ພະຍາດໂຄວິດ-19 ມີຄວາມສ່ຽງແຜ່ລະບາດທົ່ວໂລກ

   ອົງການອະນາໄມໂລກປະກາດໃຫ້ການແຜ່ລະບາດຂອງເຊື້ອພະຍາດໂຄວິດ-19 ສາຍພັນໃໝ່ເປັນການລະບາດໃຫຍ່ລະດັບໂລກຫຼັງຈາກເຊື້ອພະຍາດລຸກລາມໄປໃນ 118 ປະເທດ ແລະດິນແດນທົ່ວໂລກ.

  ຕາມຂ່າວຕ່າງປະເທດລາຍງານວ່າອົງການອະນາໄມໂລກ (WHO) ປະກາດເຕືອນວ່າ: ເຊື້ອພະຍາດໂຄວິດ-19 ພວມມີຄວາມສ່ຽງຫຼາຍຂຶ້ນໃນການແຜ່ລະບາດໄປທົ່ວໂລກຫຼັງຈາກມີການແຜ່ລະບາດໄປຍັງອາຊີ, ເອີຣົບ, ຕາເວັນອອກກາງ ແລະ ອາເມລິກາພາຍຫຼັງ ທ່ານ ທີໂຄຣສອັດ ຮານອມ ກິບຣີເຢຊຸສ ຜູ້ອຳນວຍການໃຫຍ່ WHO ກ່າວວ່າ: ເຊື້ອພະຍາດໂຄໂຣນາສາຍພັນໃໝ່ ຫຼືໂຄວິດ-19 ໄດ້ແຜ່ກະຈາຍໄປຍັງ 118 ປະເທດ ແລະມີຜູ້ຕິດເຊື້ອ 121.000 ຄົນ ແລະເສຍຊີວິດ 4.300 ຄົນສະນັ້ນພວກເຮົາຕ້ອງເອົາໃຈໃສ່ທົບທວນຄືນໃໝ່ໃນການຕັດສິນໃຈຕ່າງໆກ່ອນໜ້ານີ້ 2 ອາທິດ ການແຜ່ລະບາດຂອງພະຍາດດັ່ງກ່າວມີພຽງແຕ່ 30 ປະເທດດັ່ງ ນັ້ນຈຶ່ງເຮັດໃຫ້ມີຄວາມສ່ຽງສູງທີ່ຈະແຜ່ລະບາດ ໄປທົ່ວໂລກ.

  ການແຜ່ລະບາດຂອງພະຍາດໂຄວິດ-19 ຍັງສົ່ງຜົນກະທົບຕໍ່ເສດຖະກິດໂລກຢ່າງມະຫາສານໂດຍສະເພາະການຢຸດພັກຂອງອຸດສາຫະກຳການຜະລິດໃນ ສປ ຈີນ ຊຶ່ງເປັນສູນການຂອງການລະບາດນອກຈາກນີ້ຍັງສົ່ງຜົນກະທົບຕໍ່ອຸດສາຫະກຳການທ່ອງທ່ຽວ, ການບິນໄປຈົນເຖິງການປະກາດຍົກເລີກການຈັດກອງປະຊຸມ, ຄອນເສີດ ແລະການແຂ່ງຂັນກີລາທົ່ວໂລກ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

แชร์