ກອງບັນຊາການ ປກສ ເມືອງຊຽງຮ່ອນລົງແກ້ໄຂປາກົດການຫຍໍ້ທໍ້ຢູ່ບ້ານຫ້ວຍຮາກ

   ໂດຍປະຕິບັດຕາມຂໍ້ຕົກລົງຂອງທ່ານເຈົ້າແຂວງສະບັບເລກ 019/ ຈຂ ຊຍ ລົງວັນທີ 19 ມິຖຸນາ 2015 ວ່າດ້ວຍການຄຸ້ມຄອງຄວາມເປັນລະບຽບຮຽບຮ້ອຍຕ້ານ ແລະແກ້ໄຂປາກົດການຫຍໍ້ທໍ້ຢູ່ພາຍໃນແຂວງໄຊຍະບູລີ ໃນວັນທີ 7 ມີນາ 2020 ນີ້ກອງບັນຊາການປ້ອງກັນຄວາມສະຫງົບເມືອງຊຽງຮ່ອນໄດ້ລົງສົມທົບກັບອຳນາດການປົກຄອງບ້ານພາກສ່ວນທີ່ກ່ຽວຂອງເມືອງລົງແກ້ໄຂປາກົດການຫຍໍ້ທໍ້ຢູ່ບ້ານຫ້ວຍຮາກ ເມືອງຊຽງຮ່ອນ ໂດຍການເປັນປະທານຂອງທ່ານ ພັທ ເພບພອນ ເພບປັນ ຍາຄະນະປະຈຳພັກເມືອງຫົວໜ້າກອງບັນຊາການປ້ອງກັນຄວາມສະຫງົບເມືອງຊຽງຮ່ອນມີພະນັກງານວິຊາສະເພາະລົງແກ້ໄຂປາກົດການຫຍໍ້ທໍ້,ອຳນາດການປົກຄອງບ້ານ ແລະພໍ່ແມ່ປະຊາຊົນຕະຫຼອດຮອດຊາວໜຸ່ມ-ໄວໜຸ່ມເຂົ້າຮ່ວມຢ່າງພ້ອມພຽງ.

 ການແກ້ໄຂປາກົດການຫຍໍ້ທໍ້ ໃນຄັ້ງນີ້ ເພື່ອເຮັດໃຫ້ພໍ່ແມ່ປະຊາ ຊົນ ແລະຊາວໜຸ່ມ-ໄວໜຸ່ມພາຍ ໃນບ້ານໄດ້ຮັບຮູ້ເຊື່ອມຊຶມ ແລະ ເຂົ້າໃຈແຈ້ງຕໍ່ແນວທາງນະໂຍບາຍຂອງພັກກົດໝາຍຂອງລັດຢ່າງ ທົ່ວເຖິ່ງ ແລະພ້ອມທັງປະຕິບັດຢ່າງ ເຂັ້ມງວດເອກກະສານທີ່ນຳມາເຜີຍ ແຜ່ໃນຄັ້ງນີ້ປະກອບມີ: ລະບຽບ ການສັນຈອນຕາມເສັ້ນທາງຫຼວງ, ເອກະສານຕ້ານສະກັດກັ້ນປາກົດ ການຫຍໍ້ທໍ້ ແລະເອກກະສານຜົນ ຮ້າຍຂອງຢາເສບຕິດ.ຜ່ານການລົງກວດກາຕົວ ຈິງຂອງວິຂາສະເພາະໄດ້ພົບເຫັນເປົ້າໝາຍທີ່ກໍ່ໃຫ້ມີປາກົດການຫຍໍ້ທໍ້ ຊຶ່ງສາມາດເກັບກຳເປົ້າໝາຍໄດ້ທັງໝົດ 105 ຄົນ ຍິງ 1 ຄົນ ເຊັ່ນ: ເສບຢາເສບຕິດປະເພດຢາບ້າ 54 ຄົນ, ຍິງ 1 ຄົນ, ເສບຢາເສບຕິດ ແລະມີອາວຸດລ່າເນື້ອໄວ້ຄອບຄອງ 3 ຄົນ, ມີອາວຸດລ່າເນື້ອໄວ້ຄອບຄອງ 48 ຄົນ ຊຶ່ງວິທີແກ້ໄຂໄດ້ເຮັດບົດບັນທຶກສຶກສາອົບຮົມກັບທີ່ພ້ອມທັງມອບໃຫ້ຜູ້ປົກຄອງ, ອຳ ນາດການປົກຄອງບ້ານສືບຕໍ່ສຶກສາອົບຮົມ 102 ຄົນ ຍິງ 1 ຄົນ ແລະນໍາມາສຶກສາອົບຮົມຢູ່ຄ້າຍກັກຂັງຊົ່ວຄາວກອງບັນຊາ ການ ປກສ ເມືອງ 3 ຄົນ ເກັບກູ້ອາວຸດລ່າເນື້ອ (ປືນແກບ) ໄດ້ 45 ກະບອກ, ປືນທຽນ 3 ກະບອກ ແລະວັດຖຸຂອງກາງອື່ນໆ ຈຳນວນໜຶ່ງ.

ສະໜັບສະໜູນໂດຍ: HONDA

  ຜ່ານການລົງແກ້ໄຂປາກົດການຫຍໍ້ທໍ້ໄດ້ເຮັດໃຫ້ພໍ່ແມ່ປະຊາຊົນ, ບັນດາຊາວໜຸ່ມ-ໄວໜຸ່ມໄດ້ມີສະຕິເຂົ້າລົບລະບຽບກົດໝາຍສ້າງສາພັດທະນາຕົນເອງ ແລະຄອບຄົວໃຫ້ມີຄວາມເຂັ້ມແຂງເປັນກຳລັງແຮງໃນການປະກອບສ່ວນພັດດທະນາເສດຖະກິດ-ສັງຄົມຂອງບ້ານ, ເຮັດໃຫ້ຮາກຖານບ້ານມີຄວາມສະຫງົບມີຄວາມເປັນລະບຽບຮຽບ ຮ້ອຍດີຂຶ້ນເທື່ອລະກ້າວ, ພ້ອມກັນປະກອບສ່ວນວຽກງານປ້ອງກັຊາດ-ປ້ອງກັນຄວາມສະຫງົບໃຫ້ບັນລຸຕາມລະດັບຄາດໜາຍ.

__________

ຂຽນໂດຍ: ດອນ ຂຽວພະນາ 
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

แชร์