ຍີ່ປຸ່ນ ໃຫ້ທຶນສ້າງຄວາມເຂັ້ມແຂງດ້ານສາທາທີ່ຫົວພັນ

 ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າໂຄງການເສີມສ້າງຄວາມເຂັ້ມແຂງໃຫ້ແກ່ສຸກສາລາ ແລະໂຮງໝໍເມືອງແລະຍົກລະດັບການບໍລິການທາງດ້ານສາທາລະນະສຸກທີ່ແຂວງຫົວພັນເປັນຈໍານວນເງິນ 4,09 ແສນໂດລາສະຫະລັດ ຊຶ່ງມີພິທີເຊັນສັນຍາໂຄງການຊ່ວຍເຫຼືອດັ່ງກ່າວຂຶ້ນທີ່ສະຖານທູດຢີ່ປຸ່ນປະຈຳລາວໃນວັນທີ 5 ມີນາ 2020 ລະຫວ່າງພະນະທ່ານທາເກວາກະເຄໂຊ, ເອກອັກ ຄະຣາຊະທູດຢີ່ ປຸ່ນປະຈຳລາວ ແລະທ່ານ ນາງ ໂອກາວະ ອາກິ, ຜູ້ດຳເນີນໂຄງການຂອງອົງການແພດໂລກຍີ່ປຸ່ນ (MdMJ),ເຊິ່ງເປັນອົງການບໍ່ສະແຫວງຜົນກຳໄລຈາກປະເທດຍີ່ປຸ່ນ ແລະເປັນຜູ້ບໍລິຫານໂຄງການດັ່ງກ່າວການຊ່ວຍເຫຼືອລ້າໃນຄັ້ງນີ້ຈະໃຫ້ການສະໜັບສະໜູນກິດຈະກຳເປັນເວລາ 1 ປີ.

  ໂຄງການນີ້ມີເປົ້າໝາຍທີ່ຈະເສີມສ້າງຄວາມເຂັ້ມແຂງກົນໄກການບຳລຸງຮັກສາ ແລະຍົກລະດັບການປິ່ນປົວຂັ້ນພື້ນຖານທີ່ສະຖານອຳນວຍຄວາມສະດວກຂັ້ນພື້ນຖານ ທີ່ແຂວງຫົວພັນໃນຕົວເມືອງຊ່ອນ ແລະຫົວເມືອງ, ໂຄງການດັ່ງກ່າວຈະສ້າງສັກກະຍະພາບໃຫ້ແກ່ການກວດກາ ແລະການປະເມີນຜົນ, ແລະອຳນວຍຄວາມສະດວກ ໃຫ້ແກ່ການຮ່ວມມືລະຫວ່າງຄະນະກຳມະການສາທາລະນະສຸກຂັ້ນບ້ານ, ສະຖານບໍລິການສາທາລະນະສຸກ ແລະຫ້ອງການໂຮງໝໍເມືອງເພື່ອສາມາດສືບຕໍ່ຮຽນຮູ້ດ້ວຍຕົວເອງໄດ້.

  ສຳລັບທີ່ເມືອງກວັນ, ໂຄງການດັ່ງກ່າວຈະມອບອຸປະກອນທີ່ຈຳເປັນໃຫ້ແກ່ສຸກສາລາເພື່ອຍົກລະດັບການບໍລິການດ້ານສາທາລະນະສຸກ.

   ອົງການແພດໂລກແມ່ນເຄືອຂ່າຍການແພດລະດັບໂລກທີ່ໄດ້ຮ່ວມເຮັດວຽກກັບບັນດາແພດຊ່ຽວຊານເພື່ອທີ່ຈະໃຫ້ປະຊາຊົນເຂົ້າເຖິງການບໍລິການທາງແພດຊຶ່ງໄດ້ຜົນກະທົບຈາກປັດໃຈຫຼາຍຢ່າງບໍ່ວ່າຈະເປັນໄພທຳມະຊາດ, ບັນຫາຂັດແຍ່ງຫຼືຄວາມທຸກຍາກ.

________________

#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

แชร์