ຫຼວງນໍ້າທາຫາລື ແລະວາງແຜນວຽກງານ 3 ສ້າງ

  ເພື່ອເຮັດໃຫ້ການປະຕິບັດໜ້າທີ່ວຽກງານການປະເມີນຜົນສ້າງແຂວງເປັນຫົວໜ່ວຍຍຸດທະສາດ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະສ້າງບ້ານເປັນຫົວໜ່ວຍພັດທະນາໃຫ້ສຳເລັດຕາມລະດັບຄາດໝາຍ.

  ວັນທີ 10 ມີນາ 2020 ແຂວງຫຼວງນໍ້າທາປຶກສາຫາລື ແລະວາງແຜນກ່ຽວກັບວຽກງານການປະເມີນຜົນສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະສ້າງບ້ານເປັນຫົວໜ່ວຍພັດທະນາ ຊຶ່ງຈັດຂຶ້ນທີ່ຫ້ອງປະຊຸມ,ຫ້ອງວ່າການແຂວງຫຼວງນໍ້າທາ,ໂດຍການເປັນປະທານ ທ່ານ ບຸນຍີ່ ແກ້ວຄູນເມືອງ ຮອງເຈົ້າແຂວງໆ ຫຼວງນໍ້າທາ ໂດຍມີກຳມະການປະຈຳພັກແຂວງ, ກຳມະການພັກແຂວງ, ຫົວໜ້າພະແນກ-ຮອງຫົວໜ້າພະແນກການຂອງແຂວງ, ຫົວໜ້າຂະແໜງ-ຮອງຂະແໜງ, ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

 ໂດຍປະຕິບັດຕາມມະຕິຂອງກົມການເມືອງສູນກາງພັກ, ຄຳສັ່ງຂອງນາຍົກລັດຖະມົນຕີວ່າດ້ວຍທິດທາງ,ເປົ້າໝາຍ ແລະມາດຕະການສ້າງແຂວງເປັນຫົວໜ່ວຍຍຸດ ທະສາດ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະສ້າງບ້ານເປັນຫົວໜ່ວຍພັດທະນາພາຍຫຼັງກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ 7 ໄດ້ຮັບຮອງເອົາບົດລາຍ ງານຂອງລັດຖະບານກ່ຽວກັບຜົນສໍາເລັດຂອງການຈັດຕັ້ງປະຕິບັດການເຮັດທົດລອງວຽກງານ 3 ສ້າງ. 

ສະໜັບສະໜູນໂດຍ: HONDA

 ທ່ານ ສີສຸພັນ ທໍາປັນຍາ ຫົວໜ້າພະແນກພາຍໃນ ແຂວງຫຼວງນໍ້າທາໄດ້ຜ່ານຂໍ້ຕົກລົງຂອງທ່ານເຈົ້າ ແຂວງໆຫຼວງນໍ້າທາ ວ່າດ້ວຍການແຕ່ງຕັ້ງຄະນະຮັບ ຜິດຊອບກ່ຽວກັບການປະເມີນຜົນສ້າງແຂວງເປັນຫົວໜ່ວຍຍຸດທະສາດ ໂດຍປະຕິບັດຕາມກົດໝາຍວ່າດ້ວຍການປົກຄອງທ້ອງຖິ່ນວ່າດ້ວຍສິດ ແລະໜ້າທີ່ຂອງເຈົ້າແຂວງ, ເຈົ້າຄອງນະຄອນ, ຄຳສັ່ງຂອງນາ ຍົກລັດຖະມົນຕີວ່າດ້ວຍທິດທາງ, ເປົ້າໝາຍ ແລະມາດຕະການສ້າງແຂວງເປັນຫົວໜ່ວຍຍຸດທະສາດ,ສ້າງ ເມືອງເປັນຫົວໜ່ວຍເຂັ້ມແຂງຮອບດ້ານ ແລະສ້າງບ້ານເປັນຫົວໜ່ວຍພັດທະນາແຂວງຫຼວງນໍ້າທາໃນກອງປະຊຸມຍັງໄດ້ແຕ່ງທ່ານ ບຸນຍີ່ ແກ້ວຄູນເມືອງ ຮອງເຈົ້າແຂວງຫຼວງນໍ້າທາ ເປັນຫົວ ໜ້າຄະນະກຳມະການປະເມີນ, ທ່ານ ພົມມະສຸກ ວິໄລກຸນ ຫົວໜ້າຫ້ອງວ່າການແຂວງ ແລະ ທ່ານ ສີສຸພັນ ທໍາປັນຍາ ຫົວໜ້າພະແນກພາຍໃນແຂວງເປັນຮອງ, ບັນ ດາຫົວໜ້າພະແນກການ, ອົງການທຽບເທົ່າອ້ອມຂ້າງແຂວງເປັນກຳມະການ ແລະແຕ່ງຕັ້ງ ທ່ານ ສີສຸພັນ ທໍາປັນຍາ ຫົວໜ້າພະແນກພາຍໃນແຂວງເປັນຫົວໜ້າກອງເລຂາຊ່ວຍວຽກ, ທ່ານ ນາງ ຄຳແດງ ກອງຈຳປາ ຮອງຫົວໜ້າພະແນກພາຍໃນເປັນຮອງ ແລະຄະນະອີກ 4 ທ່ານ ແລະຜ່ານນິຕິກໍາ, ຄໍາແນະນໍາກ່ຽວກັບວຽກ ງານການປະເມີນຜົນສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງ ຮອບດ້ານ ແລະສ້າງບ້ານເປັນຫົວໜ່ວຍພັດທະນາ.

----------

ຂຽນໂດຍ: ອຸ້ມ ສົມນໍວັນ

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

แชร์