ແມ່ຄວນຮູ້ ວິທີເລືອກນົມດີລູກຈະມີພັດທະນາການສົມໄວ

  ສຳລັບເດັກອ່ອນນົມແມ່ເປັນອາຫານຫຼັກທີ່ສຳຄັນ, ແຕ່ສຳລັບເດັກນ້ອຍ 1-3 ປີ ເດັກນ້ອຍຄວນໄດ້ຮັບສານອາຫານຄົບ 5 ໝູ່ ແລະດື່ມນົມເສີມທີ່ໃຫ້ປະໂຫຍດທາງດ້ານພັດທະນາການ,  ສະນັ້ນການເລືອກນົມໃຫ້ລູກທີ່ຢູ່ໃນໄລຍະຂອງການຮຽນຮູ້ຈຶ່ງເປັນສິ່ງທີ່ສຳຄັນ, ເພາະນົມປະກອບໄປດ້ວຍໂປຕີນຊຶ່ງເປັນສິ່ງຈຳເປັນໃນການເສີມ ສ້າງຮ່າງກາຍໃຫ້ແຂງແຮງ, ໄຂມັນຊ່ອຍເສີມສ້າງເຊວ ແລະເນື້ອເຍື່ອພ້ອມທັງໃຫ້ພະລັງງານແກ່ຮ່າງກາຍ, ຄາໂບໄຮເດຣດຊ່ອຍດູດຊຶມແຄຊຽມເຂົ້າສູ່ຮ່າງກາຍ ແລະຊ່ອຍພັດທະນາເຍື່ອຫຸ້ມສະໝອງໃຫ້ແຂງແຮງ, ວິຕາມິນບີ 2 ເສີມສ້າງການເຮັດວຽກຂອງຮ່າງກາຍ, ແຄຊຽມ ແລະຟອສຟໍຣັດ: ຊ່ອຍໃນການຈະເລີນເຕີບໂຕ, ເຮັດ   ໃຫ້ກະດູກ ແລະແຂ້ວແຂງແຮງ, ວິຕາມິນເອບຳລຸງສາຍຕາ, ເພີ່ມພູມຄຸ້ມກັນ ແລະຊ່ອຍໃຫ້ເນື້ອເຍື່ອຈະເລີນເຕີບໂຕ.

      -  ນົມທີ່ໃຫ້ໂປຕີນຫຼາຍ: ນົມງົວ ລົດຈືດ 3.3 ກຣາມ, ໂຍເກິດ 3.8 ກຣາມ.

      - ນົມທີ່ໃຫ້ໄຂມັນ: ນົມຄວາຍ 8.0 ກຣາມ, ນົມງົວລົດຈືດ ແລະນົມແກະ 3.6 ກຣາມ, ໂຍເກິດ 2.6 ກຣາມ.

      - ນົມທີ່ໃຫ້ແຄຊຽມສູງ: ນົມຄວາຍ 195 ມິລີກຣາມ, ໂຍເກິດ 126 ມິລີກຣາມ, ນົມງົວລົດຈືດ 110 ມິລີກຣາມ.

      _____________

      ຮຽບຮຽງໂດຍ: ຟ້າ

 

แชร์