ສະໂມສອນຊ້າງນ້ອຍ ຫວັງຈະຄວ້າແຊັມລາວລີກປີນີ້

  ສະໂມສອນຊ້າງນ້ອຍໄດ້ຮັບການສ້າງຕັ້ງຂຶ້ນໃນປີ 2018 ເປັນສະໂມສອນທີ່ກໍາລັງພັດທະນານັກກີລາບານເຕະລາວຜົນການແຂ່ງຂັນຜ່ານມາຢູ່ໃນອັນດັບ 6 ຂອງປີ 2018 ແລະນອນໃນອັນດັບ 3 ຂອງປີ 2019 ມາຮອດປະຈຸບັນນີ້ມີນັກກີລາທັງໝົດ 3 ຮຸ່ນຄື: ຮຸ່ນອາຍຸບໍ່ເກີນ 15 ປີ, ຮຸ້ນອາຍຸບໍ່ເກີນ 18 ປີ ແລະຊຸດໃຫຍ່ສຳລັບແຂ່ງ ຂັນລາວລີກ 2020 ປີນີ້ໂດຍຕັ້ງຄວາມຫວັງວ່າຈະຄວ້າໃຫ້ໄດ້.

  ທ່ານອາຈານ ບຸນລັບ ເຄນກິ ຕິສັກ ຫົວໜ້າຄູຝຶກສອນສະໂມສອນຊ້າງນ້ອຍໃຫ້ສຳພາດວ່າ: ປີນີ້ສະໂມສອນຊ້າງນ້ອຍແມ່ນມີຄວາມພ້ອມໃນດ້ານການຄັດເລືອກນັກກີລາບານເຕະທັງຕົວຈິງ ແລະຕົວສຳຮອງພ້ອມທັງໄດ້ມີການເກັບຕົວນັກກີລາໃຫ້ມີການຝຶກຊ້ອມຢ່າງເຕັມທີ່ພິເສດໃນປີນີ້ແມ່ນໄດ້ມີນັກກີລາບານເຕະມາຈາກຕ່າງປະເທດມາແລກປ່ຽນບົດຮຽນໃຫ້ແກ່ນັກກີລາໃນທີມສະໂມສອນຊ້າງນ້ອຍນຳອີກດ້ວຍເພື່ອເປັນສ້າງຄວາມພ້ອມໃນການເຂົ້າຮ່ວມແຂ່ງຂັນລາວລີກ 1 ໃນປີນີ້ໂດຍຄາດຫວັງວ່າຈະຄ້ວາແຊັມໃຫ້ໄດ້ພ້ອມນີ້ຂ້າພະເຈົ້າຈະທຸ້ມເທເຫື່ອແຮງ ແລະສະຕິປັນຍາເຂົ້າໃນການພັດທະນາວົງການກີລາບານເຕະລາວໃຫ້ສຸດຄວາມສາມາດໂດຍຫວັງເປັນຢ່າງຍິ່ງວ່າໃນອະນາຄົດຂ້າງໜ້າລາວເຮົາຈະສາມາດພັດທະນາເປັນກີລາບານເຕະອາຊີບໄດ້ຢ່າງເປັນຮູບປະທຳ.

   ທ່ານ ເຈສັນ ລີມ ປະທານສະໂມສອນຊ້າງນ້ອຍກ່າວຕື່ມອີກວ່າ: ຫຼາຍປີຜ່ານມາຂ້າພະເຈົ້າເຄີຍເຮັດວຽກນີ້ ແລະໄດ້ມີໂອກາດພົບປະກັບຫຼາຍໆສະໂມສອນຫຼາຍໆ ປະ ເທດລວມທັງອາຊີ ແລະເອີຣົບສະນັ້ນເຮົາຈະນຳເອົາຄວາມຊຳນິຊຳນານ ແລະປະສົບການທາງດ້ານນີ້ມາຜະລິດເຄື່ອງແບບໃຫ້ກັບທີມຊ້າງນ້ອຍ ແລະຈະນຳໃຊ້ເຕັກນິກລ່າສຸດຂອງພວກເຮົາທັງໃນດ້ານວັດຖຸດິບ ແລະຂະບວນການຜະລິດເພື່ອສ້າງເຄື່ອງແບບໃຫ້ມີສັກະຍະພາບທີ່ຈະນຳໄຊຊະນະມາສູ່ທີມ.

_________

ໂດຍ: ແພງຕາ

แชร์