈຸບັນກໍາລັງສຶກສາທີ່ມະຫາວິທະຍາໄລແຫ່ງຊາດຄະນະເສດຖະສາດ ແລະ ບໍລິຫານທຸລະກິດສາຂາການຕະຫຼາດເຖິງ ວ່າຈະບໍ່ເຄີຍຜ່ານເວທີການປະກວດໃດ ຫຼື ຍັງບໍ່ເຄີຍມີຜົນງານ ດ້ານບັນເທີງມາກ່ອນກໍຕາມຄວາມຄາດຫວັງກໍຢາກຈະຕິດ 1 ໃນ 3 ຂອງເວທີນາງສາວນະຄອນຫຼວງວຽງຈັນ 2020 ການທີ່ຕົນເອງເລືອກມາປະກວດໃນເວທີນາງສາວນະຄອນຫຼວງເພາະໄດ້ລໍຖ້າມາເປັນເວລາຫຼາຍປີໃນການກຽມຄວາມພ້ອມທາງດ້ານສະກະຍະພາບ ແລະຄວາມສາມາດ, ໃນອະນາຄົດນອກຈາກຢາກເປັນສາວແອ ແລະນາງງາມແລ້ວກໍຢາກມີມູນນິທິເດັກເປັນຂອງຕົນເອງເຖິງວ່າຢູ່ໃນປະ ເທດເຮົາມີຫຼາຍມູນນິທິທີ່ຊ່ວຍເຫຼືອສັງຄົມແຕ່ມັນຍັງບໍ່ທັນພຽງພໍ ແລະທົ່ວເຖິງຊຶ່ງຕົນເອງກໍຢາກຈະແບ່ງປັນທາງດ້ານທຶນການສຶກສາ,ຊີວິດການເປັນຢູ່ທີ່ອົບອຸ່ນໃຫ້ແກ່ເດັກນ້ອຍທີ່ຢູ່ເຂດຫ່າງໄກສອກຫຼີກ.

 ການທີ່ໄດ້ເຂົ້າຮອບ 20 ຄົນ ສຸດທ້າຍກໍຖືວ່າເປັນຄວາມພາກພູມໃຈໃນຂັ້ນໜຶ່ງແລ້ວໂດຍຕົນເອງການບອກເລົ່າ ແລະຖ່າຍທອດຄວາມເປັນລາວໃຫ້ກັບຄົນຕ່າງຊາດໄດ້ສຳຜັດເຖິງກິ່ນອາຍຄວາມເປັນລາວໂດຍຜ່ານສິ່ງທີ່ຕົນເອງຖະນັດຄືການຟ້ອນລຳວົງລາວເປັນ 5 ຈັງຫວະ ແລະປຸງແຕ່ງອາຫານລາວນອກຈາກຄວາມເປັນແມ່ຍິງລາວຕົນເອງກໍມີຄວາມຮັກຊາດ, ຮັກບ້ານເກີດເມືອງນອນ ແລະ ຮັກເເຜ່ນດິນຂອງແມ່ຂໍຝາກຮ່ວມເຊຍ ແລະ ຕິດຕາມນ້ອງໆທັງ 20 ຄົນໄດ້ທາງແຟນເພສ Miss Vientiane ນາງສາວນະຄອນຫຼວງວຽງຈັນ ຫຼືສາມາດຕິດຕາມການເຄື່ອນໄຫວຂອງນ້ອງອຸ້ມໄດ້ທາງເຟສບຸກສ່ວນຕົວ: J’oumKan chana.

_____________

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

  

 

แชร์