ຍທຂ ມອບເຄື່ອງກີລາ ແລະອຸປະກອນກໍ່ສ້າງ ໃຫ້ໂຮງຮຽນທະຫານທ້ອງຖິ່ນນາທອງ

  ເພື່ອເປັນການປະກອບສ່ວນ ໃຫ້ແກ່ໂຮງຮຽນທະຫານທ້ອງຖິ່ນນາທອງ ເມືອງພີນ ທີ່ຂຶ້ນກັບກອງ ບັນຊາການທະຫານແຂວງສະຫວັນນະເຂດ ໃນການເປີດຊຸດຝຶກອົບຮົມ-ຫັດແອບທະຫານໃໝ່ປະຈຳປີ 2020, ສະນັ້ນມາໃນວັນທີ 10 ມີນາ 2020 ນີ້, ພະແນກ ໂຍທາທິການ ແລະຂົນສົ່ງແຂວງ ສະຫວັນນະເຂດ ຊຶ່ງນໍາໂດຍທ່ານ ໄຊຍະເສນ ແກ້ວວິໄລສັກ ເລຂາຄະນະພັກຮາກຖານຫົວໜ້າພະ ແນກ ຍທຂ ແຂວງສະຫວັນນະເຂດ ໄດ້ນຳເອົາອຸປະກອນການກໍ່ ສ້າງ ແລະອຸປະກອນກີລາໄປມອບ ໃຫ້ກັບໂຮງຮຽນທະຫານແຫ່ງດັ່ງ ກ່າວ.

  ຊຶ່ງເຄື່ອງທີ່ມອບໃນຄັ້ງນີ້ປະກອບມີ: ຊັງມັງ 2 ໂຕນ, ກະຕໍ້ ຫວາຍ, ບານສົ່ງ, ບານເຕະ ແລະ ຊຸດກິລາຈຳນວນ 57 ຊຸດ ລວມມູນຄ່າທັງໝົດ 5,8 ລ້ານກີບ, ເປັນກຽດຮັບເຄື່ອງໃນຄັ້ງນີ້ ໂດຍແມ່ນ ທ່ານ ພົນຈັດຕະວາ ຈະເລີນວົງ ວິໄຊ ຫົວໜ້າກອງບັນຊາການທະຫານແຂວງສະຫວັນນະເຂດ.

  ໂອກາດນີ້, ທ່ານ ໄຊຍະເສນ ແກ້ວວິໄລສັກ ຍັງໃຫ້ຮູ້ຕື່ມອີກວ່າ: ນອກຈາກການມອບອຸປະກອນ ການກໍ່ສ້າງ ແລະຊຸດອຸປະກອນ ການກີລາແລ້ວ, ທາງພະແນກ ຍທຂ ພວກເຮົາຍັງໄດ້ກະກຽມຈັດພິທີ ມອບ-ຮັບ ແລະເປີດການນຳໃຊ້ ເສັ້ນທາງເຂົ້າໂຮງຮຽນທະຫານ ນາທອງຕື່ມອີກ ຊຶ່ງມີໄລຍະທາງ ທັງໝົດ 6 ກິໂລແມັດ, ມູນຄ່າ 200 ລ້ານກີບ ທີ່ຈະໄດ້ຈັດຂຶ້ນໃນມໍ່ໆນີ້.

 -----

ໜັງສືພິມເສດຖະກິດ-ສັງຄົມ

แชร์