ບໍລິຄັນ ເສດຖະກິດຂະຫຍາຍຕົວ 7,4% ຕໍ່ປີ

   ເມືອງບໍລິຄັນເປັນເມືອງໜຶ່ງຂອງແຂວງບໍລິຄຳໄຊ ໂດຍອຳນາດການປົກຄອງເມືອງໄດ້ເອົາໃຈໃສ່ໃນການພັດທະນາເສດຖະກິດ-ສັງຄົມໃຫ້ມີການພັດທະນາຢ່າງຕໍ່ ເນື່ອງ, ສົ່ງເສີມການຜະລິດຂອງປະຊາຊົນໃຫ້ກາຍເປັນສິນຄ້າສ້າງລາຍຮັບໃຫ້ຫຼາຍຂຶ້ນເຮັດໃຫ້ປະຊາຊົນມີຊີວິດການເປັນຢູ່ທີ່ດີຂຶ້ນ, ດຶງດູດເອົາການລົງທຶນພາຍໃນ ແລະຕ່າງປະເທດເຂົ້າມາລົງທຶນພັດທະນາເມືອງສິ່ງດັ່ງກ່າວໄດ້ກາຍເປັນແຮງຍູ້ດັນເຮັດໃຫ້ເສດຖະກິດ-ສັງຄົມຂອງເມືອງຂະຫຍາຍ ຕົວສະເລ່ຍບໍ່ຫຼຸດ 7,4% ຕໍ່ປີ.

 ໃນກອງປະຊຸມອົງຄະນະພັກ ເມືອງບໍລິຄັນຊຸດທີ VII ທີ່ຈັດຂຶ້ນ ເມື່ອບໍ່ດົນມານີ້ ສະຫາຍ ວັນເລີນ ປຸ້ຍໄມນີ ວ່າການເລຂາຄະນະບໍລິ ຫານງານພັກເມືອງໄດ້ຜ່ານບົດ ລາຍງານການເມືອງທັງສອງພາກ ໂດຍໄດ້ຍົກໃຫ້ເຫັນວ່າ: ຕະຫຼອດ ໄລຍະ 5 ປີຜ່ານມາ ອົງຄະນະພັກເມືອງຊຸດທີ VI ໄດ້ຕັ້ງໜ້າ ໂດຍຍົກສູງຄວາມສາມາດນຳພາ, ປັບປຸງແບບແຜນວິທີເຮັດວຽກ,ຍຶດໝັ້ນແນວທາງປ່ຽນແປງຂອງພັກ, ປົກປັກຮັກສາສະຖຽນລະພາບທາງດ້ານການເມືອງ, ພັດທະນາເສດຖະກິດເຂັ້ມແຂງ, ເຮັດໃຫ້ສັງ ຄົມມີຄວາມສະຫງົບຢ່າງ ໜັກແໜ້ນ, ການຄຸ້ມຄອງລັດ-ຄຸ້ມຄອງສັງຄົມດ້ວຍລະບຽບກົດ ໝາຍຢ່ງໜັກແໜ້ນ ແລະຍຸຕິທຳ, ສີ່ງທີ່ພົ້ນເດັ່ນສາມາດແກ້ໄຂປາ ກົດການຫຍໍ້ທໍ້ທາງສັງຄົມໄດ້ຫຼຸດໜ້ອຍຖອຍລົງໂດຍສະເພາະແມ່ນການແກ້ໄຂ 4 ເຖື່ອນ ຕິດພັນກັບການຈັດຕັ້ງປະຕິບັດ 9 ຫົວຂໍ້ວິທະຍາສາດຢ່າງຕັ້ງໜ້າ ແລະສຳເລັດຫຼາຍດ້ານ.

ສະໜັບສະໜູນໂດຍ: HONDA

 ສຳລັບການພັດທະນາເສດຖະກິດຂອງເມືອງຂະຫຍາຍຕົວສະເລ່ຍ 7,4% ຕໍ່ປີ, ລາຍຮັບສະເລ່ຍ ໃສ່ຫົວຄົນໄດ້ 9,87 ລ້ານກີບ ຫຼືປະມານ 1.150 ໂດລາຕໍ່ຄົນຕໍ່ປີ, ຫັນລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານຕິດພັນກັບວຽກງານ 3 ສ້າງຢ່າງຕໍ່ເນື່ອງຢູ່ຈຸດສຸມຂອງສຸນກາງ, ຈຸດສຸມຂອງແຂວງ ແລະຂອງເມືອງ ເຮັດໃຫ້ທົ່ວເມືອງມີບ້ານພົ້ນທຸກ 100% ແລະຄອບຄົວພົ້ນທຸກ 93,59%, ຄົ້ນຄວ້າ ແລະສົ່ງເສີມການຜະລິດສິນຄ້າທີ່ເປັນທ່າແຮງທີ່ເປັນມູນເຊື້ອຂອງເມືອງປະຈຸ ບັນໄດ້ປະກາດຮັບຮອງ 2 ກຸ່ມຄື:ກຸ່ມຜະລິດນໍ້າອ້ອຍກ້ອນບ້ານຊົມຊື່ນ ແລະກຸ່ມຕໍ່າຫູກບ້ານຫາດດອນຄູນ, ບ້ານພັດທະນາ 77,27%, ຮັບຮອງບ້ານໃຫຍ່ກາຍເປັນສີສັນຕົວເມືອງນ້ອຍໃນຊົນນະບົດ 1 ບ້ານ, ສ້າງເມືອງເປັນຫົວໜ່ວຍ ເຂັ້ມແຂງຕາມ 5 ດ້ານບັນລຸໄດ້ 4 ດ້ານ ຍັງ 1 ດ້ານ, ສາມາດປະກາດເມືອງຈົບຊັ້ນມັດທະຍົມຕົ້ນບໍາລຸງ ແລະສໍາເລັດບັນດາຕົວເລກຄາດໝາຍສະຫັດສະວັດ (MD GS) ທີ່ໄດ້ກໍານົດໄວ້, ສ້າງຄອບຄົວແບບຢ່າງປະຕິບັດກົດໝາຍກວມ 84%, ສ້າງບ້ານແບບ ຢ່າງປະຕິບັດກົດໝາຍ 95,45%, ທົ່ວເມືອງມີໜ່ວຍພັກແຂງ 83,17% ແລະສະມາຊິກພັກແຂງກວມ 84,27%.

-----------

ໜັງສືພິມເສດຖະກິດ-ສັງຄົມ

แชร์