ສຶກສາເມືອງລະມາມ ປາຖະກະຖາວັນແມ່ຍິງສາກົນ

  ເມື່ອອາທິດຜ່ານມາທີ່ສະໂມ ສອນຫ້ອງວ່າການປົກຄອງເມືອງ ໄດ້ຈັດພິທີປາຖະກະຖາເລົ່າມູນເຊື້ອ ປະຫວັດຄວາມເປັນມາຂອງວັນແມ່ຍິງສາກົນ ຄົບຮອບ 110 ປີ (8/ 3/1910–8/3/2020), ໂດຍ ການເປັນປະທານຂອງທ່ານ ນາງ ພອນໄພ ສີວິໄລ ຄະນະບໍລິຫານ ງານສະຫະພັນແມ່ຍິງເມືອງ, ທ່ານ ນາງ ຈັນສະໃໝ ວົງວິກາ ປະທານ ສະຫະພັນແມ່ຍິງເມືອງ, ມີຄະນະບໍລິຫານງານສະຫະພັນແມ່ຍິງ, ປະທານສະຫະພັນແມ່ຍິງໜ່ວຍຮາກຖານສຶກສາທິການ ແລະກີລາເມືອງ, ອຳນວຍການໂຮງຮຽນພ້ອມດ້ວຍ ພະນັກງານຄູ-ອາຈານເຂົ້າຮ່ວມ.

 ທ່ານ ນາງ ແກ້ວນາລີ ໄຊຍະລິນ ປະທານສະຫະພັນແມ່ຍິງໜ່ວຍ ຮາກຖານສຶກສາທິການ ແລະກີລາ ເມືອງກໍ່ໄດ້ໃຫ້ກຽດຂຶ້ນຜ່ານເນື້ອ ໃນເອກະສານປະຫວັດຄວາມເປັນມາຂອງວັນແມ່ຍິງສາກົນ, ຊຶ່ງຍົກ ໃຫ້ເຫັນເຖິງຕົ້ນກຳເນີດ ແລະການ ເຕີບໃຫຍ່ຂະຫຍາຍຕົວຂອງຂະບວນການແມ່ຍິງສາກົນ, ໃນໄລຍະກ່ອນພາຍໃຕ້ລະບອບສັກດີນາ ແລະ ນາຍທຶນປົກຄອງ, ໃນໄລຍະນັ້ນ ແມ່ຍິງແມ່ນຖືກກົດຂີ່ຂູດຮີດຢ່າງ ໜັກໜ່ວງ, ເຮັດວຽກມື້ໜຶ່ງຫຼາຍຊົ່ວ ໂມງແຕ່ໄດ້ຮັບຄ່າຈ້າງແຮງງານ ດ້ວຍລາຍຄ່າຖືກ, ເຮັດວຽກບໍ່ມີ ການຮັບປະກັນ, ບໍ່ມີລະບອບປົກ ປັກຮັກສາສຸຂະພາບຂອງແມ່ຍິງ ແລະເດັກນ້ອຍ, ນອກຈາກນັ້ນແມ່ ຍິງຍັງຖືກດູຖູກໝິ່ນປະໝາດ, ຖື ເປັນສິ້ນຄ້າ, ເປັນເຄື່ອງຫຼິ້ນ ແລະ ຖືກທຸບຕີທໍລະມານ, ມາໃນວັນທີ 8 ມີນາ 1899 ແມ່ຍິງຈໍານວນ 15 ພັນຄົນ ໄດ້ເດີນຂະບວນຢູ່ເມືອງ ນິວຢອກເພື່ອທວງໃຫ້ນາຍທຶນຫຼຸດ ຜ່ອນຊົ່ວໂມງເຮັດວຽກຢຸດເຊົາ ການຂຸດຮິດແຮງງານເດັກ ແລະ ທວງໃຫ້ແມ່ຍິງມີສິດໃນການອອກ ສຽງເລືອກຕັ້ງ ຊຶ່ງການເດີນຂະບວນຄັ້ງນີ້ພາຍໄຕ້ຄໍາຂັວນ (ເຂົ້າຈີ່ ແລະດອກກຸຫຼາບ) ເຂົ້າຈີ່ໝາຍ ເຖິງເສດຖະກິດດີຂຶ້ນ: ດອກກຸຫຼາບ ໝາຍເຖິງຄຸນນະພາບຊີວິດດີຂຶ້ນ.

 ຕໍ່ສະພາບການດັ່ງກ່າວທີ່ທົນກັບການກົດຂີ່ຂູດຮີດຂອງພວກສັກດີນາ ແລະນາຍທຶນບໍ່ໄດ້, ຂະບວນການແມ່ຍິງທີ່ເປັນກຳມະກອນຊາວ ຜູ້ອອກແຮງງານໃນໂຮງຈັກ, ໂຮງ ງານຕ່າງໆ ຈຶ່ງໄດ້ພ້ອມກັນລຸກຮື້ ຂຶ້ນຕໍ່ສູ້ທວງເອົາສິດຜົນປະໂຫຍດ ອັນເປັນທຳ, ໃຫ້ແກ່ແມ່ຍິງຊາວຜູ້ ອອກແຮງງານໃນທົ່ວໂລກ,ກໍ່ຄືແມ່ ຍິງລາວບັນດາເຜົ່າ, ເພື່ອປົດປ່ອຍຕົນເອງ ແລະທວງໃຫ້ມີສິດສະເໝີພາບ, ປະຊາທິປະໄຕ ຄືກັນກັບຜູ້ ຊາຍ, ທວງໃຫ້ພວກນາຍທຶນແກ້ໄຂ ຊີວິດການເປັນຢູ່ໃຫ້ດີຂຶ້ນພາຍໃຕ້ ຄຳຂວັນທີ່ວ່າ: ຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ຍິງ ແລະຜູ້ຊາຍ ເຮັດວຽກຄືກັນຕ້ອງໄດ້ຮັບເງິນ ເດືອນເທົ່າກັນ, ຕ້ອງມີລະບົບປ້ອງ ກັນສຸຂະພາບແມ່ຍິງ ແລະເດັກນ້ອຍ, ຕ້ານສົງຄາມຮຸກຮານ ແລະປົກປັກ ຮັກສາສັນຕິພາບຂອງໂລກ.

 ສະນັ້ນກໍ່ເພື່ອເຮັດໃຫ້ເອື້ອຍນ້ອງແມ່ຍິງເຮົາຮູ້ເຖິງມູນເຊື້ອອັນ ດີງາມ ແລະໝາກຜົນຄວາມສຳ ເລັດ, ຄວາມສາມັກຄີອັນປືກແຜ່ນ ແລະແບບແຜນການນຳພາອັນສະຫຼາດສອງໃສຂອງແມ່ຍິງໃນໄລຍະ ກ່ອນນັ້ນຫຼຸດພົ້ນຈາກການກົດຂີ່ຂູດ ຮີດ.

-----

ໜັງສືພິມເສດຖະກິດ-ສັງຄົມ

แชร์