ຖືເອົາການຕໍ່າຫູກເປັນອາຊີບກໍ່ພາໃຫ້ຊີວິດຄອບຄົວດີຂຶ້ນ

 ບໍ່ວ່າຈະຢຶດຖືອາຊີບຫຍັງກໍ່ແລ້ວແຕ່ຖ້າຫາກມີຄວາມດຸໝັ່ນ, ສື່ສັດ, ປະຫຍັດ ແລະອົດທົນກໍ່ຈະມັກເຮັດໃຫ້ຜົນໄດ້ຮັບ ແລະສິ່ງຕອບແທນທີ່ດີຕາມມາດັ່ງຄອບຄົວຂອງທ່ານ ນາງ ມະນີວັນ ອາຍຸ 41 ປີ ປະທານໜ່ວຍສະຫະພັນແມ່ຍິງ ບ້ານສີວິໄລ ເມືອງສາມັກຄີໄຊ ແຂວງອັດຕະປື ຊຶ່ງໄດ້ຖືກຄັດເລືອກເປັນຄອບຄົວຕົວແບບໃນການຜະ ລິດຫັດຖະກຳຕໍ່າຫູກເປັນສິນຄ້າເປັນສີນຄ້າຂອງເມືອງໄດ້ກ່າວຕໍ່ກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງສາມັກຄີໄຊກ່ຽວກັບຜົນສຳເລັດຂອງຕົນທີ່ເປັນແບບ ຢ່າງພາຍໃນບ້ານ ແລະເປັນຄອບຄົວຕົວແບບທີ່ໄດ້ຮັບຮອງຢັ້ງຢືນການຜະລິດເປັນສີນຄ້າໜຶ່ງເມືອງໜຶ່ງຜະລິດຕະພັນບວກກັບຄວາມຮັກມັກມີຄວາມກະຕືລືລົ້ນ, ຫ້າວ ຫັນໃນການພັດທະນາເສດຖະກິດຄອບຄົວຕາມແນວທາງນະໂຍບາຍຂອງພັກ ແລະລັດ.

 ນາງ ມະນີວັນ ກ່າວວ່າ ຄອບຄົວຂອງເພີ່ນມີສະມາຊິກທັງໝົດ 4 ຄົນ ຍິງ 1 ຄົນ ໃນນັ້ນມີແຮງ ງານສົມບູນ 3 ຄົນ ໄດ້ຢຶດຖືອາຊີບຕໍ່າຫູກເປັນຕົ້ນຕໍມາແຕ່ປີ 2002 ໂດຍໄດ້ນໍາໃຊ້ທຶນຂອງ ຕົນເອງລົງທຶນເບື້ອງຕົ້ນພຽງແຕ່ 8 ແສນກີບ ຜົນໄດ້ຮັບໃນໄລຍະນັ້ນກໍ່ພຽງແຕ່ໄດ້ໃຊ້ສອຍປະຈໍາວັນໃນຄອບຄົວເທົ່ານັ້ນການເປັນ ຢູ່ຂອງຄອບຄົວກໍ່ຍັງຂາດໆເຂີນໆ ເພາະການຕໍ່າຫູກໃນໄລຍະນັ້ນ ກໍ່ພຽງແກ້ໄຂບາງຢ່າງເທົ່ານັ້ນ ມາຮອດປີ 2005 ຕົນເອງໄດ້ປຶກ ສາກັບຄອບຄົວ ແລະຕັດສິນໃຈກູ້ຢືມເງິນຈາກກອງທຶນໝູ່ບ້ານ 1 ລ້ານກີບ, ບວກກັບຕົ້ນທຶນທີ່ ໄດ້ສະສົມຜ່ານມາ ເພື່ອເພີ່ມການ ຜະລິດປ່ຽນຈາກການຕໍ່າຫູກແບບ ປະຖົມປະຖານມາເປັນການຜະລິດຫຼາຍຂຶ້ນກວ່າເກົ່າແຕ່ກໍ່ຍັງບໍ່ພໍກັບຄວາມຮຽກຮ້ອງຕ້ອງການ ຂອງສັງຄົມມາຮອດປີ 2011 ໂດຍອີງໃສ່ແນວທາງນະໂຍບາຍ ຂອງພັກ-ລັດ ກໍ່ຄືແຜນພັດທະນາ ເສດຖະກິດ-ສັງຄົມຂອງອົງຄະນະພັກເມືອງສາມັກຄີໄຊຄອບຄົວຂອງຕົນຈິ່ງໄດ້ວາງແຜນເພື່ອພັດທະນາຄອບຄົວໂດຍເລັງໃສ່ການຕໍ່າຫູກໃຫ້ເພີ່ມຂຶ້ນ ແລະນຳໃຊ້ແຮງງານເພີ່ມຂຶ້ນຈັກ 1 ແຮງ ງານມາເປັນ 2 ແຮງງານຈາກນັ້ນຜົນຜະລິດຫຼາຍຂຶ້ນ ແລະການຜະລິດນັບມື້ນັບຫຼາຍການເປັນສິນຄ້າຊຶ່ງຮູບແບບການຜະລິດເປັນປະເພດແພປູໂຕະ, ຜ້າບ່ຽງ, ກະ ຕ່ຽວ ແລະສິ້ນເຜົ່າຕະຫຼຽງຜົນຜະລິດສະເລ່ຍແລ້ວເດືອນໜຶ່ງຜະລິດໄດ້ 30 ຜືນຈໍາໜ່າຍໃນລາຄາ 60 ພັນກີບຕໍ່ໜຶ່ງຜືນສະເລ່ຍໝົດປີໄດ້ 20 ລ້ານກີບຕໍ່ປີ, ວິທີ ການຂາຍແມ່ນຍ່າງຕາມບ້ານຕາມຕົວເມືອງ ແລະສຳນັກງານອົງການ.

