ສຶກສາຫຼວງນໍ້າທາ ຈັດກອງປະຊຸມໃຫຍ່

  ກອງປະຊຸມໃຫຍ່ຜູ້ແທນ ຂອງຄະນະພັກຮາກຖານພະແນກສຶກສາທິການ ແລະກີລາແຂວງ ຫຼວງນໍ້າທາຄັ້ງທີ່ IX , ໄດ້ໄຂ ຂຶ້ນຢ່າງເປັນທາງການໃນວັນທີ 11 ມີນາ 2020 ທີ່ສະໂມສອນໂຮງຮຽນສາມັນກີນນອນຊົນເຜົ່າ ແຂວງຫຼວງນໍ້າທາ, ໂດຍການເປັນປະທານ ສະຫາຍ ບຸນຈັນ ຫຼວງລືໄຊ ກຳມະການພັກແຂວງເລຂາຄະນະພັກຮາກຖານຫົວໜ້າພະແນກສຶກສາທີການ ແລະກີລາແຂວງໃຫ້ກຽດເຂົ້າຮ່ວມສະຫາຍ ບຸນຍີ່ ແກ້ວຄຸນເມືອງ ຮອງເລຂາພັກແຂວງຮອງເຈົ້າແຂວງຫຼວງນໍ້າທາ, ມີເລຂາ-ຮອງເລຂາຄະນະພັກຮາກຖານທີ່ຂຶ້ນກັບ 3 ອົງການຈັດຕັ້ງພັກ, ພະນັກງານອາວຸໂສ, ຜູ້ ແທນສົມບູນ185 ສະຫາຍ,ຍິງ 71 ສະຫາຍ ຊຶ່ງເປັນຕົວແທນໃຫ້ແກ່ສະມາຊີກພັກທົ່ວຄະນະພັກຮາກຖານພະແນກສຶກສາທີການ ແລະກີລາຈໍານວນ 288 ສະຫາຍ,ຍິງ129ສະຫາຍ ແລະແຂກຖືກເຊີນເຂົ້າຮ່ວມ.

  ສະຫາຍ ບຸນໂຮມ ຈິດດາລາ ຮອງຫົວໜ້າພະແນກສຶກສາທິການ ແລະກີລາແຂວງຫຼວງນໍ້າທາ, ໄດ້ຜ່ານຮ່າງລາຍການການເມືອງຕໍ່ກອງປະຊຸມ, ຊຶ່ງຕະຫຼອດໄລຍະຜ່ານມາຄະນະພັກຮາກຖານໄດ້ເອົາໃຈໃສ່ຊີ້ນໍາ-ນໍາພາ ເປັນເຈົ້າການໃນການຄົ້ນຄວ້າຮໍ່າຮຽນບັນດາມະຕິຄໍາສັ່ງ, ກົດໝາຍຂອງລັດໃນແຕ່ລະໄລຍະສຶກສາອົບຮົມການ ເມືອງແນວຄິດເປັນກົກ,ຕິດພັນກັບການບໍາລຸງຍົກລະດັບວິຊາສະເພາະການປະຕິບັດນະໂຍບາຍຕໍ່ພະນັກງານຄູ-ອາຈານໃຫ້ຖືກຕ້ອງ ແລະ ສອດຄ່ອງຕາມລະບຽບກົດ ໝາຍ, ສະມາຊີກພັກມີຄວາມຕື່ນຕົວນໍາໜ້າເປັນແບບຢ່າງໃຫ້ແກ່ມະຫາຊົນໃນການປະຕິບັດໜ້າທີ່ວຽກງານ, ມີຄວາມສາມັກຄີເປັນເອກະພາບ ພາຍໃນພັກຮັກສາຄຸນ

