ລັດຖະມົນຕີ ກະຊວງກະສິກຳ ແລະປ່າໄມ້ ລົງເຄື່ອນໄຫວຊຸກຍູ້ການຜະລິດລະດູແລ້ງຢູ່ເມືອງຊຽງຮ່ອນ

 ໃນວັນທີ 7 ມີນາ 2020 ນີ້ ທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະປ່າໄມ້ ພ້ອມຄະນະໄດ້ລົງເຄື່ອນໄຫວຕິດຕາມການບົວລະບັດພືດລະດູແລ້ງ ແລະຕິດຕາມຜົນເສຍຫາຍຈາກໄພແຫ້ງແລ້ງໃຫ້ກຽດຕ້ອນຮັບຂອງ ທ່ານ ເພັງນິລັນ ຄຳພັນເພັງ ຮອງເຈົ້າແຂວງໄຊຍະບູລີມີ ທ່ານ ອິນຕາ ນິ້ມນວນ ຮອງເລຂາຄະນະບໍລິ ຫານງານພັກເມືອງພ້ອມດ້ວຍອຳນາດການປົກຄອງເມືອງໃຫ້ກຽດຕ້ອນຮັບ.     

  ທ່ານ ອິນຕາ ນິ້ມນວນ ໄດ້ລາຍງານວຽກງານຮອບດ້ານຂອງເມືອງ ແລະວຽກງານປູກພືດ ລະດູແລ້ງວ່າມາຮອດປະຈຸບັນສຳເລັດແລ້ວ 100% ຊຶ່ງໄດ້ເລີ່ມລົງມືປູກຕັ້ງແຕ່ຕົ້ນເດືອນພະຈິກ 2019 ເປັນຕົ້ນມາຢ່າງເປັນຂະບວນຟົດຟື້ນ ແລະກວ້າງຂວາງໂດຍສະເພາະແມ່ນການປັກດຳເຂົ້ານາແຊງສຳເລັດແລ້ວ 100% ໃນເນື້ອທີ່ 840 ເຮັກຕາ ແຜນການ ປີແມ່ນ 850 ເຮັກຕາທຽບໃສ່ ແຜນປະຕິບັດໄດ້ 98% ໃນນັ້ນ ມີການປູກແບບເຕັກນິກກະເສດ ສຸ່ມນາຍອດ ໃນເນື້ອທີ່ 150 ເຮັກ ຕາ, ແບບເຕັກນິກກ້າອ່ອນໃນເນື້ອ ທີ່ 500 ເຮັກຕາ ແລະການປູກ ແບບທົ່ວໄປຂອງຊາວບ້ານ 200 ເຮັກຕາ ສ່ວນພືດລະດູແລ້ງອື່ນໆ ເປັນຕົ້ນແມ່ນໂຄງການສົ່ງເສີມໃຫ້ ນັກທຸລະກິດຕ່າງປະເທດມາສຳປະທານເຊົ່າດິນປູກໝາກໂມຈຳນວນ 2 ບໍລິສັດ ໃນເນື້ອທີ່ 400 ເຮັກຕາ, ໂຄງການສົ່ງເສີມການປູກຢາສູບ ມີ 40 ເຮັກຕາ ແລະໝາກເຜັດໃນເນື້ອທີ່ 60 ເຮັກຕາ ແລະ ການປູກພືດບໍລິໂພກພາຍໃນເປັນຕົນແມ່ນພືດຜັກພັນຍາຫານໃນເນື້ອທີ່ 650 ກວ່າເຮັກຕາ ທ່ານ ອິນຕາ ຊຶ່ງໃນໄລຍະຜ່ານມາແມ່ນຊາວກະສິກອນໄດ້ຮັບຜົນກະທົບຈາກໄພແຫ້ງແລ້ງສັດຕູພືດທຳລາຍ ແລະພະຍາດລະບາດໃນນາເຂົ້າຈຶ່ງເຮັດໃຫ້ລາຄາສິນຄ້າຢູ່ພາຍໃນຕະຫຼາດມີລາຄາສູງຂຶ້ນ ແລະເນື້ອທີ່ທີຖືກຜົນກະທົບໃນລະດູແລ້ງປີນີ້ແມ່ນມີເນື້ອທີ່ເສຍຫາຍເປັນບໍລິເວນກວ້າງຂວາງເປັນຕົ້ນແມ່ນຂາດແຄນນໍ້າລໍລ້ຽງພືດແມ່ນໍ້າຫຼາຍສາຍໄດ້ບົກແຫ້ງສ່ວນເນື້ອທີ່ເສຍ ຫາຍແມ່ນພາກສ່ວນທີ່ກ່ຽວຂອງກຳລັງລົງເກັບກຳຂໍ້ມູນຢູ່ໃນປະຈຸບັນ.

ສະໜັບສະໜູນໂດຍ: HONDA

  ທ່ານ ປອ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ຮຽກຮ້ອງເອົາໃຈໃສ່ຕໍ່ກັບຊຸກຍູ້ສົ່ງເສີມການຜະລິດເປັນສິນຄ້າ, ດຶງດູດເອົານັກທຸລະກິດທັງພາຍໃນ ແລະຕ່າງປະເທດເຂົ້າມາລົງທຶນດ້ານວຽກງານກະສິກຳເອົາ ໃຈໃສ່ແກ້ໄຂຄວາມທຸກຍາກຂອງປະຊາຊົນ ແລະຕິດຕາມໄພແລ້ງຢ່າງເປັນປົກກະຕິ, ແນະນໍາດ້ານວິຊາການໃຫ້ແກ່ຊາວກະສິກອນ ແລະຊຸກຍູ້ໃຫ້ປະຊາຊົນຫັນມາປູກພືດທີ່ໃຊ້ນໍ້ານ້ອຍທົດແທນຜົນເສຍຫາຍດັ່ງກ່າວ, ທ່ານຍັງໄດ້ລົງຕິດຕາມເບິ່ງຕົວຈິງອີກດ້ວຍ.

____________

ຂຽນໂດຍ: ພອນສະຫວັນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์