ປກສ ເມືອງສອງຄອນ ສະຫຼຸບວຽກງານປ້ອງກັນຄວາມສະຫງົບປະຈໍາປີ

  ທ້າຍອາທິດທີ່ຜ່ານມາ ກອງບັນຊາການ ປກສ ເມືອງສອງຄອນ ໄດ້ຈະກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈຳປີ 2019 ແລະວາງທິດທາງແຜນ ການປະຈຳປີ 2020 ໂດຍການເປັນປະທານຂອງທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ, ທ່ານພັທ ຄອນສະຫວັດ ໄຊຍະສານ ຫົວ ໜ້າກອງບັນຊາການ ປກສ ເມືອງສອງຄອນມີບັນດາຄະນະພະແນກ ປກສ ກຸ່ມບ້ານທັງ 12 ບ້ານ, ຕະຫລອດຮອດພະນັກງານນັກຮົບເຂົາຮ່ວມ.

  ທ່ານພັຕ ທິດຕາວັນ ໄຊຍະຈັກ ຫົວໜ້າພະແນກຫ້ອງການ ປກສ ເມືອງ ໄດ້ຂຶ້ນຜ່ານບົດສະຫຼຸບການ ເຄື່ອນໄຫວໃນໄລຍະຜ່ານມາ: ຄະນະພັກ-ຄະນະບັນຊາໄດ້ເອົາໃຈໃສ່ ຊີ້ນຳໆພາທາງດ້ານການເມືອງ ແນວຄິດເປັນກົກ, ພ້ອມກັນຈັດຕັ້ງປະຕິບັດໜ້າທີ່ວຽກງານວິຊາສະເພາະທີ່ຂັ້ນເທິງມອບໝາຍໃຫ້ໄດ້ ຮັບຜົນດີຂຶ້ນເທື່ອລະກ້າວ, ເຊິ່ງໃນ ໜຶ່ງປີຜ່າມາສາມາດຂື້ນບັນຊີຄົນ ຕ່າງປະເທດທີ່ເຂົ້າມາດຳເນີນທຸລະກິດຄ້າຂາຍຢູ່ພາຍໃນເມືອງມີຄົນ ຈີນ 43/17 ຄົນ, ຄົນຫວຽດນາມ 49/10 ຄົນ, ຄົນເກົາຫຼີໃຕ້ 01ຄົນ,ວຽກງານປະຕູດ່ານ ຄົນເຂົ້າອອກ ເມືອງ 6,334/3,639ຄົນ,ໃນນັ້ນມີຄົນໄທ 1,050/429 ຄົນ, ຄະດີເກີດຂຶ້ນທັງຫມົດ: 145 ລາຍ ກັກຕົວຜູ້ຖືກຫາໄດທັງໝົດ 149/ 17ຄົນ ໃນນັ້ນຄົນຕ່າງປະເທດ 02/00 ຄົນ, ແກ້ໄຂໄດ້ມີ: 138 ລາຍຜູ່ຖືກຫາ 139/16 ຄົນ ຍັງສືບ ຕໍ່ດໍາເນີນຄະດີ 7ລາຍ, ຜູ້ຖືກຫາ 10/01ຄົນ, ສາມາດປະເມີນຄືນ ບ້ານປ້ອງກັນຄວາມສະຫງົບດີສະໄຫມທີ 02 ໄດ້ 08 ບ້ານ ແລະຮັບ ຮອງຄືນສະໄຫມທີ II ໄດ້ 19 ບ້ານ, ສະເໜີແຂວງ ເພື່ອອະນຸມັດຮັບ ຮອງເປັນບ້ານປ້ອງກັນຄວາມສະຫງົບດີຈໍານວນ 20 ບ້ານ ມາຮອດ ປະຈຸບັນສາມາດຮັບຮອງເປັນບ້ານ ປ້ອງກັນຄວາມສະຫງົບດີໄດ້ທັງ ໝົດ 82 ບ້ານ, ວຽກງານຄຸ້ມຄອງສໍາມະໂນຄົວຈົດທະບຽນສໍາມະໂນຄົວທັງໝົດ 3,077 ຄົນ, ຍິງ 1,452 ອາຍຸ 15 ປີຂຶ້ນໄປ 706 ຄົນ, ຍິງ 362 ຄົນ.

ສະໜັບສະໜູນໂດຍ: HONDA

 ສ່ວນທິດທາງແຜນການໃນຕໍ່ ໜ້າ ຈະສືບຕໍ່ຜັນຂະຫຍາຍຈັດຕັ້ງປະຕິບັດມະຕິຂອງກອງປະຊຸມ ໃຫຍ່ຄັ້ງທີxຂອງພັກ, ສຸມໃສ່ຈັດຕັ້ງ ປະຕິບັດ 4 ແຜນງານໃຫຍ່, 41 ໂຄງການຂອງກະຊວງປ້ອງກັນຄວາມສະຫງົບ, 29 ໂຄງການຂອງກອງບັນຊາການ ປກສ ແຂວງ ເຂົ້າສູ່ວຽກງານຕົວຈິງເພື່ອຮັບປະກັນຄວາມສະຫງົບ ແລະຄວາມເປັນລະບຽບຮຽບຮ້ອຍຂອງສັງຄົມ.

______________

ຂຽນໂດຍ: ນາລີ ແພງວິໄລ 
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

 

แชร์