2019 ເຊກອງເກັບລາຍຮັບໄດ້ 92,44% ຂອງແຜນການສ່ວນຕົວເລກປີນີ້ເພີ່ມຂື້ນ 15%

  ການເກັບລາຍຮັບເຂົ້າງົບປະມານຂອງແຂວງເຊກອງໃນປີ 2019 ຜ່ານມາ (ພູດຂອງທ້ອງຖິ່ນ) ປະຕິບັດໄດ້ທັງໝົດ 66,48ຕື້ກີບເທົ່າກັບ 92,44% ຂອງແຜນ ໂດຍລາຍຮັບສ່ວນໃຫຍ່ມາຈາກສ່ວຍສາອາກອນປະຕິບັດໄດ້ 56 ຕື້ກີບ, ຂະນະທີ່ຄາດໝາຍລາຍຮັບປີ 2020 ທີ່ກະຊວງການເງິນຈະມອບໃຫ້ເບື້ອງຕົ້ນ 82,61 ຕື້ກີບທຽບໃສ່ແຜນປີ 2019 ເພີ່ມຂຶ້ນ 15% ເປັນເງິນ 10,69 ຕື້ກີບ.

   ຕາມການລາຍງານຂອງທ່ານ ຄໍາຮູ້ ອ່ອນມະນີ ຫົວໜ້າພະແນກການເງິນແຂວງເຊກອງໃຫ້ຮູ້ວ່າ: ການຈັດຕັ້ງປະຕິບັດແຜນງົບປະມານຂອງແຂວງເຊກອງໃນປີ 2019 ເຫັນວ່າເພີ່ມຂຶ້ນຖ້າທຽບໃສ່ຄາດໝາຍປີ 2018, ຊຶ່ງລາຍຮັບງົບປະມານປີ2019 ທີ່ກະຊວງການເງິນແຈ້ງໃຫ້ປະຕິບັດ 71,92 ຕື້ກີບ,ແຕ່ຜ່ານການປະຕິບັດຕົວຈິງໄດ້ທັງໝົດ 66,48 ຕື້ກີບ ເທົ່າກັບ92,44% ໃນນີ້ປະກອບມີລາຍຮັບຈາກສ່ວຍສາອາກອນ 56 ຕື້ກີບເທົ່າກັບ 87,48% ຂອງແຜນການ ແລະຮອງມາແມ່ນລາຍຮັບຈາກຊັບສິນປະຕິບັດໄດ້ 10,48 ຕື້ກີບເທົ່າກັບ 132,67% ແລະລາຍຮັບພູດສູນກາງປະຕິບັດໄດ້ 6,78 ຕື້ກີບ ເທົ່າກັບ82,97% ຂອງແຜນການປີ.

   ສໍາລັບລາຍຈ່າຍງົບປະມານແຂວງເຊກອງມີແຜນລາຍຈ່າຍໃນປີ 2019 ທັງໝົດ 404,66 ຕື້ກີບ,

ສະໜັບສະໜູນໂດຍ: HONDA

 ການປະຕິບັດຕົວຈິງແມ່ນມີທັງໝົດ 532,46 ຕື້ກີບ ເທົ່າກັບ 96% ໃນນີ້ມີລາຍຈ່າຍງົບປະມານປີ 2019 379,31 ຕື້ກີບ ເທົ່າກັບ96%; ລາຍຈ່າຍເຄື່ອນຍ້າຍໃຫ້ສູນກາງ 15,78 ຕື້ກີບ ເທົ່າກັບ 193% ແລະແຂວງຈ່າຍເຄື່ອນຍ້າຍຕາມແຜນປີໃຫ້ເມືອງຂາດດຸ່ນ 134,96 ຕື້ກີບ.

  ທ່ານຫົວໜ້າພະແນກການເງິນແຂວງເຊກອງຍັງໃຫ້ຮູ້ອີກວ່າ: ຄາດໝາຍລາຍຮັບປີ 2020 ທີ່ກະຊວງການເງິນຈະມອບໃຫ້ເບື້ອງຕົ້ນແມ່ນ 82,61 ຕື້ກີບ ທຽບໃສ່ ປີ 2019 ແມ່ນເພີ່ມຂຶ້ນ 15% ເປັນເງິນ 10,69 ຕື້ກີບ ໃນນີ້ລາຍຮັບຈາກສ່ວຍສາອາກອນ74,50 ຕື້ກີບເພີ່ມຂຶ້ນ 16%; ຊັບສິນຂອງລັດ 7,90 ຕື້ກີບ ເພີ່ມຂຶ້ນ 3% ສ່ວນລັດວິສາຫະກິດຍັງຄົງທີ່ 0,005 ຕື້ກີບ.

____________

#ຂຽນໂດຍ: ສັນຍາ    
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์