ບຸນນະມັດສະການຜາສາດເຮືອນຫີນ ປະຈໍາປີ 2020

 ວັນທີ 6 ມີນາ 2020 ທີ່ເດີ່ນວັດຜາສາດເຮືອນຫີນໄດ້ຈັດພິທີເປີດງານບຸນນະມັດສະການຜາສາດເຮືອນຫີນປະຈໍາປີ 2020 ໂດຍການໃຫ້ກຽດເຂົ້າຮ່ວມຂອງ ທ່ານ ຄໍາວິໄສ ຜຸຍຍະວົງ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໄຊພູທອງ, ມີຄະນະປະຈໍາພັກເມືອງ,ກໍາມະການພັກເມືອງ, ຫ້ອງການ ອອ້ມຂ້າງເມືອງ, ບັນດາເລຂາໜ່ວຍພັກ-ນາຍບ້ານ, ອົງການຈັດຕັ້ງມະຫາຊົນ, ຕະຫຼອດເຖິງປະ ຊາຊົນຜູ້ມາທ່ຽວງານບຸນເຂົ້າຮ່ວມ ຢ່າງຄຶກຄື້ນ.

  ທ່ານ ຄໍາວິໄສ ຜຸຍຍະວົງ ເຈົ້າ ເມືອງໄຊພູທອງ ໃຫ້ຮູ້ວ່າ: ຜາສາດ ເຮືອນຫີນເປັນສະຖາປັດຕິຍະກໍາທີ່ໂດດເດັ່ນລໍ້າຄ່າ ຊຶ່ງບົງບອກເຖິງ ຄວາມເກັ່ງກ້າສາມາດສະຫຼາດຫຼັກ ແຫຼມ ແລະມີຫົວຄິດປະດິດສ້າງ ຂອງປະຊາຊົນບັນດາເຜົ່າໃນຍົກສະໄໝບູຮານ (ອານາຈັກຂອມ ເຮືອງອໍານາດໃນສະໄໝສີໂຄດຕະ ບູນໃນຍົກເງິນຍາງ) ແລະຍັງເປັນ ສັນຍາລັກໃຫ້ແກ່ລຸ້ນຄົນພວກເຮົາ ໃນປະຈຸບັນໄດ້ເຫັນຄຸນຄ່າຄວາມ ເປັນມາຂອງຊາດລາວເຮົາທີ່ເປັນຊາດໜຶ່ງທີ່ມີຄວາມຈະເລີນຮຸ່ງ ເຮືອງສີວິໄລທາງດ້ານອະລິຍະທໍາ, ຊຶ່ງບັນພະບູລຸດລາວແຕ່ລະຍຸກແຕ່ລະສະໄໝໄດ້ປົກປັກຮັກສາ ແລະ ສ້າງສາພັດທະນາມາ,ຜາສາດ ເຮືອນຫີນແຫ່ງນີ້ຖືວ່າເປັນແຫ່ງທີ 2 ຂອງປະເທດລາວຖັດຈາກວັດ ພູຈໍາປາສັກ, ຕາມການສັນນິຖານ ວ່າຖືກສ້າງຕັ້ງຂຶ້ນໃນຊ່ວງທ້າຍ ສັດຕະວັດທີ 11 ຫາຕົ້ນສັດຕະວັດ ທີ 12 ແລະຢູ່ໃນຍົກດຽວກັນກັບໂຮງນາງສີດາ ທີ່ຕັ້ງຢູ່ເມືອງຈໍາປາສັກ, ແຂວງຈໍາປາສັກພາກໃຕ້ຂອງລາວ, ຢັ້ງຢືນເຖິງຄວາມເປັນມາ ຂອງຊາດລາວ, ຄົນລາວໃນແຕ່ລະ ຍົກສະໄໝ ແລະຍັງເປັນສະຖານທີ່ ທ່ອງທ່ຽວທາງດ້ານວັດທະນະທໍາ ທີສໍາຄັນ ແລະມີຊື່ສຽງອີກແຫ່ງໜຶ່ງຂອງແຂວງສະຫວັນນະເຂດ ກໍຄືຂອງຊາວເມືອງໄຊພູທອງ.

 ນອກນັ້ນໃນງານດັ່ງກ່າວ:ການນໍາພັກ-ລັດກໍໄດ້ເຂົ້າຮ່ວມການແຮ່ ຮູບຈໍາລອງຄື:  ຮູບຈໍາລອງຜາສາດ ເຮືອນຫີນ, ງູຊ່ວງ, ງົວໂທນ, ເຕົ່າຄໍາ ແລະໜາຊ່ວງເພື່ອເປັນການ ສາກາລະບູຊາໃຫ້ແກ່ຜາສາດເຮືອນ ຫີນ ຊຶ່ງເປັນປີທໍາອິດທີ່ໃຫ້ມີກິດຈະກໍານີ້ຂຶ້ນ, ເພື່ອສຶບສານວັດທະນະທໍາລາວທີ່ເຄີຍປະຕິບັດກັນມາ.

------

ໂດຍ: ຟ້າ

• 12/03/2020