ຕົກໃຈໄປທົ່ວວົງການບັນເທີງ ທີມງານນັກຮ້ອງ ຄິມ ຊອງຮາ ຕິດເຊື້ອໂຄວິດ-19

  ກາຍເປັນຂ່າວໃຫຍ່ໃນວົງ ການບັນເທີງ ສ.ເກົາຫຼີເມືອ MNH Entertainment ຕົ້ນສັງກັດຂອງນັກຮ້ອງສາວ ຄິມ ຊອງຮາ (Kim Chungha) ໄດ້ຍືນຍັນວ່າທີມງານຂອງສາວ ຊອງຮາ 2 ຄົນຕິດເຊື້ອ ໄວຣັດໂຄວິດ-19 ຫຼັງຈາກກັບ ຈາກອີຕາລີ ພ້ອມຍົກເລີກຕາຕະລາງງານທັງໝົດ ໂດຍຊອງຮາ ແລະສຕາຟຟ໌ໄດ້ເດີນທາງໄປອີຕາລີ ແລະເດີນທາງກັບ ສ.ເກົາຫຼີໃນວັນທີ 24 ກຸມພາຜ່ານມາ ຈາກນັ້ນກໍພົບວ່າ 1 ໃນທີມງານປ່ວຍ ແລະມີໄຂ້ ແລະໄດ້ຮັບການຍືນຍັນວ່າຕິດເຊື້ອໄວຣັດໂຄວິດ-19 ຫຼັງຈາກນັ້ນທາງບໍລິສັດໄດ້ໃຫ້ ຊອງ ຮາ ແລະທີມງານທີ່ກ່ຽວຂ້ອງທັງ ໝົດເຂົ້າກວດຮ່າງກາຍທັນທີ ຊຶ່ງ     ຫຼັງຈາກທີ່ມີການກວດຮ່າງກາຍ ເພີ່ມເຕີມກໍພົບວ່າມີອີກ 1 ຄົນຕິດ ເຊື້ອໄວຣັດໂຄວິດ-19.

ສ່ວນ ຊອງຮາ ແລະທີມງານ ຄົນອື່ນໆມີການກວດສອບເປັນລົບ ຫຼັງຈາກນີ້ກໍໄດ້ໃຫ້ສິລະປິນ ແລະ ທີມງານກັກໂຕເພື່ອເຝົ້າລະວັງ ແລະ ຕາຕາລາງທັງໝົດຂອງ ຊອງຮາ ກໍຖືກຍົກເລີກອີກເຊັ່ນກັນ.

------

ຮຽບຮຽງໂດຍ: ຟ້າ

แชร์