ທີພລັສ ສະໜັບສະໜູນສະໂມສອນຊ້າງນ້ອຍ

 ວັນທີ 10 ມີນາ 2020 ທີ່ຮ້ານອາຫານຊັນທາຣານະຄອນຫຼວງວຽງຈັນ ໄດ້ຈັດພິທີເຊັນສັນຍາລະຫວ່າງບໍລິສັດທີພລັສ ແລະ ສະໂມສອນຊ້າງນ້ອຍ ເພື່ອສະໜັບສະໜູນຫຼັກໃຫ້ແກ່ສະໂມສອນດັ່ງກ່າວປະກອບສ່ວນເຂົ້າພັດທະນາກີລາບານເຕະລາວ ເປັນກຽດເຂົ້າຮ່ວມໂດຍທ່ານ ເຈສັນຣິມ ປະທານສະໂມສອນຊ້າງນ້ອຍ, ທ່ານ ລັດຖະປັນຍາ ຂຽວວົງພະຈັນປະທານບໍລິສັດທີພລັສ, ທ່ານ ບຸນລັບ ເຄນກິຕິສັກ ຫົວໜ້າຄູຝຶກ ສອນສະໂມສອນຊ້າງນ້ອຍບັນດາ ນັກກີລາ, ຫົວໜ່ວຍທຸລະກິດສະໜັບສະໜູນເຂົ້າຮ່ວມ.

 ສະໂມສອນຊ້າງນ້ອຍແມ່ນສະໂມສອນເນັ້ນການພັດທະນານັກ ກີລາບານເຕະລາວ ໂດຍໄດ້ຮັບການສ້າງຕັ້ງຂຶ້ນໃນປີ  2018 ໂດຍ ແມ່ນທ່ານ ເຈສັນ ຣິມ ເປັນຜູ້ສ້າງ ຕັ້ງຂຶ້ນເພື່ອປະກອບສ່ວນເຂົ້າໃນ ວຽກງານພັດທະນາວຽກງານກີ ລາລາວໂດຍສະເພາະກີລາບານ ເຕະໃຫ້ມີຄວາມກ້າວສູງຂຶ້ນປະຈຸ ບັນມີນັກກີລາສາມລຸ້ນຄື: ອາຍຸ 15-18 ປີ ຜ່ານມາໄດ້ເຂົ້າຮ່ວມແຂ່ງຂັນລາວລີກເຊິ່ງໄດ້ອັນດັບທີ່ສາມ.

  ທ່ານ ບຸນລັບ ເຄນກິຕິສັກ ໃຫ້ຮູ້ຕື່ມວ່າ:ໃນປີນີ້ສະໂມສອນຊ້າງນ້ອຍແມ່ນມີການຝຶກຊອມຢ່າງພິເສດ ໂດຍໄດ້ມີການເຊີນນັກກີລາ ບານເຕະຈາກຕ່າງປະເທດມາ ແລກປ່ຽນບົດຮຽນໃຫ້ແກ່ນັກກີລາ ໃນທີມສະໂມສອນດັ່ງກ່າວເພື່ອສ້າງຄວາມພ້ອມໃນການເຂົ້າຮ່ວມ ແຂ່ງຂັນລາວລີກໃນປີນີ້ ໂດຍໄດ້ຕັ້ງຄວາມຄາດຫວັງໃນການຄ້ວາ ແຊັ້ມໃຫ້ໄດ້ສະນັ້ນຈຶ່ງໄດ້ທຸ້ມເທ ເຫື່ອແຮງ ແລະສະຕິປັນຍາເຂົ້າໃນການພັດທະນາວົງການກີລາບານ ເຕະໃນລາວໃຫ້ສຸດຄວາມສາມາດ ຫວັງເປັນຢ່າງຍິ່ງວ່າໃນອະນາຄົດຂ້າງໜ້າລາວເຮົາຈະສາມາດພັດ ທະນາເປັນກີລາເຕະບານອາຊີບ ໄດ້ຢ່າງເປັນຮູບປະທຳເພື່ອເປັນ ການອຸປະຖຳກີລາລາວຍົກສູງຂຶ້ນ ເລື້ອຍໆ ບໍລິສັດທີພລັສ ຈຶ່ງໄດ້ ເຊັນສັນຍາກັບສະໂມສອນຊ້າງນ້ອຍເພື່ອເປັນສ່ວນໜຶ່ງໃນການ ປະກອບສ່ວນສະໜັບສະໜູນຫຼັກ ບໍ່ວ່າຈະເປັນອຸປະກອນ,  ເຄື່ອງຫຼິ້ນ ກີລາ ແລະເງິນຊຸກຍູ້ຕ່າງໆ.

ທ່ານ ລັດຖະປັນຍາ ຂຽວວົງ ພະຈັນ ກ່າວວ່າ:ການສະໜັບສະໜູນສະໂມສອນຊ້າງນ້ອຍຄັ້ງນີ້ ແມ່ນເປັນປີທຳອິດ ແລະທາງບໍລິສັດຍັງຈະສືບຕໍ່ໃຫ້ການສະໜູນຕື່ມອີກໃນໃນໂອກາດຕໍ່ໄປ  ໂດຍຈະປະເມີນຈາກຜົນງານຂອງນັກກີລາທີ່ສ້າງໄດ້ໃນແຕ່ລະໄລຍະເປັນຫຼັກ ໃຫ້ເປັນຜົນປະໂຫຍດສູງສຸດໃນການພັດທະນານັກກີລາບານເຕະ ລາວໃຫ້ກ້າວຂຶ້ນເລື້ອຍໆ.

-----

ໂດຍ: ແພງຕາ

แชร์