ຄົນຈີນທ່ຽວກຳປູເຈຍເພີ່ມ 2 ລ້ານຄົນ

   ປີທີ່ຜ່ານມານັກທ່ອງທ່ຽວ ສປ ຈີນ ໃຊ້ ຈ່າຍເງິນໄປກັບການທ່ອງທ່ຽວຄິດເປັນມູນຄ່າຫຼາຍກວ່າ 680 ຕື້ໂດລາສະຫະລັດ ໂດຍຄົນຈີນມາທ່ຽວກຳປູເຈຍ 2 ລ້ານຄົນ.

ຕາມຂ່າວຕ່າງປະເທດລາຍງານວ່າ ທ່ານ ທອງໂຂນ ລັດຖະມົນຕີທ່ອງທ່ຽວກຳປູເຈຍ ເປີດເຜີຍວ່າ ໃນປີ 2018 ນັກທ່ອງທ່ຽວຈີນມາທ່ຽວກຳປູເຈຍ 2 ລ້ານຄົນ ເພີ່ມຂຶ້ນ 70% ຈາກ ປີ 2017 ເຮັດໃຫ້ຍອດລວມຈຳນວນນັກທ່ອງ ທ່ຽວຕ່າງຊາດມາທ່ຽວກຳປູເຈຍຢູ່ທີ່ 6,2 ລ້ານຄົນ ເພີ່ມຂຶ້ນ 11% ຈາກປີ 2017 ຊຶ່ງນັກ ທ່ອງທ່ຽວຈີນຕິດອັນດັບ 1 ເປັນປີທີ 2 ຕິດຕໍ່ ກັນໃຊ້ຈ່າຍ 3,6 ຕື້ໂດລາ, ກະຊວງທ່ອງທ່ຽວກຳປູເຈຍຄາດວ່າ ນັກທ່ອງທ່ຽວຈີນມາທ່ຽວ ເພີ່ມເປັນ 3 ລ້ານຄົນພາຍໃນປີ 2020; 5 ລ້ານ ຄົນພາຍໃນປີ 2025 ແລະ 8 ລ້ານຄົນ ພາຍໃນ ປີ 2030 ຈຳນວນນັກທ່ອງທ່ຽວທີ່ເພີ່ມຂຶ້ນຖື ເປັນໂອກາດສຳຄັນຂອງທຸລະກິດທ່ອງທ່ຽວກຳປູເຈຍ ແລະຂະຫຍາຍໂອກາດການລົງທຶນໄປສູ່ ພາກສ່ວນອື່ນໆ.

ຂໍ້ມູນປີ 2017 ລະບຸວ່າ ນັກທ່ອງທ່ຽວຈີນທີ່ເດີນທາງທ່ອງທ່ຽວທັງພາຍໃນ ແລະ ຕ່າງປະ ເທດມີຈຳນວນ 4,53 ຕື້ຄັ້ງ ຫຼື ເທົ່າກັບປະຊາກອນຈີນ 1,38 ຕື້ຄົນເດີນທາງທ່ອງທ່ຽວຄົນລະ 3 ເທື່ອຕໍ່ປີ ສົ່ງຜົນເຮັດໃຫ້ມູນຄ່າການທ່ອງທ່ຽວຈາກຈີນສູງທີ່ສຸດໃນຕະຫຼາດທ່ອງທ່ຽວໂລກ ແລະ ປີທີ່ຜ່ານມາ ນັກທ່ອງທ່ຽວຈີນໃຊ້ຈ່າຍເງິນສໍາລັບການທ່ອງທ່ຽວຄິດເປັນມູນຄ່າຫຼາຍກວ່າ 680 ຕື້ໂດລາ.

แชร์