ນັກລົງທຶນການາດາ ສົນໃຈລົງທຶນຢູ່ຊຽງຂວາງ

 ທ່ານ ທີໂມທີ ເອັດເວີດ ອຸປະທູດການາດາ ຫົວໜ້າຫ້ອງການຕາງໜ້າການທູດການາດາປະຈຳ ສປປ ລາວ ພ້ອມດ້ວຍຄະນະໄດ້ເຂົ້າພົບປະທ່ານ ບົວສອນ ສີນວນທອງ ຮອງເຈົ້າແຂວງໆ ຊຽງຂວາງ ພ້ອມດ້ວຍຄະນະໃນວັນທີ 9 ມີນາ 2020 ທີ່ຫ້ອງວ່າການແຂວງເຊິ່ງທ່ານຮອງເຈົ້າແຂວງຊຽງຂວາງ ກໍ່ໄດ້ລາຍງານການພັດທະນາເສດ ຖະກິດ-ສັງຄົມ ຫຼັງປົດປ່ອຍມາເຖິງປະຈຸບັນທ່ານໄດ້ກ່າວວ່າຜ່ານມາລັດຖະບານການາດາໄດ້ໃຫ້ການຊ່ວຍເຫຼືອແກ່ປະເທດລາວໃນນັ້ນແຂວງຊຽງຂວາງກໍນອນຢູ່ໃນທຶນການຊ່ວຍເຫຼືອເປັນຕົ້ນແມ່ນຊ່ວຍເຫຼືອດ້ານວຽກງານເກັບກູ້ ແລະທຳລາຍລະເບີດທີ່ບໍ່ທັນແຕກທີ່ຕົກຄ້າງຢູ່ຕາມພື້ນທີ່ຕ່າງໆ, ຟື້ນຟູຄຸນນະພາບຊີວິດແກ່ຜູ້ທີ່ຖືກອຸປະຕິ ເຫດຈາກລະເບີດແລະວຽກງານອື່ນໆ ແຂວງກໍຄືປະຊາຊົນຊາວຊຽງຂວາງຂໍຂອບໃຈຕໍ່ການຊ່ວຍເຫຼືອຕະຫຼອດມາ.

 ໂອກາດນີ້ທ່ານອຸປະທູດການາດາຫົວໜ້າຫ້ອງການຕາງໜ້າການທູດການາດາປະຈຳ ສປປ ລາວ ກໍ່ໄດ້ກ່າວລາຍງານຈຸດປະສົງຂອງການມາຢ້ຽມຢາມແຂວງຊຽງຂວາງເພື່ອຕິດຕາມສະພາບການພັດທະນາເສດຖະກິດເພື່ອພິຈາລະນາໃຫ້ການສະໜັບສະໜູນແກ່ໂຄງການພັດທະນາແບບຍືນຍົງໃນ ສປປ ລາວ ໂດຍສະເພາະແມ່ນການຍົກສູງຂີດຄວາມສາມາດດ້ານວຽກງານພາສີ ແລະ ຄວາມປອດໄພລຽບຕາມຊາຍແດນຂອງແຂວງ, ໃຫ້ທຶນຊ່ວຍເຫຼືອໂດຍຜ່ານອົງການອາຫານໂລກ ແລະ ອົງການອື່ນໆ, ເກັບກຳຂໍ້ມູນຄວາມເປັນໄປໄດ້ໃນການລົງທຶນໃສ່ຂົງເຂດວຽກງານຕ່າງໆ ຂອດຂັ້ນຕອນການລົງທຶນເນື່ອງຈາກນັກລົງທຶນຊາວການາດາມີຄວາມສົນໃຈເຂົ້າມາລົງທຶນຢູ່ ສປປ ລາວ ໂດຍສະເພາະແມ່ນແຂວງຊຽງຂວາງໂດຍແນໃສ່ເຕັກໂນໂລຊີສະອາດ, ໂຄງລ່າງພື້ນຖານ, ບຳບັດນໍ້າເປືອນ, ໄຟຟ້າ ແລະວຽກງານກະສິກຳ.

 _________________

#ຂຽນໂດຍ: ບຸນມີ ແສງທຸມມີ      
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์