ເປີດບັ້ນອົບຮົມຫັດແອບການເມືອງ-ການທະຫານ ພະລາທິການເຕັກນິກ

  ທ້າຍອາທິດຜ່ານມານີ້, ກອງບັນຊາການທະຫານແຂວງສະຫວັນນະເຂດ ໄດເປີດຊຸດອົບຮົມ ຫັດແອບການເມືອງ-ການທະຫານ ພະລາທິການປະຈຳປີ 2020, ທີ່ເດີ່ນກອງບັນຊາການທະຫານ ແຂວງດັ່ງກ່າວ ໂດຍການເຂົ້າຮ່ວມ ເປັນປະທານຂອງສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະພັກຫົວໜ້າການເມືອງກອງ ບັນຊາການທະຫານແຂວງ, ມີສະຫາຍ ພັນໂທ ຄຳເພັດ ສຸລິຍະວົງ ຄະນະພັກ ຮັກສາການຫົວໜ້າການ ທະຫານກອງບັນຊາການທະຫານ ແຂວງ, ມີຄະນະພັກ-ຄະນະບັນຊາໃນອົງການ 5 ຫ້ອງ, ກອງບັນຊາການທະຫານເມືອງ 14 ກັບ 1 ນະຄອນ, ໂຮງຮຽນ, ໂຮງໝໍ, ກອງພັນ, ກອງຮ້ອຍເອກະລາດ ເຂົ້າຮ່ວມ.

 ທັງນີ້ ກໍແມ່ນປະຕິບັດຕາມຄຳ ສັ່ງອົບຮົມຫັດແອບການເມືອງ, ການທະຫານ, ພະລາທິການ-ເຕັກນິກປະຈຳປີ 2020 ຂອງກົມໃຫຍ່ເສນາທິການກອງທັບກໍ່ຄື ຄຳສັ່ງເພີ່ມເຕີມຂອງກອງບັນຊາ ການທະຫານ ແຂວງສະຫວັນນະ ເຂດວ່າດ້ວຍການອົບຮົມ-ຫັດ ແອບການທະຫານ, ການເມືອງ, ພະລາທິການ ແລະເຕັກນິກປະຈຳ ປີ 2020.

  ໃນພິທີ, ສະຫາຍ ພັນໂທ ໜູກອນ ສີຊົມພູ ຄະນະພັກຮອງຫົວໜ້າຫ້ອງເສນາທິການທະຫານ ແຂວງໄດ້ຂຶ້ນຜ່ານບົດສະຫຼຸບໃນການອົບຮົມຫັດແອບການເມືອງ, ການທະຫານ, ພະລາທິການ, ເຕັກ ນິກປະຈຳປີ 2019 ຊຶ່ງຜົນໄດ້ ຮັບພາກການທະຫານດ້ານລະບຽບຂໍ້ກຳນົດ ແລະລະບຽບຮູບ ແຖວບັນລຸໄດ້ 85% ກີລາການ ທະຫານ 80%, ສີລະປະຍຸດ-ຍຸດທະວິທີ 85%, ພາກການເມືອງ 85%, ພາກພະລາທິການ 75%, ພາກເຕັກນິກ 80% ຈາກນັ້ນ, ສະຫາຍ ພັນໂທ ໜູກອນ ສີຊົມພູ ກໍ່ໄດ້ແຜນການອົບຮົມຫັດແອບປະ ຈຳປີ 2020 ຊຶ່ງຈະໄດ້ພ້ອມກັນເອົາໃຈໃສ່ໃນການຫັດແອບໃຫ້ໄດ້ຄຸນນະພາບດີຂຶ້ນ.

--------

ໜັງສືພິມເສດຖະກິດ-ສັງຄົມ

แชร์