ກອງປະຊຸມໃຫຍ່ຄັ້ງທີ VIII ອົງຄະນະພັກ ນະຄອນໄກສອນພົມວິຫານ

 ກອງປະຊຸມໃຫຍ່ຄັ້ງທີ VIII ອົງຄະນະພັກນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ໄຂຂຶ້ນຢ່າງເປັນທາງການໃນລະຫວ່າງວັນທີ 3-4 ມີນາ 2020 ທີ່ສະໂມສອນ ນະຄອນໄກສອນ ພົມວິຫານ ແຂວງສະຫວັນນະເຂດ. ໃຫ້ກຽດເປັນປະທານຂອງແມ່ນ ສະຫາຍ ສັນຕິພາບ ພົມວິຫານ ກຳມະການສູນກາງພັກ ເລຂາພັກ ແຂວງເຈົ້າແຂວງສະຫວັນນະເຂດ, ສະຫາຍ ປອ ແສງທອງ ວັງແກ້ວມະນີ ວ່າການ ເລຂາພັກ ນະຄອນເຈົ້ານະຄອນໄກສອນ ພົມວິ ຫານ ພ້ອມດ້ວຍຄະນະນຳນະຄອນ, ແຂກຖືກ ເຊີນ ແລະຜູ້ແທນສົມບູນຈຳນວນ 175 ສະຫາຍ ຍິງ 45 ສະຫາຍເຂົ້າຮ່ວມ.

 ສະຫາຍ ປອ ແສງທອງ ວັງແກ້ວມະນີ ໄດ້ຜ່ານບົດລາຍງານການເມືອງພາກ I ແລະພາກ II ວ່າ: ໃນໄລຍະ 5 ປີຜ່ານມາ, ສະພາບການຈັດຕັ້ງປະຕິບັດມະຕິ, ຄຳສັ່ງຕ່າງໆຂອງພັກກໍ່ ຄືມະຕິກອງປະຊຸມໃຫຍ່ ຄັ້ງທີ VII ອົງຄະນະພັກນະຄອນພວກເຮົາ ໄດ້ມີຂໍ້ສະດວກ ແລະສິ່ງ ເອື້ອອຳນວຍ, ປະຊາຊົນມີຄວາມເຊື່ອໝັ້ນຕໍ່ການ ນຳພາຂອງພັກ, ທາງດ້ານການເມືອງມີຄວາມ ສະຫງົບ, ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານສາມາດຮັບຮອງ ແລະປະ ກາດເປັນນະຄອນໃນວັນທີ 25 ພຶດສະພາ 2018, ວຽກງານປ້ອງກັນຊາດ-ປ້ອງກັນ ຄວາມສະຫງົບໄດ້ປັບປຸງກໍ່ສ້າງກຳລັງກອງຫຼອນບ້ານໄດ້ກາຍເປັນກຳລັງທີ່ມີຄວາມໜັກແໜ້ນ, ປະສານສົມທົບກັບກຳລັງທະຫານຊາຍ ແດນແມ່ນ້ຳຂອງ ເພື່ອຕ້ານປະກົດການຫຍໍ້ທໍ້ທີ່ ເກີດຂຶ້ນໄດ້ຢ່າງທັນການ, ປະຕິບັດແຜນສ້າງບ້ານປ້ອງກັນຊາດເຂັ້ມແຂງໄດ້ 100%,ປະຕິບັດແຜນສ້າງບ້ານປ້ອງກັນຄວມສະຫງົບສຳເລັດ 100%.ວຽກງານພັດທະນາເສດຖະກິດ-ສັງຄົມ, ໃນໄລຍະ 5 ປີຜ່ານມາ ເສດຖະກິດຂະ ຫຍາຍຕົວຢ່າງຕໍ່ເນື່ອງສະເລ່ຍ 10,22%, ລວມຍອດຜະລິດຕະພັນພາຍໃນບັນລຸໄດ້ 2.865,62 ຕື້ກີບ, ສະເລ່ຍໃສ່ພົນລະເມືອງໄດ້ 21,42 ລ້ານກີບ ຫຼື ເທົ່າກັບ 2.550 ໂດລາຕໍ່ ຄົນຕໍ່ປີ, ການຜະລິດກະສິກຳໄດ້ຫັນໄປຕາມທິດ ຍືນຍົງ ແລະຜະລິດເປັນສິນຄ້າເປັນຕົ້ນການຜະລິດເຂົ້ານາປີ ແລະນາແຊງ ຊຶ່ງໃນປີ 2019 ຜ່ານມາໄດ້51.605,85 ໂຕນເທົ່າກັບ 74,66% ຂອງແຜນການ, ດ້ານການພັດທະນາ ມາດຕະຖານດຳລັດ 309/ນຍ, ເພີ່ມຂຶ້ນຈາກ 15 ບ້ານ ລວມເປັນ 62 ບ້ານ, ລື່ນຄາດໝາຍ 27 ບ້ານ, ສ້າງບ້ານໃຫຍ່ຄ້າຍຄືຕົວເມືອງນ້ອຍໄດ້ 7 ບ້ານ, ມີບ້ານບັນລຸມາດຕະຖານພັດທະນາ 30 ບ້ານ, ຊຸກຍູ້ສົ່ງເສີມສ້າງຕັ້ງກອງທຶນພັດ ທະນາບ້ານ 29 ບ້ານ, ຫົວໜ່ວຍອຸດສາຫະກຳ ຂະໜາດນ້ອຍ-ຂະໜາດກາງ(SME) ໄດ້ເພີ່ມ ຂຶ້ນຈາກ 423 ຫົວໜ່ວຍມາເປັນ 450 ຫົວໜ່ວຍ, ລວມມູນຄ່າການ ລົງທຶນທັງໝົດ 2.868,59 ຕື້ ກີບ. ດ້ານການພັດທະນາພື້ນຖານໂຄງລ່າງໃນ ທົ່ວນະຄອນດີຂຶ້ນ, ເດັ່ນກວ່າໝູ່ແມ່ນໃນຕົວນະຄອນ ໄດ້ມີການປັບປຸງໂຄງລ່າງເສັ້ນທາງ, ແສງສະຫວ່າງ, ສວນສາທາລະນະ, ລະບົບ ກຳຈັດຂີ້ເຫຍື້ອ ແລະສິ່ງສາທາລະນຸປະໂພກ ຕ່າງໆ, ສ້າງທາງເບຕົງໃນນະຄອນໄດ້ 13 ເສັ້ນ, ມູນຄ່າ 251 ຕື້ກີບ. ດ້ານການຂຸດຄົ້ນລາຍຮັບ ເຂົ້າງົບປະມານເພີ່ມຂຶ້ນພາຍໃນ 5 ປີ ສາມາດປະຕິບັດໄດ້ 101,59 ຕື້ກີບ, ທຽບໃສ່ທີ່ແຂວງ ມອບໃຫ້ປະຕິບັດໄດ້ 83,61%, ທຽບໃສ່ກອງ ປະຊຸມໃຫຍ່ຄັ້ງທີ VII ເພີ່ມຂຶ້ນ 58,83%. ນອກນັ້ນ, ວຽກງານອື່ນໆກໍ່ໄດ້ຖືກລາຍງານຢ່າງລະອຽດໃນກອງປະຊຸມຄັ້ງນີ້ດ້ວຍ.