  ທ່ານ ນາງ ມະນີວັນ ໃຫ້ຮູ້ ອີກວ່າ: ມາຮອດປະຈຸບັນການຕໍ່າຫູກຂອງຕົນໄດ້ຂະຫຍາຍເພີ່ມ ຂຶ້ນເລື້ອຍໆຍ້ອນວ່າຕົນເອງໄດ້ ມີສາຂາຈຳໜ່າຍພາຍໃນແຂວງ ແລະຕ່າງແຂວງເປັນຕົ້ນທີ່ຕາດ ຜາສ້ວມ ແຂວງຈຳປາສັກ ຕາດ ເລາະແຂວງສາລະວັນ ຈາກນັ້ນໃນ ແຕ່ລະປີກໍ່ໄດ້ນຳໄປຈຳໜ່າຍ ແລະວາງຂາຍທີ່ຕະຫຼາດໄອເຕັກ, ຕະຫຼາດທາດຫຼວງນະຄອນຫຼວງວຽງຈັນ ແລະວາງຂາຍໃນງານ ສຳຄັນຕ່າງໆຂອງພັກຂອງຊາດ ແລະບາງພາກສ່ວນກໍ່ມາຮັບເອົາ ຢູ່ເຮືອນເຮັດໃຫ້ກາຍຂາຍນັບນັບ ຫຼາຍຜົນໄດ້ຮັບກໍ່ຫຼາຍຂຶ້ນຜ່ານ ຄວາມມານະອົດທົນບວກກັບກຳ ລັງແຮງຊຸກຍູ້ສົ່ງເສີມຈາກພັກ-ລັດກໍ່ຄືອົງການຈັດຕັ້ງທຸກຂັ້ນ ຜົນໄດ້ຮັບຈາກການຢຶດຖືອາຊີບ ຫັດຖະກຳຕໍ່າຫູກແມ່ນເຮັດໃຫ້ ຄອບຄົວມີລາຍຮັບເປັນປົກກະຕິ ແລະເພີ່ມຂຶ້ນເລື່ອຍໆປະຈຸບັນ ຄອບຄົວຂອງນາງ ມະນີວັນ ກໍ່ໄດ້ຫຼຸດພົ້ນຈາກຄວາມທຸກຍາກ ແລະມີເຮືອນຢູ່ຖາວອນ 1 ຫຼັງ, ມີດິນທຳການປູກ, ການລ້ຽງຈຳນວນໜຶ່ງມີລົດຈັກ 2 ຄົນ, ມີອຸປະກອນຮັບໃຊ້ໃນຄອບຄົວສະດວກໃນການດຳລົງຊີວິດປະຈຳວັນ ພ້ອມທັງສົ່ງເສີມລູກຮຽນ ແລະ ປະກອບສ່ວນພັນທະອື່ນໆ ແລະມີທຶນຄົງທີ່ເງິນແຮໄວ້ໃນຄອບຄົວ.

ນາງ ມະນີວັນ ເພີ່ນຍັງກ່າວ ອີກວ່າ: ສີ່ງທີ່ເຮັດໃຫ້ຄອບຄົວ ເພີ່ນໄດ້ຮັບຜົນສຳເລັດມາທັງ ໝົດນັ້ນກໍ່ແມ່ນຍ້ອນແນວທາງ ຂອງພັກ-ລັດອັນສະຫລາດສ່ອງໃສ ແລະບວກໃສ່ກັບຄວາມພາກພຽນມານະອົດທົນຂອງສະມາຊິກທັງໝົດຂອງຄອບຄົວ ແລະຕໍ່ໜ້າແມ່ນຈະໄດ້ສືບຕໍ່ຕໍ່າຫູກໃຫ້ ຫຼາຍ ແລະຂະຫຍາຍສາຂາອອກ ເພື່ອເຮັດໃຫ້ຜົນຜະລິດຕອບສະໜອງກັບຄວາມຮຽກຮ້ອງຕ້ອງ ການຂອງສັງຄົມໃຫ້ຫຼາຍຂຶ້ນ.

------

ຂ່າວ: ສຸຫັດ ອັດຕະປື 

แชร์