ອະນາໄມໂລກຮຽກຮ້ອງໃຫ້ຊຸມຊົນທົ່ວໂລກ ຕໍ່ສູ້ກັບໂຄວິດ-19 ຢ່າງຈິງຈັງ

 ສຳນັກຂ່າວຕ່າງປະເທດລາຍງານວ່າ ຫຼັງຈາກຫຼາຍກວ່າ 2 ເດືອນຜ່ານໄປ, ການລະບາດຂອງໂຄວິດ-19 ໃນປະເທດ ສປ ຈີນ ເບິ່ງຄືວ່າຈະເລີ່ມເພີ່ມຂຶ້ນໃນອັດຕາຄວາມໄວທີ່ຫຼຸດລົງ,ກົງກັນຂ້າມ ການລະບາດຢູ່ນອກ ສປ ຈີນ ຍັງສືບຕໍ່ຂະຫຍາຍອອກຢ່າງກວ້າງຂວາງ ອົງການອະນາໄມໂລກໄດ້ກ່າວເນັ້ນອີກເທື່ອໜຶ່ງ ແລະຮຽກຮ້ອງໃຫ້ປະຊາຄົມໂລກຕໍ່ສູ້ກັບໂຄວິດ-19 ຢ່າງຈິງຈັງ, ລ້າສຸດຍອດຜຸ້ຕິດເຊື້ອສະສົມຈາກໂຄວິດ-19 ເພິ່ມສູງກວ່າ 106.000 ຄົນແລ້ວ ແລະມີຜູ້ເສຍຊີວິດ 3.600 ຄົນ.

ທ່ານ ດຣ Tedros Adhanom ຜູ້ອໍານວຍການໃຫຍ່ຂອງອົງ ການອະນາໄມໂລກ (WHO) ກ່າວວ່າ “ນີ້ບໍ່ແມ່ນການຝຶກຊ້ອມ, ນີ້ບໍ່ ແມ່ນເວລາທີ່ຈະຍອມແພ້, ແກ້ໂຕ ຫຼື ກ່າວໂທດເຊິ່ງກັນ ແລະກັນແຕ່ມັນ ແມ່ນເວລາທີ່ຈະຊ່ວຍກັນຢຸດຫຼາຍປະເທດວາງແຜນການຍາວນານຫຼາຍທົດສະວັດຮອດເວລາແລ້ວທີ່ຈະປະຕິບັດແຜນການນັ້ນ.”

ອະນາໄມໂລກແນະນຳໃຫ້ລັດຖະບານມີມາດຕະການທີ່ເຂັ້ມແຂງ ແລະ ເໝາະສົມ ເພື່ອປ້ອງກັນການແຜ່ລະບາດຂອງໄວຣັດທີ່ອາດຈະລະເບີດຂຶ້ນຖ້າວ່າມີຊ່ອງຫວ່າງ.

  ສ.ເກົາຫຼີ, ອີຕາລີ ແລະອີຣານ ແມ່ນ 3 ປະເທດ ທີ່ມີຈຳນວນຄົນຕິດ ເຊື້ອ ແລະເສຍຊີວິດເພີ່ມຂຶ້ນສູງຢ່າງໄວວາ ພາຍໃນເວລາບໍ່ຮອດໜຶ່ງ ອາທິດ ໂດຍຜູ້ຕິດເຊື້ອໂຄວິດ-19 ໃນ ສ.ເກົາຫຼີ, ອີຕາລີ ແລະອີຣານ ກວມເອົາຫຼາຍກ່ວາ 15% ຂອງຜູ້ຕິດເຊື້ອທັງໝົດ ຊຶ່ງອົງການອະນາ ໄມໂລກຍັງມີຄວາມໝັ້ນໃຈວ່າ ພວກເຮົາຈະສາມາດຢຸດໂຄວິດ-19 ໄດ້ ຖ້າປະຊາຄົມໂລກ ແລະທຸກອົງການເຮັດວຽກຮ່ວມກັນ.

----------

ໜັງສືພິມເສດຖະກິດ-ສັງຄົມ

แชร์