ເຄທີ ເພີຣີ ຖືພາແລ້ວ

 ວົງການບັນເທີງໃນໄລຍະນີ້ຄຶກຄັກກັບຂ່າວຄາວແມ່ມືໃໝ່ ເຄທີ ເພີຣີ  ອາຍຸ 35 ປີ ທີ່ປ່ອຍເພງໃໝ່ພ້ອມປະກາດຂ່າວດີຢ່າງເປັນທາງ ການໃນ MV ວ່ານາງກໍາລັງຖືພາລູກຄົນທຳອິດກັບພະເອກໜຸ່ມຄົນ ອັງກິດ ອໍແລນໂດ ບລູມ ອາຍຸ 43 ປີ ຫຼັງຈາກເປີດຂ່າວງຽບມາດົນ.

  ຫຼ້າສຸດສາວ ເຄທີ ເພີຣີ ກໍເລີ່ມອຸ້ມທ້ອງອອກງານໃຫ້ເຫັນກັນ ຊຶ່ງ ຫຼາຍຄົນກໍບອກວ່າເປັນແມ່ທີ່ງາມ ສຸດໆເຫັນທີທ້ອງນີ້ອາດຈະເປັນ ລູກສາວຈະມີກໍານົດເກີດໃນໄລຍະໃກ້ນີ້, ນັບໄດ້ວ່າລູກສາວໃນທ້ອງ ເຄທີ ເພີຣີ ເປັນລູກຄົນມຳອິດຂອງ ນາງເຖິງແມ່ນວ່ານາງໄດ້ເຄີຍຜ່ານ ການແຕ່ງງານມາກ່ອນໜ້ານີ້ກັບ ຣັສເຊລ ແບຣນດ ແລະເປັນລູກ ຄົນທີ 2 ຂອງອໍແລນໂດ ບລູມ ເພາະຝ່າຍຊາຍເຄີຍແຕ່ງງານກັບ ມີແຮນດານາງແບບສາວຊື່ດັງ ແລະມີລູກຊາຍນໍາກັນ 1 ຄົນ ຊື່ ຟລິນ ຂະນະນີ້ມີອາຍຸ 9 ປີ.

 ເຄທີ ເພີຣີ ເລີ່ມຄົບຫາເບິ່ງໃຈ ອໍແລນໂດ ບລູມ ມາຕັ້ງແຕ່ເດືອນ ມັງກອນ 2016 ໃນງານປະກາດລາງວັນໜ່ວຍໂລກຄໍາ ແລະຫຼັງ ຈາກຄົບການກັນໄດ້ພຽງ 10 ເດືອນ ກໍເລີກກັນໄປກ່ອນຈະກັບມາຄືນດີ ກັນໃນປີ  2018 ພ້ອມປະກາດຂ່າວ ໝັ້ນໃນວັນແຫ່ງຄວາມຮັກໃນປີ 2019 ຜ່ານມາ.

------

ຮຽບຮຽງໂດຍ: ຟ້າ

แชร์