ເທທອງຫຼໍ່ຮູບເໝືອນຍ່າທ່າສີວິໄຊ ເພຽວັງສົງຄາມ

  ແລງວັນທີ 7 ມີນາ 2020 ທີ່ວັດສີທອງ ບ້ານຜັກເພື້ອ ເມືອງໄຊບູລີ ແຂວງສະຫວັນນະເຂດ ໄດ້ມີພິທີເທທອງຫຼໍ່ຮູບເໝືອຍຍ່າທ່ານ ຊີວິໄຊ ເພຽວັງສົງຄາມ ຜູ້ທີ່ນຳ ຄວາມຈະເລີນດ້ານການສຶກສາສາທາລະນະສຸກ ແລະ ສາສະໜາພຸດມາສູ່ປວງຊົນບ້ານຜັກເພື້ອ ແລະ ບ້ານໄກ້ຄຽງເຂົ້າຮ່ວມໃນພິທີມີຍ່າທ່ານຫຼັກຄຳສຸວັນນະເຂດຕາທິ ຄຸນເຖຣາຈານ(ສົມບູນສິຣິປັນໂຍ)ເຈົ້າຄະນະແຂວງສະຫວັນນະເຂດ, ທ່ານ ສຸລິວົງ ສີວໍລະວົງ ຮອງເຈົ້າເມືອງຊີ້ນຳວຽກງາວັດທະນະທຳ-ສັງຄົມ, ທ່ານ ຄຳສິດ ພົມມະຈັນ ຮອງຫົວໜ້າພະແນກຖະແຫຼງຂ່າວວັດທະນະທຳ ແລະທ່ອງທ່ຽວມີເຈົ້າຄະນະເຂດພະສົງສາມະເນນ ແລະເຖົ້າແກ່ແນວໂຮມອອກຕົນຍາດໂຍມພາຍໃນບ້ານ ແລະບ້ານເຂດອ້ອມຂ້າງເຂົ້າຮ່ວມ.

ສະໜັບສະໜູນໂດຍ: HONDA

   ພໍ່ຕູ້ ສາມີ ສຸວັນນະສີ ແນວໂຮມບ້ານຜັກເພື້ອໃຫ້ຮູ້ວ່າ: ບ້ານດັ່ງ ກ່າວຕັ້ງຂຶ້ນໃນປີ ຄ.ສ 1892 ແລະຕັ້ງວັດສີທອງໃນປີ ຄ.ສ 1905 ແຕ່ກ່ອນແມ່ນຕັ້ງບ້ານຢູ່ຝັ່ງເຊບັ້ງ ໄຟເມືອງໜອງບົກ ແຂວງຄຳມ່ວນ ແຕ່ໄຮ່ນາຕາກ້າສ່ວນໃຫຍ່ແມ່ນຢູ່ ພາກເຊຊຶ່ງຂຶ້ນກັບເມືອງໄຊບູລີ ແຂວງສະຫວັນນະເຂດປະຈຸບັນ ສະນັ້ນຈຶ່ງຂ້າມມາຕັ້ງບ້ານຢູ່ຝັ່ງເຊທາງເມືອງດັ່ງກ່າວແຕ່ກ່ອນແມ່ນມີແຕ່ປ່າຜັກເພື້ອອ້ອມຮອບເປັນຈຳນວນຫຼາຍຈຶ່ງຕັ້ງຊື່ບ້ານດັ່ງກ່າວຊື່ວ່າບ້ານຜັກເພື້ອຜູ້ທີ່ນຳພາຕັ້ງບ້ານແມ່ນພໍ່ຕູ້ວັງສົງຄາມ ຊຶ່ງ ປັນປູ່ຂອງຍາທ່ານ ສິວິໄຊ ເພຽວັງສົງຄາມ ປະຈຸບັນມີປະຊາກອນ 1.048 ຄົນ.

  ຍ່າທ່ານ ສີວິໄຊ ເພຽວັງສົງຄາມ ເກີດເມື່ອວັນທີ 16 ສິງຫາ ຄ.ສ 1914 ທີ່ບ້ານຜັກເພື້ອນາດີ ຕາແສງຍາງຄໍ້າ ເມືອງສາລະພູມ ແຂວງສະຫວັນນະເຂດ, ໄດ້ບວດ ໃນປີ ພ.ສ 2473 ເມືອອາຍຸໄດ້ 15 ປີທີ່ບ້ານເກີດຂອງເພີ່ນເອງ ຫຼັງຈາກບວດສາມະເນນແລ້ວກໍ່ໄດ້ ສຶກສາຮໍ່າຮຽນທັງພາຍໃນ ແລະ ຕ່າງປະເທດພໍອາຍຸເຖິງ 21 ປີບໍ ລິບູນກໍ່ໄດ້ອຸປະສົບບົດເປັນພິຂຸ ແລະໄດ້ເຂົ້າຮຽນນັກທັມຕີພ້ອມທັງສຶກສາປະລິນຍາໂທທີ່ຣາຊະອານາຈັກໄທ, ໄດ້ສຶກສາຈົບໄວຍະກອນບາລີ, ຈົບນັກທຳ 3 ປະໂຫຍກ , ປີ ຄ.ສ 1955 ດຳລົງຕຳແໜ່ງເປັນເຈົ້າອະທິການວັດສີທອງບ້ານຜັກເພື້ອ, ປີ ຄ.ສ 1975-1983 ເປັນປະທານອົງການພຸດທະສາສະໜາສຳພັນເມືອງອຸທຸມພອນ, ປີ ຄ.ສ 1983-1989 ເປັນປະທານອົງການພຸດທະສາສະໜາສຳພັນເມືອງໄຊບູລີ ພໍມາຮອດປີ ຄ.ສ 1989 ເພິ່ນກໍ່ໄດ້ມລະນະພາບລວມອາຍຸໄດ້ 75 ປີ, ຍ່າທ່ານ ສິວິໄຊ ເປັນພຣະທີ່ນຳເອົາແນວທາງພະພຸດທະສາສາໜາເຂົ້າສູ່ການພັດທະນາສັງຄົມ ແລະ ເສດຖະກິດມາພັດທະນາທ້ອງຖິ່ນ ແລະ ບ້ານອ້ອມຂ້າງນຳພາສ້າງໂຮງຮຽນ, ສ້າງສຸສາລາ, ຄອງຊົນລະປະທານ ແລະ ຫຼາຍໆຢ່າງຕະຫຼອດທີ່ເພິ່ນໄດ້ອຸທິດຕົນເພື່ອສັງຄົມສະນັ້ນລູກຫຼານຮຸ່ນສືບທອດຈຶ່ງໄດ້ສ້າງຮູບຫຼໍ່ເໝືອນຂອງເພິ່ີນຂຶ້ນມາເພື່ອເປັນການຈາລຶກຄຸນງາມຄວາມດີ ແລະທັງສະແດງເຖິງຄວາມຮູ້ບຸນຄຸນຂອງເພິ່ນອີກດ້ວຍ.

____________

ໜັງສືພິມເສດຖະກິດ-ສັງຄຄົມ

แชร์