ທາດການ ເມືອງໜັກແໜ້ນ, ມີບົດບາດຈັດຕັ້ງ ນໍາພາວຽກງານການສຶກສາຮອບດ້ານກວມເອົາ 10 ໜ່ວຍພັກຄື: ໜ່ວຍພັກບໍລິຫານ, ໜ່ວຍພັກສາ ມັນ, ໜວ່ຍພັກພັດທະນາວິຊາຊີບ,ໜ່ວຍພັກກີລາ, ສູນການສຶກສານອກໂຮງຮຽນ, ມສ ເທສະບານ ແຂວງ, ມສ ສາມັກຄີ, ໂຮງຮຽນເຕັກນິກວິຊາຊີບແບບປະສົມ, ມສ ຊົນເຜົ່າ ແລະໜ່ວຍພັກ ມສ ທົ່ງປຸງ, ຂະແໜງການສຶກສາ ແລະ ກີລາ, ທົ່ວຮາກຖານພະແນກສຶກສາທີການ ແລະ ກີລາແຂວງຫຼວງນໍ້າທາມີສາມະຊິກພັກທັງໜົດ 2. 201 ສະ ຫາຍ, ຍິງ 1.141 ສະຫາຍ ກວມ 71,97% ຂອງພະນັກງານລັດຖະກອນຂະແໜງສຶກສາທິການ ແລະກີລາ, ຜ່ານມາໄດ້ຮັບໃບຢັ້ງຢືນໜ່ວຍພັກປອດໃສເຂັ້ມແຂງ ແລະໜັກແໜ້ນ ຄັ້ງທີ່ 1 ຮອບທີ 1 ປະຈໍາປີ 2018 ທັງ 10 ໜ່ວຍພັກ ແລະສ້າງມະຫາຊົນຜູ້ມີຄວາມກ້າວ ໜ້າເຂົ້າເປັນສາມະຊິກພັກສໍາຮອງ 38 ສະຫາຍ, ຍິງ 23 ສະຫາຍ, ເລື່ອນສໍາຮອງຂຶ້ນສົມບູນ 49 ສະຫາຍ, ຍິງ 25 ສະຫາຍ.

ສະໜັບສະໜູນໂດຍ: HONDA

 ໃນກອງປະຊຸມຍັງໄດ້ປ່ອນບັດຄັດເລືອກເອົາຄະນະຊຸດໃໜ່ຊຶ່ງມີຜູ້ສະໝັກ 10 ສະຫາຍ ເລືອກເອົາ 7 ສະຫາຍ,ກອງປະຊຸມຄັ້ງປະຖົມມະລຶກເປັນເອກະສັນເລືອກເອົາ ສະຫາຍ ບຸນໂຮມ ຈິດດາລາເປັນ ເລຂາຄະນະພັກຮາກຖານ, ສະຫາຍ ທອງພິດ ແກ້ວປະເສິດ ເປັນຮອງເລຂາຄະນະພັກຮາກຖານພະແນກສຶກສາທິການ ແລະ ກີລາ ແຂວງຊຸດໃໝ່, ກອງປະຊຸມຍັງໄດ້ເປັນເອກະສັນເລືອກເອົາປະທານ,ຮອງປະທານຄະນະກວດກາພັກ ສະຫາຍ ທອງພິດ ແກ້ວປະເສິດ ເປັນປະທານຄະນະກວດກາພັກ, ສະຫາຍ ຫຼົງໄຊ ສອນມະນີ ເປັນຮອງປະທານຄະນະກວດກາ.

 ໂອກາດດັ່ງກ່າວສະຫາຍ ບຸນຍີ່ ແກ້ວຄຸນເມືອງ ຮອງເລຂາພັກ ແຂວງຮອງເຈົ້າແຂວງໆຫຼວງນໍ້າທາຍັງໄດ້ໂອ້ລົມກ່ອນອື່ນສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ກັບການຊີ້ນໍາ-ນໍາພາຂອງຄະນະພັກຊຸດເກົ່າທີ່ໄດ້ຊີ້ນໍາ-ນໍາພາສະມາຊິກພັກ, ພະນັກງານ, ຄູ-ອາຈານ, ນັກຮຽນນັກສຶກສາປະຕິບັດໜ້າທີ່ຂອງຕົນ, ຍາດໄດ້ຜົນສຳເລັດ ຫຼາຍດ້ານໃນໄລຍະຜ່ານມາ,ພອ້ມກັນນັ້ນສະຫາຍຍັງໄດ້ສະແດງເປັນຫ່ວງເປັນໄຍຕໍ່ກັບດ້ານອອ່ນ ແລະຂໍ້ຄົງຄ້າງຊຶ່ງໄດ້ຮຽກຮ້ອງໃຫ້ຄະນະພັກຮາກຖານພະແນກສຶກສາທີການ ແລະກີລາຊຸດໃໜ່ຈະຕ້ອງໄດ້ສືບຕໍ່ປັບປຸງ, ແກ້ໄຂ, ສະຫາຍຍັງໄດ້ໃຫ້ທິດຊີ້ນໍາ ວຽກງານແຕ່ລະດ້ານ, ສະຫາຍມີຄວາມເຊື່ອໜັ້ນຕໍ່ກັບຄະນະຊຸດໃໜ່ທີ່ຈະສືບຕໍ່ຊີ້ນໍາ-ນໍາພາຈັດຕັ້ງປະຕິບັດມະຕິກອງປະຊຸມໃຫຍ່ໃຫ້ຍາດໄດ້ຜົນງານ ແລະຜົນສຳເລັດອັນຍິ່ງໃຫຍ່ກວ່າເກົ່າ.

_____________

ຂຽນໂດຍ: ອຸ້ມ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

แชร์