ຕາດຂະມຶດ ມົນສະເໜ່ທີ່ໜ້າຫຼົງໄຫຼ ຂອງແຂວງຈໍາປາສັກ

  ຄວາມໂດ່ງດັງເລື່ອງການທ່ອງທ່ຽວຢູ່ປະເທດເຮົາບໍ່ເຄີຍຂາດທັງຄົນລາວເຮົາເອງ ແລະຕ່າງຊາດກ່າວຂານມາຕະຫຼອດເນື່ອງຈາກໃຜໄປແລ້ວກໍ່ຕິດອົກຕິດໃຈທັງອີ່ມເມື່ອໄດ້ສູບດົມອາກາດທີ່ບໍລິສຸດທັງປະທັບໃຈກັບຄວາມງາມຂອງທຳມະຊາດ“ຕາດຂະມຶດ” ກໍ່ເປັນອີກຈຸດໜຶ່ງທີ່ຫຼາຍແຂວງມີ ແລະ ພັດທະນາເປັນແຫຼ່ງທ່ອງທ່ຽວດັ່ງແຂວງຈໍາປາສັກ ທີ່ຢູ່ພາກໃຕ້ຂອງປະເທດ ຊຶ່ງນອກຈາກມີແຫຼ່ງທ່ອງທ່ຽວວັດທະນະທໍາ, ປະຫວັດສາດ ແລະທໍາມະຊາດແລ້ວ, ຍັງມີນໍ້າຕົກຕາດຂະມຶດທີ່ນັບວ່າເປັນອີກແຫຼ່ງທ່ອງທ່ຽວ ໜຶ່ງທີ່ສ້າງຄວາມຕື່ນຕາຕື່ນໃຈ ໃຫ້ແກ່ນັກທ່ອງທ່ຽວທັງພາຍໃນ ແລະຕ່າງປະເທດ ໂດຍແຕ່ລະມື້ມີຜູ້ໄປທ່ຽວເປັນຈໍານວນຫຼວງຫຼາຍ.

 

 ຕາດຂະມຶດ ແມ່ນຕັ້ງຢູ່ທີ່ບ້ານໜອງຫຼວງ ໄລຍະທາງຈາກຕົວ ເມືອງປາກຊ່ອງ ປະມານ 12 ກິໂລແມັດ, ເປັນທາງດິນແດງໃຊເວລາປະມານ 40 ນາທີ ກໍ່ສາມາດເຂົ້າໄປຮອດບ້ານໜອງ ເປັນ ສະຖານທີທ່ອງທ່ຽທີ່ມີເສັ້ນທາງ ເຂົ້າໄປເຖິງທັງສະດວກສະບາຍ ຕື່ມອີກ, ເປັນນໍ້າຕົກທີ່ສວຍງົດງາມທີ່ສຸດຂອງເມືອງລາວຊຶ່ງພາຍໃນຕາດທ່ານຈະໄດ້ເພີດເພີນ ກັບການຂີ່ສະລິງຊົມຄວາມງົດງາມຂອງທິວທັດທຳມະຊາດອັນອຸດົມສົມບູນ ແລະຍັງມີຈຸດພັກໃຫ້ນັກທ່ອງທ່ຽວໄດ້ພັກເຊົາເມື່ອຍ ແລະຮັບປະທານອາຫານໄດ້ອີກດ້ວຍ, ສຳລັບໃຜທີ່ເປັນນັກທ່ອງທ່ຽວສາຍລຸຍໆບອກໄດ້ເລີຍວ່າບໍ່ຄວນ ພາດກັບຕາດຂະມຶດແຫ່ງນີ້.

ສະໜັບສະໜູນໂດຍ: HONDA

  ເອົາເປັນວ່າຖ້າທ່ານໃດໄປ ແລະຕ້ອງການໄປພັກຜ່ອນກິນເຂົ້າປ່າທ່າມກາງທຳມະຊາດອັນສວຍງາມໄປກັນໄດ້ເລີຍ ແລະຖ້າໄປຮອດແລ້ວຢ່າລືມລົງຫຼິ້ນນໍ້າໄສໆເຢັນໆທີ່ໄຫຼໄປຕາມໂຫງ່ນຫີນນ້ອຍໃຫຍ່ຊຶ່ງຈະສ້າງຄວາມເພີດເພີນໃຫ້ທ່ານຢ່າງແນ່ນອນ.

_____________

#ຂຽນໂດຍ: ວົງມະນີ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

 

แชร์