ໂຮງຮຽນທະຫານທ້ອງຖິ່ນບໍ່ແກ້ວ ເປີດຊຸດອົບຮົມ

   ວັນທີ 11 ມີນາ 2020, ໂຮງຮຽນທະຫານທ້ອງຖິ່ນແຂວງບໍ່ແກ້ວ ໄດ້ຈັດພິທີເປີດຊຸດອົບຮົມ-ຫັດແອບການເມືອງ, ການທະຫານ ແລະ ພາລາທິການໃຫ້ທະຫານໃໝ່ປະຈຳປີ 2019-2020 ໂດຍການເປັນປະທານຂອງທ່ານ ພັນໂທໂສວັນ ພັນທັນນີ ຄະນະພັກຮາກຖານຫົວໜ້າຫ້ອງເສນາທິການກອງບັນຊາການທະຫານແຂວງ ບໍ່ແກ້ວ, ມີຄະນະພັກ-ຄະນະບັນຊາ 5 ຫ້ອງ, ພະແນກການກ້ຽວຂ້ອງ, ພະນັກງານ-ຄູອາຈານ ຕະຫຼອດຮອດນັັກຮຽເຂົ້າຮ່ວມຢ່າງພ້ອມພຽງ.

ສະໜັບສະໜູນໂດຍ: HONDA

  ທ່ານ ພັນຕີ ເພີນຈະເລີນໄຊ ວົງໝຶ່ນກ້າ ຮອງການທະຫານໂຮງຮຽນທ້ອງຖິ່ນໄດ້ຂຶ້ນຜ່ານແຜນ ການອົບຮົມ-ຫັດແອບການເມືອງ,ການທະຫານ ແລະພາລາທິການໃຫ້ທະຫານໃໝ່ຊຸດທີ 27ຂອງໂຮງຮຽນທະຫານທ້ອງຖິ່ນໃນໄລຍະເວລາ 3 ເດືອນ ປະຈຳປີ 2019-2020 ຊຶ່ງການຝຶກອົບຮົມໃນຄັ້ງນີ້ກໍເພື່ອເປັນການຍົກສູງຄວາມຮູ້ ຄວາມສາມາດທາງດ້ານການ ເມືອງ, ການທະຫານ ແລະພາລາທິການ, ໃຫ້ທະຫານໃໝ່ໄດ້ກຳແໜ້ນທິດສະດີຫຼັກການ ແລະບັນດາຂໍ້ກຳນົດ, ກົດລະບຽບທາດແທ້ ມູນເຊື້ອຂອງພັກຂອງກອງທັບ,ແຜນການທີ່ຄູ-ອາຈານໄດ້ຖ່າຍທອດໃຫ້ເພື່ອນຳໄປຈັດຕັ້ງຜັນຂະຫຍາຍຢູ່ບັນດາກົມກອງ,ເນື້ອໃນອົບຮົມ-ຫັດແອບລວມມີ 4 ພາກໃຫຍ່ຄື: ພາກການເມືອງ, ການທະຫານ, ພາລາທິການ ແລະພາກ ເຕັກນິກໃຊ້ເວລາທັງໝົດ 90 ວັນໃນນີ້ພາກການເມືອງ 6 ວັນ, ພາກລະບຽບ-ກີລາ 16 ວັນ, ພາກສິນລະປະຍຸດ 10 ວັນ, ຍຸດທະວິທີ 19 ວັນ ແລະພາລະທິການ-ເຕັກນິກ ອີກຈຳນວນໜຶ່ງ.

   ໂອກາດນີ້ທ່ານ ພັນໂທ ໂສວັນ ພັນທັນນີກໍໄດ້ເນັ້ນໜັກ ແລະຮຽກຮ້ອງໃຫ້ຄະນະພັກ-ຄະນະບັນຊາ, ຄະນະຮັບຜິດຊອບເອົາໃຈໃສ່ຊີ້ນຳ ແຕ່ລົງຂົງເຂດວຽກງານໃຫ້ລະອຽດໃຫ້ມີຄວາມສະຫງົບປອດໄພ, ເພີ່ມທະວີຄວາມສາມັກຄີເປັນປຶກ ແຜ່ນເຊື່ອໝັ້ນຕໍ່ການນຳພາຂອງ ພັກກຳໄດ້ທິດສະດີຫຼັກການ ແລະ ນຳເອົາບົດຮຽນທີ່ຮຽນມາເພື່ອປະກອບສ່ວນເຂົ້າໃນການປະຕິບັດໜ້າທີ່ໃຫ້ປະກົດຜົນເປັນຈິງ.

-------

ໜັງສືພິມ-ເສດຖະກິດ-ສັງຄົມ

แชร์