ໂຮງຮຽນເຕັກນິກວິຊາຊີບ ສົ່ງນັກສຶກສາລົງຝຶກງານ

  ໃນວັນທີ 10 ມີນາ ຜ່ານມາ ຢູ່ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວແຂວງ ບໍ່ແກ້ວ ໄດ້ມີພິທີເຊັນບົດບັນທຶກມອບ-ຮັບນັກສຶກສາໂຮງຮຽນວິຊາຊີບສາຂາປຸງແຕ່ງອາຫານ ແລະການໂຮງແຮມ 37 ນ້ອງ ລະຫວ່າງທ່ານ ຄຳຜາຍ ພັນໃສ ອຳນວຍການໂຮງຮຽນເຕັກນິກ-ວິຊາຊີບ, ໂດຍການເຂົ້າຮ່ວມຂອງ ທ່ານ ວິໄນ ກັນຍະເດດ ຮອງພະແນກຖະແຫຼງຂ່າວ, ວັດທະນະທຳ ແລະທ່ອທ່ຽວແຂວງ, ມີບັດາຄູ-ອາຈານ, ຜູ້ປະກອບການ, ພ້ອມ ດ້ວຍພາກສ່ວນທີ່ກ່ຽວຂ້ອງ ແລະ ນັກຮຽນ-ນັກສຶກສາເຂົ້າຮ່ວມ.

 ທ່ານ ຄໍາເສົາ ໄຊປັນຍາ ຮອງ ອໍານວຍການໂຮງຮຽນໃຫ້ຮູ້ວ່າ: ໂຮງຮຽນເຕັກນິກວິຊາຊີບໄດ້ເປີດ ການຮຽນ-ການສອນແຕ່ປີ 2003 ເປັນຕົ້ນມາ ມາຮອດປະຈຸບັນມີອາ ຄານທັງໝົດ 15 ຫຼັງ ມີເນື້ອທີ່ 16 ເຮັກຕາ ມີຄູ-ອາຈານ 81 ຄົນ, ຍິງ 28 ຄົນ, ມີນັກສຶກສາທັງໝົດ 698 ນ້ອງ, ຍິງ 314 ນ້ອງ, ມີ 9 ສາຂາຄື: ສາຂາວິຊາ ປູກຝັງ, ລ້ຽງສັດ, ກໍ່ສ້າງເຄຫາສະຖານ, ຊ່າງໄມ້ເຟີນີເຈີ, ໄຟຟ້າເຕັກນິກ, ສ້ອມແປງທົ່ວໄປ, ບໍລິຫານທຸລະ ກິດ, ປຸງແຕ່ງອາຫານ ແລະບໍລິ ການ, ບໍລິການໂຮງແຮມ, ສໍາລັບ ສາຂາວິຊາປຸງແຕ່ງອາຫານ ແລະ ສາຂາວິຊາບໍລິການໂຮງແຮມມີ ນັກສຶກສາທັງໝົດ 107 ຄົນ, ຍິງ 104 ຄົນ,

ສໍາລັບການຮຽນ-ການສອນ ແມ່ນປະຕິບັດຕາມຫຼັກສູດຂອງ ກະຊວງສຶກສາທິການ ແລະກີລາ ຕາມຫຼັກສູດປົກກະຕິ, ຮຽນພາກ ທິດສະດີ ແລະພາກປະຕິບັດຕົວ ຈິງ, ມີການລົງຝຶກຫັດນອກສະ ຖານທີ່ເປັນເວລາ 4 ເດືອນ.

ສຳລັບນັກສຶກສາທີ່ລົງຝຶກຫັດຄັ້ງນີ້ມີ 37 ນ້ອງທີ່ລົງຢູ່ຮ້ານອາຫານ 6 ຮ້ານ ແລະ1 ໂຮງແຮມ ຄື: ຮ້ານອາຫານເດິໄນ, ຮ້ານອາຫານປາຄຳ 3, ສວນອາຫານດາວລືໄຊ, ຮ້ານອາຫານອັນດາ ມັນ, ຮ້ານອາຫານດອນວິວກຸງ ເຕັ້ນ, ຮ້ານອາຫານຈິນດາກຸ້ງເຕັ້ນ ແລະໂຮງແຮມໝອນທອງ ຊຶ່ງຈະ ໃຊ້ເວລາລົງຝຶກງານ 4 ເດືອນ ຈຶ່ງ ສໍາເລັດ.

---

ໜັງສືພິມເສດຖະກິດ-ສັງຄົມ

แชร์