ສະເປຊເອັຊໄດ້ຮັບອະນຸຍາດເຊົ່າສະຖານທີ່ສ້າງໂຮງງານ ຜະລິດຈະຫຼວດ

  ເມື່ອບໍ່ດົນມານີ້ສະພາເທດສະບານເມືອງລອສແອນເຈລິສໄດ້ ອະນຸມັດໃບອະນຸຍາດໃຫ້  SpaceX ເຊົ່າດິນທ່າເຮືອລອສແອນເຈລິສຂະໜາດ 19 ເຮັກຕາ (48 ໄລ່)ໂດຍມີຄ່າເຊົ່າເລີ່ມຕົ້ນທີ່ 1,7 ລ້ານ ໂດລາສະຫະລັດຕໍ່ປີ ແລະຈະເພີ່ມ ຂຶ້ນເປັນລາຍປີ ຊຶ່ງຄາດວ່າຕະ ຫຼອດສັນຍາ 20 ປີ ຈະຕ້ອງຈ່າຍ ເຖິງ 52,8 ລ້ານໂດລາ ຊຶ່ງບໍລິສັດ ອາດຫັກຄ່າໃຊ້ຈ່າຍ 44,1 ລ້ານໂດລາຈາກເຄຣດິດຜູ້ເຊົ່າສຳລັບການ ປັບປຸງອະສັງຫາລິມະຊັບ.

 ໂຮງງານແຫ່ງໃໝ່ໃນເມືອງລອສແອນເຈລິສຖືກວາງແຜນໄວ້ ສຳລັບສ້າງຈະຫຼວດລຸ້ນໃໝ່ທີ່ເອີ້ນ ວ່າ Starship ຊຶ່ງໄດ້ຮັບການພັດທະນາທີ່ສູນ SpaceX  ໃນເທກຊັສ ແລະຟລໍຣິດາ ແຕ່ສະຖານທີ່ແຫ່ງ ໃໝ່ຈະເພີ່ມປະສິດທິພາບໃນການເຮັດວຽກຂອງ SpaceX ໄດ້ຫຼາຍຂຶ້ນເພາະຢູ່ຫ່າງຈາກສຳນັກງານ ໃຫຍ່ຢູ່ໃນເມືອງ Hawthorn ລັດ ແຄລິຟໍເນຍໄລຍະທາງປະມານ 20 ໄມລ (32 ກິໂລແມັດ) ຊຶ່ງພະນັກ ງານສ່ວນໃຫຍ່ຂອງບໍລິສັດເຮັດວຽກຢູ່ທີ່ນັ້ນຫຼາຍກວ່າ 6 ພັນຄົນ ສະຖານທີ່ແຫ່ງໃໝ່ເປັນທ່າເຮືອເກົ່າ ຊຶ່ງ  SpaceX ຈະຕ້ອງເຂົ້າໄປສ້ອມ ແປງໂຄງສ້າງທີ່ມີຢູ່  ແລະສ້າງໂຮງ ງານຜະລິດຈະຫຼວດໃຫ້ມີໂຄງສ້າງຄ້າຍຄືເຕັ້ນຂະໜາດໃຫຍ່ແບບດຽວ ກັບທີ່ Tesla ໃຊ້ຜະລິດລົດເມື່ອ ບໍ່ທໍ່ໃດປີທີ່ຜ່ານມາ ແລະຈະເລ່ງ ສ້າງພາຍໃນ 90 ວັນເພື່ອເປີດໂຕ.

ທີ່ສຳຄັນອີກກໍຄືໂຮງງານຢູ່ທີ່ທ່າເຮືອເມື່ອຜະລິດຈະຫຼວດແລ້ວ ສາມາດຂົນຍ້າຍໄປທາງນໍ້າໄດ້ທັນ ທີເພື່ອສົ່ງກົງໄປຍັງຟລໍຣິດາຖານ ເປີດໂຕປະຈຸບັນSpaceX ຂົນສົ່ງຈະຫຼວດ Falcon 9 ດ້ວຍລົດບັນທຸກຂະໜາດຍາວພິເສດແຕ່ສຳລັບ Starship ແລະຕົວບຸສເຕີ Super Heavy ຈະໃຫຍ່ເກີນທີ່ຈະຂົນຍ້າຍດ້ວຍລົດບັນທຸກດັ່ງນັ້ນໂຮງ ງານແຫ່ງໃໝ່ເໝາະກັບການຂົນສົ່ງທາງນໍ້າອີກດ້ວຍ.

-----

ໜັງສືພິມເສດຖະກິດ-ສັງຄົມ

แชร์