ມອບເງິນ ແລະວັດຖຸສົມທົບທຶນສ້ອມແປງໂຮງຮຽນ

   ເມື່ອບໍ່ດົນມານີ້ທີ່ໂຮງຮຽນປະຖົມໜອງປາກຊ່ອງບັນດາບຸກຄົນ, ນິຕິບຸກຄົນ ແລະ ສິດເກົ່າໂຮງຮຽນປະຖົມໜອງປາກຊ່ອງໄດ້ນໍາເອົາເງິນ ແລະ ວັດຖຸມມອບໃຫ້ໂຮງ ຮຽນເພື່ອສົມທົບທຶນສ້ອມແປງໂຮງຮຽນ, ໂດຍເຂົ້າຮ່ວມຂອງ ທ່ານ ຄໍາປານ ເຄນວົງສັກ ປະທານກວດກາພັກ-ລັດເມືອງ, ທ່ານຄໍາຮູ້ ພູມມະລາດ ຫົວໜ້າຫ້ອງການສຶກສາທິການ ແລະກີລາເມືອງ, ມີຜູ້ອໍານວຍການໂຮງຮຽນພ້ອມຄະນະ, ຄູ-ອາຈານພາຍໃນໂຮງຮຽນຕະຫຼອດຮອດບັນດານ້ອງນ້ອຍນັກຮຽນ, ນາຍບ້ານ ແລະບັນດາບຸກຄົນ, ນິຕິບຸກຄົນ ແລະສິດເກົ່າ.

ສະໜັບສະໜູນໂດຍ: HONDA

  ໃນການລົງມາມອບເງິນ ແລະ ອຸປະກອນໃນຄັ້ງນີ້ບັນດາບຸກຄົນ, ນິຕິບຸກຄົນ ແລະສິດເກົ່າກໍ່ໄດ້ນໍາເອົາເງິນຈໍານວນ 11 ລ້ານກີບ  ແລະຫີນແຫ່ 1 ລົດ, ຊາຍ 1 ລົດ ແລະ ຊີມັງ 14 ໂຕນກັບ 16 ກະສອບ, ຊຶ່ງຄິດເປັນມູນຄ່າທັງໝົດ 12,63 ລ້ານກີບ ມາມອບໃຫ້ແກ່ໂຮງຮຽນປະຖົມໜອງປາກຊ່ອງ,ສ່ວນແຫຼ່ງທຶນແມ່ນໄດ້ມາຈາກການປະກອບ ທຶນຮອນຂອງບັນດາບຸກຄົນ, ນິຕິບຸກຄົນ ແລະສິດເກົ່າທີ່ເຄີຍຮຽນຢູ່ພາຍໃນໂຮງຮຽນ.

 ນອກຈາກນັ້ນທາງໂຮງຮຽນປະຖົມໜອງປາກຊ່ອງກໍ່ຍັງໄດ້ຈັດພິທີມອບ-ຮັບໃບສັນລະເສີນຂອງທ່ານເຈົ້າເມືອງອາດສະພັງທອງໃຫ້ແກ່ຜູ້ທີ່ມາປະກອບສ່ວນເຂົ້າໃນການສ້ອມແປງໂຮງຮຽນໃຫ້ກຽດ ມອບໂດຍທ່ານ ຄໍາປານ ເຄນວົງສັກ ປະທານກວດກາພັກ-ລັດເມືອງ, ທ່ານ ຄໍາຮູ້ ພູມມະລາດ ຫົວໜ້າຫ້ອງການສຶກສາທິການ ແລະກີລາ ເມືອງໄດ້ຜັດປ່ຽນກັນມອບຢ່າງສົມກຽດໂດຍຊ່ອງໜ້າກັບບັນດາແຂກຜູ້ເຂົ້າຮ່ວມເປັນສັກຂີພິຍານນໍາດ້ວຍ, ພ້ອມທັງແຂ່ງຂັນກີລາບານເຕະເພື່ອມິດຕະພາບ ແລະ ບຸກ ຄົນ, ນິຕິບຸກຄົນ ແລະສິດເກົ່າເພື່ອຮັດແໜ້ນຄວາມສາມັກຄີຕື່ມອີກດ້ວຍ.

___________

ໜັງສືພິມເສດກິດ-ສັງຄົມ

แชร์