ໂຮງຮຽນ ມ ຕົ້ນ ຫາດສະ-ຫາດດອນແກ້ວ ສະຫຼອງວັນແມ່ຍິງສາກົນ

    ພິທີສະຫຼອງວັນແມ່ຍິງສາກົນວັນທີ 8 ມີນາ 2020 ຂອງ ໂຮງຮຽນ ມ ຕົ້ນຫາດສະ-ຫາດ ດອນແກ້ວ ເມືອງປາກທາ ໄດ້ຈັດ ຂຶ້ນໃນວັນທີ 6 ມີນາ 2020 ທີ່ ເດີນໂຮງຮຽນ ມ ຕົ້ນຫາດສະເຂົ້າຮ່ວມມີທ່ານ ນາງ ສວຍ ພົງສະຫັວນ ປະທານສະຫະພັນແມ່ຍິງ ເມືອງປາກທາ, ທ່ານ ອ່ອນແກ້ວ ທຳມະແສງ ກຳມະການພັກເມືອງ ເລຂາຄະນະພັກຮາກຖານກຸ່ມບ້ານ ຫາດສະ, ມີອຳນວຍການໂຮງຮຽນທັງ 2 ແຫ່ງ ໂຄງການແພລນ, ຄູ- ອາຈານຕະຫຼອດຮອດນ້ອງນ້ອຍ ນັກຮຽນເຂົ້າຮ່ວມ.

 ທ່ານ ນາງ ສວຍ ພົງສະຫັວນ ປະທານສະຫະພັນແມ່ຍິງເມືອງ ປາກທາໄດ້ເລົ່າປະຫວັດຄວາມ ເປັນມາຂອງວັນເເມ່ຍິງສາກົນ 8 ມີນາ ຊຶ່ງໄດ້ກຳເນີດເກີດຂຶ້ນໃນ ທ່າມກາງເສດຖະກິດຂອງພວກສັກ ດີນານາຍທຶນ, ຂະຫຍາຍຕົວເມື່ອ ໂຮງຈັກໂຮງງານອຸດສາຫະກຳຂອງພວກນາຍທຶນຂະຫຍາຍຕົວ ມັນສ້າງຄວາມຮັ່ງມີໃຫ້ແກ່ພວກ ນາຍທຶນ, ແຕ່ສຳພັດຍິ່ງເພີ່ມຄວາມ ທຸກຍາກລຳບາກໃຫ້ແກ່ຊາວຜູ້ ອອກແຮງງານ, ໂດຍສະເພາະແມ່ນ ກຳມະກອນແມ່ຍິງຢູ່ພາຍໃນລະບອບສັກດີນາ, ນາຍທຶນ, ແມ່ຍິງ ຖືກກົດຂີ່ຂູດຮີດຢ່າງໜັກໜ່ວງ, ເຮັດວຽກຫຼາຍຊົ່ວໂມງ, ແຕ່ໄດ້ຮັບ ຄ່າຈ້າງແຮງງານດ້ວຍລາຄາຖືກ, ເຮັດວຽກບໍ່ມີຮັບປະກັນ, ບໍ່ມີລະບອບປົກປັກຮັກສາສຸຂະພາບຂອງ ແມ່ຍິງ ແລະເດັກນ້ອຍ, ເວລາອອກລູກ ຫຼື ເວລາເຈັບເປັນ, ບໍ່ໄດ້ຮັບ ການປິ່ນປົວຕໍ່ໜ້າສະພາບການ ແລະຄວາມທຸກທໍລະມານດັ່ງກ່າວ ກຳມະກອນແມ່ຍິງຮູ້ສຶກຄຽດແຄ້ນ ຈຶ່ງໄດ້ສາມັກຄີກັນ, ລຸກຂຶ້ນຕໍ່ສູ້ທວງ ໃຫ້ພວກນາຍທຶນ, ເຈົ້າຂອງໂຮງ ຈັກໂຮງງານ, ຕ້ອງແກ້ໄຂຊີວິດ ການເປັນຢູ່ໃຫ້ເຂົາເຈົ້າ ຊຶ່ງວັນທີ 8 ມີນາ ແມ່ນເຫດການເມືອງທີ່ ສຳຄັນເປັນຂີດໝາຍແຫ່ງໄຊຊະນະອັນພື້ນຖານຂອງຂະບວນການ ແມ່ຍິງສາກົນໃນການທວງເອົາສິດ ຜົນປະໂຫຍດອັນຊອບທຳປົດປ່ອຍ ຕົນເອງ ແລະທວງເອົາສິດສະເໝີ ພາບປະຊາທິປະໄຕຄືກັບຜູ້ຊາຍ ທວງໃຫ້ພວກນາຍທຶນແກ້ໄຂຊີວິດການເປັນຢູ່ພາຍໃຕ້ຄຳຂວັນຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ ຍິງ ແລະຜູ້ຊາຍ ເຮັດວຽກຄືກັນ,ຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບອບປ້ອງກັນສຸຂະພາບ ຂອງແມ່ຍິງ ແລະເດັກນ້ອຍ, ຕ້ານສົງຄາມຮຸກຮານປົກປັກຮັກສາສັນຕິພາບຂອງໂລກ.

ທັງນີ້ກໍ່ເພື່ອຫ່ວນຄືນມູນເຊື້ອປະຫວັດຄວາມເປັນມາຂອງວັນ ດັ່ງກ່າວເຮັດໃຫ້ຄູ-ອາຈານ ແລະ ນ້ອງນອຍນັກຮຽນຕະຫຼອດຮອດພໍ່ແມ່ປະຊາຊົນໄດ້ຮັບຮູ້ຄວາມໝາຍຄວາມສຳຄັນຢ່າງທົ່ວເຖິງພິທີໃນຄັ້ງນີ້ຍັງໄດ້ຮັບຊົມການສະ ແດງລະຄອນ, ສິລະປະດົນຕີພ້ອມ ທັງຫຼິ້ນເກມຢ່າງມີຄວາມເບີກບານ ມ່ວນຊື່ນ.

----

ໜັງສືພິມເສດຖະກິດ-ວັງຄົມ

แชร์