ສະຫະພັນແມ່ຍິງແຂວງຄຳມ່ວນ ສຳເລັດກອງປະຊຸມໃຫຍ່ຄັ້ງທີ X

   ກອງປະຊຸມໃຫຍ່ຄັ້ງທີ X ຂອງສະຫະພັນແມ່ຍິງແຂວງຄຳມ່ວນ ໄດ້ໄຂຂຶ້ນໃນລະຫວ່າງວັນທີ 4-5 ມີນາ 2020 ທີ່ສະໂມສອນຫຼັກ 4 ແຂວງຄຳມ່ວນ ໂດຍການ ເປັນປະທານຂອງສະຫາຍ ນາງ ບັງອອນ ໄຊຍະສິດ ຄະນະບໍລິຫານງານສູນກາງສະຫະພັນແມ່ຍິງລາວກຳມະການພັກແຂວງ, ປະທານສະຫະພັນແມ່ຍິງແຂວງຄຳມ່ວນ, ມີ ສະຫາຍ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານງານສູນກາງສະຫະພັນແມ່ຍິງລາວ, ສະຫາຍ ໂອໄດ ສຸດາພອນກຳມະການສູນກາງພັກ, ເລຂາພັກແຂວງ, ເຈົ້າແຂວງຄຳມ່ວນ, ມີຄະນະຊີ້ນຳກອງປະຊຸມໃຫຍ່ຂັ້ນແຂວງ, ອົງການຈັດຕັ້ງມະຫາຊົນ, ພະນັກງານອາວຸໂສບຳນານ, ບັນດາພະແນກການ ແລະຜູ້ແທນສົມບູນເຂົ້າຮ່ວມ.

  ສະຫາຍ ນາງ ບັງອອນ ໄຊຍະ ສິດ ໄດ້ຜ່ານບົດລາຍງານການເມືອງ, ຕີລາຄາຮອບດ້ານການຈັດ ຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ໄລຍະຜ່່ານມາພ້ອມວາງ ທິດທາງແຜນການໃນ 5 ປີ 2020- 2024 ໂດຍຄະນະສະຫະພັນແມ່ຍິງ ໃນແຕ່ລະຂັ້ນໄດ້ເອົາໃຈໃສ່ຈັດຕັ້ງ ເຜີຍແຜ່ເຊື່ອມຊຶມຄຳຂວັນຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວໄດ້ທັງໝົດ 1.724 ຄັ້ງ, ມີຜູ້ເຂົ້າຮ່ວມ 133.750 ຄົນ, ກວມເອົາ 99,26% ຂອງແມ່ຍິງໃນເກນອາຍຸພ້ອມນັ້ນໄດ້ເປີດຂະບວນການແຂ່ງ ຂັນ 3 ດີ, ມີສະມາຊິກເຂົ້າແຂ່ງ ຂັນທັງໝົດ 61 ພັນກວ່າຄົນກວມ ເອົາ 91% ຂອງສະມາຊິກແມ່ຍິງ ທັງໝົດ, ສາມາດຄັດເລືອກໄດ້ບຸກຄົນ3 ດີປະເທດ I ໄດ້ 54 ພັນຄົນ, ປະເທດ II ໄດ້ 6 ພັນກວ່າຄົນ, ຮັບຮອງເປັນໜ່ວຍສະຫະພັນແມ່ຍິງ 3 ດີ 170 ໜ່ວຍ, 125 ຮາກຖານ, 555 ບ້ານ ແລະ 10 ຕົວເມືອງ.

ສະໜັບສະໜູນໂດຍ: HONDA

  ສຳລັບຄາດໝາຍສູ້ຊົນໃນ 5 ປີ ຕໍ່ໜ້າໂດຍຖືເອົາແຜນພັດທະນາແມ່ຍິງຕາມ 9 ແຜນງານ, 24 ໂຄງການພ້ອມທັງປັບປຸງກົງຈັກການຈັດຕັ້ງສະຫະພັນແມ່ຍິງແຕ່ລະຂັ້ນ  ໃຫ້ມີຄວາມໜັກແໜ້ນ, ເຂັ້ມແຂງ, ແມ່ຍິງໃນເກນອາຍຸໃຫ້ໄດ້ເຂົ້າເປັນສະມາຊິກກວມເອົາ 80%, ສະມາຊິກແມ່ຍິງໄດ້ເຂົ້າຮ່ວມເຊື່ອມຊຶມຄຳຂວັນຂໍ້ແຂ່ງຂັນ 3 ດີ ກວມ 100%, ສະມາຊິກແມ່ຍິງເຂົ້າເປັນລັດຖະກອນກວມເອົາ 50% ຂຶ້ນໄປ, ແມ່ຍິງ ແລະເດັກນ້ອຍໄດ້ຮັບການປົກປ້ອງສິດຜົນປະໂຫຍດ ແລະໄດ້ເຂົ້າເຖິງຂະບວນການຍຸຕິທຳຢ່າງກວ້າງຂວາງ ແລະທົ່ວເຖິງ.

 ນອກນັ້ນໃນປະຊຸມໄດ້ປ່ອນບັດເລືອກເອົາຄະນະບໍລິຫານງານສະຫະພັນແມ່ຍິງແຂວງຊຸດໃໝ່ຊຶ່ງມີຜູ້ລົງສະໝັກຈຳນວນ 33 ສະຫາຍ, ເລືອກເອົາ 29 ສະຫາຍ ໂດຍເລືອກ ເອົາສະຫາຍ ນາງ ອາລີ ບົວຈູມ ເປັນປະທານ, ສະຫາຍນາງ ບຸນ ຖອນ ພະຈັນທອນ ເປັນຮອງປະທານທັງເປັນປະທານກວດກາ, ສະຫາຍ ນາງ ກຽນຕາ ວັນມະລາ ເປັນຮອງປະທານ ແລະສະຫາຍ ນາງ ໄພວັນ ພົມຫາລາດ ເປັນຮອງປະທານຄະນະບໍລິຫານງານສະຫະພັນແມ່ຍິງແຂວງຄຳມ່ວນຊຸດໃໝ່.

______________

#ຂຽນໂດຍ: ກອງຄຳ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

แชร์