ມອບເງິນຊ່ວຍເຫຼືອໃຫ້ກັບບ້ານຈັດສັນຍົກຍ້າຍ 3 ບ້ານ ຢູ່ເມືອງໃໝ່

 ໃນວັນທີ 6 ມີນາ 2020 ນີ້ ທ່ານ ພົຕ ວົງຄຳ ພົມມະກອນ ຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການ ກອງທັບກະຊວງປ້ອງກັນປະເທດ ໄດ້ນຳເອົາເງິນມອບໃຫ້ກັບ 3 ບ້ານທີ່ຖືກຈັດສັນຍົກຍ້າຍມາຢູ່ ຮ່ວມກັນຢູ່ເຂດບ້ານແສນເງິນຂອງ ເມືອງໃໝ່, ໂດຍການຕ້ອນຮັບຂອງ ທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ, ທ່ານ ສົມຈິດ ສິດທິວົງເຈົ້າເມືອງໆໃໝ່, ພ້ອມດ້ວຍຄະນະຮັບຜີດຊອບຈັດສັນຍົກຍ້າຍບ້ານແລະອົງການປົກ ຄອງບ້ານພ້ອມດ້ວຍປະຊາຊົນ 3 ບ້ານດັ່ງກ່າວ.

 ທ່ານ ອູ່ຄຳ ຕຸລາພັນ ຮອງຫົວ ໜ້າຫ້ອງວ່າການແຂວງ, ທັງເປັນຄະນະຮັບຜີດຊອບ, ຫົວໜ້າກອງເລຂາຈັດສັນຍົກຍ້າຍ, ຜູ້ປະຈຳການພາກສະໝາມກໍ່ໄດ້ລາຍງານ ຫຍໍ້ກ່ຽວກັບສະພາບການຍົກຍ້າຍ ແລະຈັດສັນບ້ານ. ການຍົກຍ້າຍ ແລະຈັດສານບ້ານໃນຄັ້ງນີ້ແມ່ນ ປະກອບມີ 3 ບ້ານຄື: ບ້ານແສນ ເງິນ, ບ້ານກຸງຮະ ແລະບ້ານຫຍ້າ ຍຸງ. ຊຶ່ງຈະມາເຕົ່າໂຮມກັນຢູ່ເຂດຈັດສັນຊຶ່ງເປັນຈຸດໃຈກາງຂອງ ທັງ 3 ບ້ານ. ຊຶ່ງບ້ານແສນເງິນ ເປັນບ້ານຊົນເຜົ່າອາຄາມີ 38 ຫຼັງຄາ, 41 ຄອບຄົວ, ມີພົນລະເມືອງທັງໝົດ 174 ຄົນ, ຍິງ 83 ຄົນ, ແຕ່ບ້ານເກົ່າມາຫາຈຸດກຳນົດ ເຕົ້າໂຮມ 5 ກິໂລແມັດ. ບ້ານກຸງ ຮະເປັນຊົນເຜົ່າກຶມມຸມີ 26 ຫຼັງຄາ, 35 ຄອບຄົວ, ມີພົນລະມືອງທັງໝົດ 444 ຄົນ, ຍິງ 230 ຄົນ, ແຕ່ບ້ານ ເກົ່າມາຫາຈຸດກຳນົດເຕົ້າໂຮມ 1 ກິໂລແມັດ ແລະບ້ານຫຍ້າຍຸງເປັນຊົນເຜົ່າອາຄາມີ 70 ຫຼັງຄາ, 90 ຄອບຄົວ, ມີພົນລະເມືອງທັງໝົດ 444 ຄົນ, ຍິງ 73 ຄົນ. ລວມທັງ 3 ບ້ານ 134 ບ້ານ, 166 ຄອບຄົວ, ມີ ພົນລະເມືອງ 759 ຄົນ, ຍິງ 386 ຄົນ. ຊຶ່ງການຍົກຍ້າຍແມ່ນໄດ້ເລີ່ມມາແຕ່ວັນທີ່ 15 ກຸມພາ 2020 ແລະມາຮອດປະຈຸບັນແມ່ນສຳເລັດແລ້ວ 78% ແລະຄາດວ່າຈະສຳເລັດໃນການຍົກຍ້າຍ 100% ໃນກາງເດືອນມີນາ 2020 ນີ້.

  ເງິນທີ່ນຳມາມອບໃຫ້ກັບ 3 ບ້ານທີ່ຖືກຍົກຍ້າຍໃນຄັງນີ້ມູນຄ່າ 200 ລ້ານກີບ, ມອບໃຫ້ກອງບັນ ຊາກັນທະຫານເມືອງໃໝ່ 70 ລ້ານ ກີບ ແລະບ້ານປາງໄຮເໝືອທີ່ຈະຍົກຍ້າຍບ້ານມາຮ່ວມກັບບ້ານ ປາກແພຈຳນວນ 50 ລ້ານກີບ ໂດຍການກ່າວມອບຂອງ ທ່ານ ພົຕວົງຄຳ ພົມມະກອນ ຄະນະປະຈຳ ພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ ກະຊວງປ້ອງກັນປະເທດ ແລະກ່າວ ຮັບໂດຍແມ່ນ ທ່ານ ສົມຈິດ ສິດທິ ວົງ ເຈົ້າເມືອງໆໃໝ່, ມີທ່ານ ທອງ ສີ ເສົາສຸລິພົມ ຮອງເຈົ້າແຂວງຜົ້ງ ສາລີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

 ໃນໂອກາດກາດນີ້ທ່ານຫົວໜ້າ ກົມໃຫຍ່ພະລາທິການກອງທັບກະຊວງປ້ອງກັນປະເທດຍັງໄດ້ເຂົ້າ ພົບທ່ານຄຳຜອຍ ວັນນະສານ ເຈົ້າແຂວງໆຜົ້ງສາລີທີ່ຫ້ອງປະຊຸມຊັ້ນ 4 ຂອງຫ້ອງວ່າການປົກຄອງ ແຂວງ ທີ່ເທດສະບານແຂວງແຫ່ງ ໃໝ່ ເມືອງບູນເໜືອ ເພື່ອແຈ້ງຈຸດປະສົງໃນການມາເຄື່ອນໄຫວຢູ່ ແຂວງຜົ້ງສາລີ ໂດຍສະເພາະແມ່ນ ການມອບເງິນຈຳນວນ 200 ລ້ານ ກີບໃຫ້ກັບ 3 ບ້ານທີ່ໄດ້ຈັດສັນຍົກຍ້ານບ້ານມາໂຮມເຂົ້າກັນ. ພ້ອມກັນນັ້ນທ່ານຫົວໜ້າກົມໃຫຍ່ພະລາ ທິການກອງທັບກະຊວງປ້ອງກັນປະເທດຍັງໄດ້ລົງເຄື່ອນໄຫວຕິດ ຕາມໂຄງການກໍ່ສ້າງສຳນັກງານ ກອງບັນຊາກັນທະແຂວງຜົ້ງສາລີຊຶ່ງມາຮອດປະຈຸບັນໂຄງການດັ່ງ ກ່າວແມ່ນປະຕິບັດໄດ້ສຳເລັດແລ້ວ 8%.

-----

ໂດຍ: ແສງຄຳ ສາລີວັນ

แชร์