ນາຊາເຜີຍ ຍານສຳຫຼວດດາວອັງຄານພົບແຜ່ນດິນໄຫວ 450 ຄັ້ງ ແຕ່ບໍ່ຮຸນແຮງ

 NASA ໄດ້ເປີດເຜີຍຜ່ານເອ ກະສານທີ່ເຜີຍແຜ່ 6 ສະບັບເມື່ອບໍ່ດົນມານີ້ກ່ຽວກັບສິ່ງທີ່ຍານສຳ ຫຼວດດາວອັງຄານ Insight ຄົ້ນພົບວ່າການເກີດແຜ່ນດິນໄຫວບົນ ດາວອັງຄານມີຫຼາຍກວ່າປົກກະຕິທົ່ວໄປແຕ່ຄວາມຮຸນແຮງນ້ອຍ ກວ່າທີ່ຄິດໄວ້.

 ຊຶ່ງມີຂໍ້ມູນຊັດເຈນຈາກເຄື່ອງມືການທົດລອງແຜ່ນດິນໄຫວສຳລັບໂຄງສ້າງພາຍໃນ(Seismic Experiment for Interior Structure:SEIS ຊຶ່ງປະກອບດ້ວຍ ເຄື່ອງວັດແທກແຜ່ນດິນໄຫວ ແລະ ເຄື່ອງມືທາງວິທະຍາສາດຫຼັກໆ ບົນຍານສຳຫຼວດ Insight) ໄດ້ບັນ ທຶກສັນຍານແຜ່ນດິນໄຫວຫຼາຍກວ່າ 450 ຄັ້ງ ຊຶ່ງເປັນເໝືອນເຫດການສັ່ນສະເທືອນທີ່ເກີດຂຶ້ນຕັ້ງແຕ່ປີທີ່ແລ້ວຫຼ້າສຸດ NASA ກ່າວວ່າສັນຍານສ່ວນໃຫຍ່ອາດເປັນແຜ່ນດິນ ໄຫວ ແລະບໍ່ແມ່ນແຕ່ສຽງລົບກວນ ທີ່ເກີດຈາກປັດໄຈທາງສະພາບແວດລ້ອມເຊັ່ນລົມແຜ່ນດິນໄຫວທີ່ໃຫຍ່ ທີ່ສຸດໃນການຄົ້ນພົບຂອງເຄື່ອງ ມື SEIS ມີຂະໜາດປະມານ 4,0 ຊຶ່ງຂະໜາດບໍ່ໃຫຍ່ພໍທີ່ຈະເຄື່ອນທີ່ລົງໄປເຖິງຂັ້ນໃຕ້ເປືອກ ແລະແກນ ກາງຂອງດາວອັງຄານຖ້າເວົ້າເຖິງ ໂຄງສ້າງພາຍໃນຂອງດາວເຄາະກໍຈະປຽບເໝືອນສ່ວນທີ່ສໍ່າທີ່ສຸດ ຂອງແອັບເປິ້ນ.

 ແຜ່ນດິນໄຫວຂອງດາວອັງຄານນັ້ນບໍ່ເໝືອນກັບແຜ່ນດິນໄຫວຂອງໂລກເພາະດາວອັງຄານບໍ່ມີແຜ່ນເປືອກຂອງດວງດາວເໝືອນໂລກ ແຕ່ສຽງດັງກຶກກ້ອງນັ້ນມາຈາກພາກພື້ນພູໄຟ ແລະຂະບວນການທຳ ຄວາມເຢັນພາຍໃນທີ່ເຮັດໃຫ້ແກນກາງຫົດຕົວ ແລະສ້າງຄວາມຄຽດຂໍ້ມູນການສຳຫຼວດດາວອັງ ຄານມີຄວາມຄືບໜ້າຂຶ້ນເລື້ອຍໆ ຫຼາຍຄົນກໍລຸ້ນວ່າຈະພົບສິ່ງມີຊີວິດຫຼື ບໍ່ ແລະທີ່ສຳຄັນຈະສາມາດຕັ້ງເປັນຖິ່ນຖານສຳລັບມະນຸດຕໍ່ໄປໃນອະນາຄົດໄດ້ ຫຼື ບໍ່ຕ້ອງລໍພິສູດກັນ.

-------

ໜັງສືພິມເສດຖະກິດ-ສັງຄົມ

แชร์