ໜອງບົກ ສະຫຼຸບວຽກທ່ອງທ່ຽວບ້ານດ່ານປາກເຊ

   ເພື່ອເປັນການທົບທວນຄືນໃນຜົນງານການຈັດຕັ້ງປະຕິບັດຂອງວຽກງານທ່ອງທ່ຽວບ້ານດ່ານປາກເຊເຊື່ອມສານກັບງານນະມັດສະການພະທາດຕູມພະວັງປະຈຳປີ 2020 ແລະວາງທິດທາງແຜນການໃນຊຸມປີຕໍ່ໜ້າດັ່ງນັ້ນໃນເມື່ອບໍ່ດົນມານີ້ທີ່ສະໂມສອນຫ້ອງວ່າການປົກຄອງເມືອງໄດ້ຈັດກອງປະຊຸມຂຶ້ນພາຍໃຕ້ການເປັນປະທານ ຂອງທ່ານ ສົມໃຈພານີຈັນ ເລຂາພັກເມືອງເຈົ້າເມືອງໆໜອງບົກເຂົ້າຮ່ວມກອງປະຊຸມມີບັນດາທ່ານຫົວໜ້າຫ້ອງການ,ຮອງຫ້ອງການພ້ອມດ້ວຍນາຍພົນທະຫານນາຍ ພົນຕຳຫຼວດ ແລະຄະນະກຳມະການຈັດງານເຂົ້າຮ່ວມ.

 ໃນປະຊຸມຍັງໄດ້ຮັບຟັງການຜ່ານຮ່າງບົດສະຫຼຸບຜົນການຈັດຕັ້ງປະຕິບັດໃນການຈັດງານທ່ອງທ່ຽວບ້ານດ່ານປາກເຊ ເຊື່ອມສານກັບງານນະມັດສະການພະທາດຕູມພະວັງປະຈຳປີ 2020 ແລະ ວາງທິດທາງແຜນການປະຈຳປີ 2021 ຊຶ່ງໃນການຈັດງານຄັ້ງນີ້ແມ່ນໄດ້ມີການດຳເນີນໃນເດືອນມັງກອນ 2020 ຜ່ານມາ ບົນພື້ນຖານການຈັດຕັ້ງປະຕິບັດຕາມແຜນການເຄື່ອນໄຫວ ແລະທິດຊີ້ນໍາຂອງຄະນະນໍາຂັ້ນເມືອງຊຶ່ງໃນງານທ່ອງທ່ຽວປະຈຳປີນີ້ແມ່ນມີບັນຍາກາດເບີກບານມ່ວນຊື່ນ ແລະເປັນຂະ ບວນການຟົດຟື້ນ ຊຶ່ງມີນັກທ່ອງ ທ່ຽວພາຍໃນ ແລະຕ່າງປະເທດ ເຂົ້າມາທ່ອງທ່ຽວໃນປີນີ້ຈຳນວນ 13.404 ຄົນ ທ່ຽບໃສ່ປີ 2019 ປະຕິບັດໄດ້ 98,64% ໃນນັ້ນນັກທ່ອງທ່ຽວທີ່ເຂົ້າມາທ່ອງທ່ຽວ ແລະໄປກາບໄຫ້ວພະທາດຕູມພະວັງທີ່ ບ້ານນາວາງໃຫຍ່  ເມືອງໜອງບົກ ມີຈຳນວນນັກທ່ອງທ່ຽວ 300 ກວ່າຄົນ.

ສະໜັບສະໜູນໂດຍ: HONDA

 ເພື່ອເຮັດໃຫ້ກອງປະຊຸມມີຄວາມໝາຍຄວາມສໍາຄັນ ແລະເນື້ອໃນຄວາມໝາຍອັນຄົບຖ້ວນທ່ານປະທານກອງປະຊຸມໄດ້ນຳພາຄົ້ນຄວ້າ ແລະ ປະກອບຄຳຄິດຄຳເຫັນໃສ່ໃນຮ່າງບົດສະຫຼຸບໃນຜົນງານການຈັດຕັ້ງປະຕິບັດຂອງບັນດາຕາມໜ້າວຽກງານຂອງຕົນຮັບຜິດຊອບ ແລະເພື່ອເປັນການຖອດຖອນບົດຮຽນເຊິ່ງກັນ ແລະກັນເພື່ອຈະເປັນການນຳເອົາໄປຈັດຕັ້ງປະຕິບັດໃນຊຸມປີຕໍ່ໜ້າ.

_________

ໜັງສືພິມເສດຖະກິດ-ສັງຄົມ

 

แชร์