ເຊັນສັນຍາຮັບເໝົາກໍ່ສ້າງໂຮງຮຽນປະຖົມສົມບູນ ເມືອງຫົງສາ

  ພິທີເຊັນສັນຍາຮັບເໝົາໂຄງການກໍ່ສ້າງໂຮງຮຽນປະຖົມສົມບູນ ເມືອງຫົງສາ ແຂວງໄຊຍະບູລີ ລະຫວ່າງຫ້ອງການສຶກສາທິການ ແລະກີລາເມືອງຫົງສາ ແລະບໍລິສັດ ຈັນທະວົງ ກໍ່ສ້າງຂົວທາງ ແລະ ສ້ອມແປງເຄຫະສະຖານຈໍາກັດໄດ້ຈັດຂຶ້ນໃນຕອນເຊົ້າຂອງວັນທີ 5 ມີນາ 2020 ທີ່ຫ້ອງປະຊຸມຫ້ອງການສຶກສາທິການ ແລະ ກີລາເມືອງໂດຍການໃຫ້ກຽດເຂົ້າຮ່ວມຂອງທ່ານ ປ່ຽນ ຈິນດາ ຫົວໜ້າຫ້ອງວ່າການເມືອງຫົງສາ, ທ່ານ ທອງສຸກ ປ້ອງຄໍາ ຫົວໜ້າຫ້ອງການ ສຶກສາທິການ ແລະ ກີລາເມືອງ, ມີຫົວໜ້າຫ້ອງການອອ້ມຂ້າງເມືອງ ແລະຕາງໜ້າບໍລິສັດຈັນທະວົງ ກໍ່ສ້າງຂົວທາງ ແລະສ້ອມແປງເຄຫະຖານຈໍາກັດເຂົ້າຮວ່ມເປັນສັກຂີພິຍານ.

ສະໜັບສະໜູນໂດຍ: HONDA

ໃນພິທີ ທ່ານ ບຸນທະວີ ສີປະເສີດ ຮັກສາການຫົວໜ້າຫ້ອງການແຜນການ ແລະການລົງທຶນເມືອງ, ກໍ່ໄດ້ຜ່ານຂໍ້ຕົກລົງຂອງທ່ານເຈົ້າ ແຂວງໄຊຍະບູລີ ວ່າດ້ວຍການອະນຸຍາດໃຫ້ເມືອງຫົງສາກໍ່ສ້າງໂຮງຮຽນປະຖົມສົມບູນເມືອງຫົງສາ ແຂວງໄຊຍະບູລີ ສະບັບເລກທີ 1624 / ຈຂ.ຊຍ ລົງວັນທີ 27  ທັນວາ 2019, ໂດຍອີງຕາມແຜນພັດທະນາເສດຖະກິດ-ສັງຄົມຂອງເມືອງຫົງສາ5 ປີ(2020–2025) ວາງອອກ ແລະແຜນພັດທະນາພື້ນຖານໂຄງລ່າງດ້ານການສຶກສາປະຈໍາສົກປີ 2020– 2021, ເພື່ອເຮັດໃຫ້ການຈັດຕັ້ງປະຕິບັດໂຄງການດັ່ງກ່າວໄດ້ຮັບຜົນດີຮັບປະກັນທາງດ້ານຄຸນນະພາບ ແລະ ສໍາເລັດຕາມກໍານົດເວລາ.

  ໂຄງການດັ່ງກ່າວນີ້ມີມູນຄ່າໃນການກໍ່ສ້າງທັງໝົດ 995 ລ້ານກວ່າກີບ, ໂດຍນຳໃຊ້ແຫຼ່ງທຶນພັດທະນາຊຸມຊົນໂຄງການໄຟຟ້າພະລັງງານຄວາມຮ້ອນຫົງສາ, ເປັນ ອາຄານຊັ້ນດຽວ, ມີລວງກວ້າງ 8 ແມັດ, ລວງຍາວ 4, 23 ແມັດ, ໂຄງສ້າງເຮັດດ້ວຍເບຕົງເສີມເຫຼັກ, ໂຄງຫຼັງຄາເສີມດ້ວຍເຫຼັກມຸງດ້ວຍກະເບື້ອງ, ພື້ນປູດ້ວຍເບຕົງເສີມເຫຼັກ, ມີ 7 ຫ້ອງຮຽນ,  ຫ້ອງນໍ້ານອກ 7 ຫ້ອງ,ຝາກໍ່ດ້ວຍດີນບັອກ,ຮັບເໝົາກໍ່ສ້າງໂດຍແມ່ນບໍລິສັດຈັນທະວົງກໍ່ສ້າງຂົວທາງ ແລະສ້ອມແປງເຄຫະສະຖານຈໍາກັດ, ຊຶ່ງມີໄລຍະເວລາໃນການກໍ່ສ້າງເປັນເວລາ 6 ເດືອນນັບແຕ່ມື້ເຊັນສັນຍາເປັນຕົ້ນໄປ, ຫຼັງຈາກນັ້ນກໍ່ໄດ້ເຊັນສັນຍາຮ່ວມກັນຕາງໜ້າເຈົ້າຂອງໂຄງການໂດຍແມ່ນທ່ານ ທອງສຸກ ປ້ອງຄຳ ຫົວໜ້າຫ້ອງການສຶກສາທິການ ແລະ ກີລາເມືອງ ແລະ ທ່ານ ຊົງຍົດ ຈັນທະວົງ ຮອງອໍານວຍການບໍລິສັດ ຈັນທະວົງ ກໍ່ສ້າງຂົວທາງ ແລະ   ສ້ອມແປງເຄຫະສະຖານຈໍາກັດໂດຍຊ່ອງໜ້າທ່ານ ປ່ຽນ ຈິນດາ ຫົວໜ້າຫ້ອງວ່າການເມືອງຫົງສາ ແລະພາກສ່ວນກ່ຽວຂ້ອງເຂົ້າຮ່ວມ.

___________

#ຂຽນໂດຍ: ບຸນປອນ
#ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

#ສົນໃຈລົງໂຄສະນາໄດ້ທີ່:  021 313645, 316511

 

แชร์