ອັງກິດສືບຕໍ່ໃຫ້ທຶນຊ່ວຍເຫຼືອວຽກງານເກັບກູ້ລະເບີດ

 ທ່ານ ຈອນ ເພຍເຊິນ (John Pcarson) ເອກອັກຄະລັດຖະທູດ ແຫ່ງສະຫະລາຊະອານາຈັກ ອັງກິດ ແລະອຽກລັງເໜືອປະຈຳ ສປປ ລາວ ພ້ອມດ້ວຍຄະນະໄດ້ ເຂົ້າພົບປະທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງ ພ້ອມດ້ວນຄະນະໃນວັນທີ 6 ມີນາ 2020 ທີ່ຫ້ອງວ່າການແຂວງໃນ ໂອກາດດັ່ງກ່າວທ່ານເຈົ້າແຂວງໆ ຊຽງຂວາງ ກໍ່ໄດ້ລາຍງານວຽກ ງານການເກັບກູ້ລະເບີດຢູ່ແຂວງ ຊຽງຂວາງ ໂດຍສະເພາະແມ່ນທຶນ ຊ່ວຍເຫຼືອຈາກລັດຖະບານກໍ່ຄືປະຊາຊົນຊາວອັງກິດການຊ່ວຍເຫຼືອ ນັ້ນໄດ້ເຮັດໃຫ້ຕົວເລກອຸບັດເຫດ ຈາກລະເບີດບໍ່ທັນແຕກໄດ້ຫຼຸດລົງ ໃນແຕ່ລະປີ, ປະຊາຊົນໄດ້ຮັບຮູ້ເຖິງ ຜົນຮ້າຍ ແລະຄວາມສ່ຽງຕໍ່ກັບອຸບັດເຫດດັ່ງກ່າວແຂວງກໍ່ຄືປະຊາຊົນຊາວຊຽງຂວາງສະແດງ ຄວາມຂອບໃຈຕໍ່ການຊ່ວຍເຫຼືອ ຕະຫຼອດມາຈະຈື່ຈຳໄວ້ໃນດວງໃຈ ຕະຫຼອດໄປໂອກາດນີ້ທ່ານ ຈອນ ເພຍເຊິນ (John Pcarson) ເອກອັກຄະລັກຖະທູດ ແຫ່ງສະຫະລາຊະອານາຈັກອັງກິດ ແລະ ອຽກລັງເໜືອປະຈຳ ສປປ ລາວ ໄດ້ສະແດງຄວາມຂອບໃຈຕໍ່ການຕ້ອນຮັບພ້ອມທັງລາຍງານຈຸດປະສົງການມາຢ້ຽມຢາມແຂວງຊຽງ ຂວາງຄັ້ງນີ້ ເພື່ອກວດກາຕິດຕາມເບິ່ງບັນດາກິດຈະກຳທີ່ກຳລັງຈັດຕັ້ງປະຕິບັດພາຍໃຕ້ທຶນຊ່ວຍເຫຼືອຂອງລັດຖະບານອັງກິດເບິ່ງກິດຈະກຳກີລາຣັກບີ້ທີ່ໂຮງຮຽນ ມສ ໂພນສະຫວັນ,ສູນໂຮງຮຽນສອນ ພາສາອັງກິດໂລນບັບຟາໂລ, ຮັບຊົມຮູບເງົາຢູ່ຫໍພິພິຕະພັນແຂວງ, ອົງການເກັບກູ້ລະເບີດແມັກ, ທົ່ງ ໄຫຫີນ 2 ຊຶ່ງຜ່ານມາລັດຖະບານ ອັງກິດໄດ້ໃຫ້ທຶນຊ່ວຍເຫຼືອອົງການເກັບກູ້ລະເບີດແມັກປະຈຳ ລາວຈະໝົດທຶນໃນປີນີ້ ສະນັ້ນລັດຖະບານອັງກິດໄດ້ຕົກລົງສືບຕໍ່ໃຫ້ ທຶນເກັບກູ້ລະເບີດ, ທຶນສະໜັບສະໜູນໂຮງຮຽນໂລນບັບຟາໂລ, ທຶນ ກີລາຣັກບີ້ ແລະທຶນໄປສຶກສາຢູ່ປະເທດອັງກິດ

--------

ຂ່າວ: ບຸນມີ ແສງທຸມມີ

แชร์