  ກອງປະຊຸມຄັ້ງນີ້, ຍັງໄດ້ບັນດາປ່ອນບັດ ຄັດເລືອກເອົາຄະນະບໍລິຫານງານພັກນະຄອນ ໄກສອນ ພົມວິຫານ ຊຸດທີ VIII ມີຜູ້ສະໝັກຮັບ ເລືອກຕັ້ງຈຳນວນ 29 ສະຫາຍ ຍິງ 7 ສະຫາຍ, ເລືອກເອົາ 25 ສະຫາຍ ເຂົ້າໃນອົງປະກອບຄະນະພັກ ນະຄອນ ໄກສອນ ພົມວິຫານ ຄັ້ງທີ VIII ຊຶ່ງເລືອກເອົາ ສະຫາຍ ປອ ແສງທອງວັງ ແກ້ວມະນີ ເປັນເລຂາພັກນະຄອນ ໄກສອນ ພົມວິຫານ, ສະຫາຍ ກຸນາ ເຫືຼ່ອມເທພາ ແລະສະຫາຍ ນາງ ບຸນທະລັງສີ ຄຳມະນີວົງ ເປັນຮອງ ເລຂາ, ສະຫາຍ ສົມໝາຍ ສົງວິໄລ, ສະຫາຍ ພັທ ຄຳສີ ທູນທະວົງສັກ, ສະຫາຍ ສີທາ ສົງວິໄລ ແລະສະຫາຍ ບຸນຍໍ ວໍລະສັກສິດ ເປັນຄະນະ ກຳມະການປະຈຳພັກນະຄອນໄກສອນ ພົມວິ ຫານ ແລະ 18 ສະຫາຍ ແມ່ນກຳມະການພັກນະຄອນໄກສອນ ພົມວິຫານ. ພ້ອມນັ້ນ, ກອງປະຊຸມຍັງໄດ້ຕົກລົງເຫັນດີເລືອກປະທານ ແລະ ຮອງປະທານກວດກາຄະນະພັກນະຄອນ ຊຶ່ງ ໄດ້ຕົກລົງເຫັນດີເລືອກເອົາ ສະຫາຍ ນາງ ບຸນ ທະລັງສີ ຄຳມະນີວົງ ເປັນປະທານກວດກາພັກ, ສະຫາຍ ນາງ ຈັນທະນາ ຄຳວິໄລ ແລະສະຫາຍ ອິນປົງ ປໍວໍລະເດດ ເປັນຮອງປະທານກວດກາພັກ ນະຄອນ ໄກສອນ ພົມວິຫານ.

--------

ໜັງສືພິມເສດຖະກິດ-ສັງຄົມ

แชร์