ດ່ານບ້ານມອນເຂັ້ມງວດກວດພະຍາດໂຄວິດ-19

  ທ່ານ ພັນຕີ ສິງທອງ ພົນສາງອນ ຮອງຫົວໜ້າດ່ານຕຳຫຼວດກວດຄົນເຂົ້າ-ອອກເມືອງ ປະຈຳດ່ານບ້ານມອມ ເມືອງສິງ ແຂວງຫຼວງນໍ້າທາ ລາຍງານໃນວັນທີ 10 ມີນາ 2020 ວ່າ: ດ່ານບ້ານມອມໄດ້ຮັບແຈ້ງການຈາກຫ້ອງວ່າການແຂວງຫຼວງນໍ້າທາສະບັບເລກທີ 85/ຫວຂ ລົງວັນທີ 4 ກຸມພາ 2020 ແລະ ແຈ້ງການຈາກກອງບັນຊາການ ປກສ ແຂວງຫຼວງນໍ້າທາ ແລະໄດ້ແຕ່ງຕັ້ງໃຫ້ພະແນກເສນາຮັກໂດຍສະເພາະທີມແພດຈາກໂຮງໝໍຂອງກອງບັນຊາການ ປກສ ແຂວງໄດ້ລົງມາພື້ນທີ່ດ່ານບ້ານມອມເພື່ອແນະນຳວິທີປ້ອງກັນໃຫ້ພະນັກງານນັກຮົບປະຈຳດ່ານໃຫ້ເຂັ້ມງວດໃນການປ້ອງກັນຕໍ່ພະຍາດໂຄວິດ-19 ເປັນຕົ້ນ ແມ່ນໃສ່ຜ້າອັດປາກ, ໝັ່ນລ້າງມື ຫຼື ລ້າງໂດຍເຈວລ້າງມື ແລະ ກອງບັນຊາການ ປກສ ແຂວງພະແນກເສນາຮັກຍັງໄດ້ມອບອຸປະກອນປ້ອງກັນຈຳນວນໜຶ່ງໃຫ້ດ່ານບ້ານມອມເພື່ອປ້ອງກັນພະຍາດໂຄວິດ-19 ໂດຍສະເພາະແມ່ນຜ້າອັດປາກ, ເຫຼົ້າເກົ້າສິບລ້າງມື ແລະອື່ນໆ.

  ໄລຍະຜ່ານມາທາງດ່ານໄດ້ຮັບການຊວ່ຍເຫຼືອຈາກກອງບັນຊາການ ປກສ ແຂວງແມ່ນຜ້າອັດປາກ ແລະເຫຼົ້າເກົ້າສິບລ້າງມື ແລະອື່ນໆຈຳນວນໜຶ່ງ, ໄດ້ຮັບການຊວ່ຍເຫຼືອຈາກຫ້ອງການສາທາລະນະສຸກເມືອງສິງໂດຍໄດ້ສົ່ງພະນັກງານແພດ, ໝໍ ແລະເຄື່ອງວັດແທກອຸນຫະພູມ ລົງມາປະຈຳຢູດ່ານໃນແຕ່ລະວັນ, ຜ່ານການກວດວັດແທກສຸຂະພາບຂອງຜູ້ເຂົ້າ-ອອກເມືອງທີ່ຜ່ານດ່ານບ້ານມອມຜ່ານມາຖືວ່າທາງດ່ານຍັງບໍ່ພົບກໍລະນີຜູ້ຕິດເຊື້ອພະຍາດໂຄວິດ-19, ພາຍຫຼັງມີການແຜ່ລະບາດຂອງພະຍາດໂຄວິດ-19 ແລ້ວທາງຈີນກໍ່ໄດ້ສະກັດກັ້ນໃນການເຂົ້າ-ອອກເມືອງເຈົ້າໜ້າທີ່ລາວ-ຈີນໄດ້ອະນຸຍາດໃຫ້ປະຊາຊົນຢູ່ຕາມຊາຍແດນເຂົ້າ-ອອກເມືອງໄດ້ກໍ່ມີແຕ່ຄົນເຂດມໍ່ໆນີ້ແຕ່ລະມື້ກໍ່ມີປະມານ10-20 ຄົນ ແລະໄດ້ຮັບການກວດຈາກແພດ-ໝໍປະຈຳດ່ານໃນການກວດກາສະກັດກັ້ນການລະບາດພະຍາດນີ້.

ສະໜັບສະໜູນໂດຍ: HONDA

  ທ່ານຍັງຮຽກຮ້ອງເຖິງຂັ້ນເທິງໃຫ້ການຊ່ວຍເຫຼືອນຳເອົາອຸປະກອນການແພດທີ່ທັນສະໄໝກວດວັດແທກຊອກຫາຜູ້ຕິດເຊື້ອ ແລະໃຫ້ມີຊ່ຽວຊານມາປະຈຳຢູ່ດ່ານບ້ານມອມ ເມືອງສິງ ແຂວງຫຼວງນໍ້າທາ ໃນການສະກັດກັ້ນ ແລະປ້ອງກັນພະຍາດດັ່ງກ່າວ.

------------------

ຂຽນໂດຍ: ກິ່ນນາລົມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

แชร์