ບໍ່ແກ້ວເກັບລາຍຮັບໄດ້ລື່ນແຜນ ປີນີ້ຕັ້ງໄວ້ເກືອບ 3 ຮ້ອຍຕື້ກີບ

  ໃນ 1 ປີຜ່ານມາ ແຂວງບໍ່ແກ້ວ ຈັດຕັ້ງປະຕິບັດການເກັບລາຍຮັບເຂົ້າງົບປະມານລວມທັງພູດສູນກາງ ແລະທ້ອງຖິ່ນໄດ້ທັງໝົດ 419,92 ຕື້ກີບ, ເທົ່າກັບ 122,1 7% ຂອງແຜນການປີ, ທຽບໃສ່ໄລຍະດຽວກັນຂອງປີກ່ອນເພີ່ມຂຶ້ນ 17% ເທົ່າກັບ 58,8 ຕື້ກີບ ໃນນັ້ນເປັນລາຍຮັບພູດສູນກາງ 269,05 ຕື້ກີບ ເທົ່າກັບ 110, 64%ຂອງແຜນການ ແລະອີກ 150,8 ຕື້ກີບ ແມ່ນເປັນລາຍຮັບທ້ອງຖີ່ນເທົ່າກັບ 150,05% ຂອງແຜນການ.

 ທ່ານ ສົມດີ ອິນທະວົງ ຮອງພະແນກການເງິນແຂວງບໍ່ແກ້ວເປີດເຜີຍໃຫ້ຮູ້ວ່າ: ສຳລັບລາຍຮັບສະເພາະສູນກາງລວມມີລາຍຮັບພາສີປະຕິບັດໄດ້: 207,6 ຕື້ກີບ, ເທົ່າ ກັບ 94,80% ຂອງແຜນການປີ, ລາຍຮັບຄຸ້ມຄອງລັດວິສາຫະກິດ 389,72 ລ້ານກີບ, ເທົ່າກັບ 221,43% ຂອງແຜນການ, ລວມສ່ວຍສາອາກອນ+ ລາຍຮັບວິຊາການປະຕິບັດໄດ້ 145,4 ລ້ານກີບ, ເທົ່າກັບ 152,59% ຂອງ ແຜນການປີ.

 ທ່ານຮອງພະແນກການເງິນແຂວງບໍ່ແກ້ວເປີດເຜີຍຕື່ມວ່າການຈັດເກັບລາຍຮັບໄດ້ລື່ນແຜນແມ່ນຍ້ອນມີຫົວໜ່ວຍທຸລະກິດເກີດຂຶ້ນໃໝ່ຫຼາຍຢູ່ເຂດເຂດເຊື່ອມຕໍ່ກັບເຂດເສດຖະກິດພິເສດສາມຫຼ່ຽມຄຳຈຶ່ງສາມາດເກັບລາຍຮັບໄດ້ເພີ່ມຂຶ້ນເປັນຕົ້ນແມ່ນໄດ້ມາຈາກຄ່າທຳນຽມວິຊາການ, ອາກອນມອບເໝົາ, ຄ່າເຊົ່າຕຶກອາຄານຢູ່ເມືອງຕົ້ນເຜິ້ງ, ໃນການປະຕິບັດເກັບລາຍຮັບສ່ວຍສາອາກອນໃນເງື່ອນໄຂຂໍ້ສະດວກ ແລະຂໍ້ຫຍຸ້ງຍາກ, ໂອກາດ ແລະສິ່ງທ້າທາຍທົດສອບທີ່ເປັນອຸປະສັກຕໍ່ການປະຕິບັດໜ້າທີ່ວິຊາສະເພາະໂດຍໄດ້ສຸມໃສ່ຍົກສູງປະສິດທິພາບໃນການຈັດຕັ້ງປະຕິບັດການຈັດເກັບໃຫ້ຄົບຖ້ວນຖືກຕ້ອງຕາມກົດໝາຍ ແລະທັນເວລາ.

ສະໜັບສະໜູນໂດຍ: HONDA

  ສຳລັບປີ 2020 ທາງຂະແໜງການເງິນແຂວງບໍ່ແກ້ວໄດ້ກຳນົດຄາດໝາຍສູ້ຊົນການຈັດເກັບລາຍຮັບໃຫ້ໄດ້ຈໍານວນ 282,67 ຕື້ກີບ, ໃນນີ້ລາຍຮັບສູນກາງປະຕິ ບັດຢູ່ທ້ອງຖິ່ນໃຫ້ໄດ້ 279,9 ຕື້ກີບກີບ, ລາຍຮັບທ້ອງຖິ່ນ (ລາຍຮັບຂອງແຂວງ) ໃຫ້ໄດ້ 165,8 ຕື້ກີບ.

______________

ໜັງສືພິມເສດຖະກິດ-ສັງຄົມ

แชร์